Community News & Updates

Stay informed with the latest happenings, achievements, and announcements from our community.

All News

calendar_today January 1, 2026

Ahmedabad: સિવિલમાં આંખના ટેસ્ટનું મશીન, એમ્બ્યુલન્સ જ નથી

સૌરાષ્ટ્રની સૌથી મોટી રાજકોટની સરકારી હોસ્પિટલમાં આવશ્યક દવા, ટેસ્ટ સહિતની સારવાર લાંબા સમયથી બંધ હોવાથી દર્દીઓ હેરાન પરેશાન થઈ રહ્યા છે એટલુ જ નહીં એમ્બ્યુલન્સ સેવાનો લાભ પણ મળતો ન હોવાથી ફરિયાદ સાથે કોંગ્રેસ સમિતિ દ્વારા જિલ્લા કલેક્ટરને આવેદનપત્ર પાઠવવામાં આવ્યું હતું. જો વડાપ્રધાનની મુલાકાત પૂર્વે યોગ્ય કરવામાં નહી આવે તો આ મામલે પી.એમ.ને રજુઆત કરવાની ચીમકી આપવામાં આવી છે.થેલેસેમિયા મેજર રોગથી પીડિત દર્દીઓને દર 10-15 દિવસે બ્લડ ચડાવવું ફ્રજિયાત હોય છે, જેના કારણે તેમના શરીરમાં આયર્નનું પ્રમાણ અત્યંત વધી જાય છે. વધેલા આયર્નના કારણે દર્દીઓને હૃદય, લીવર, સ્વાદુપિંડ, ડાયાબિટીસ જેવી ગંભીર તથા જીવલેણ તકલીફે સર્જાય છે, ખાસ કરીને 18 વર્ષથી ઉપરના દર્દીઓમાં પરિસ્થિતિ વધુ ગંભીર બને છે.આયર્ન લેવલને નિયંત્રણમાં રાખવા માટે દર્દીઓને દરરોજ 4 થી 6 ઈન્જેકશન લેવું અનિવાર્ય છે. આરોગ્ય વિભાગના આદેશ મુજબ આ ઇન્જેક્શન સિવિલ હોસ્પિટલમાંથી નિઃશુલ્ક આપવાનું હોવા છતાં, હકીકતમાં છેલ્લા ત્રણ વર્ષથી એક પણ દર્દીને ઈન્જેકશન સિવિલ હોસ્પિટલમાંથી આપવામાં આવ્યા નથી. આ ઉપરાંત સિવિલ હોસ્પિટલ તથા એમ્સમાં આંખના ગંભીર રોગો, ખાસ કરીને ગ્લોકોમાના નિદાન માટે ફ્રજિયાત પેરીમીટ્રી ટેસ્ટ કરવાની ડોક્ટરો દ્વારા સૂચના આપવામાં આવે છે.પેરીમીટ્રી એ આંખના વિઝયુઅલ ફીલ્ડ (દ્રષ્ટિક્ષેત્ર) ચકાસવાનો ટેસ્ટ છે.મહત્વપૂર્ણ ટેસ્ટ માટેની મશીનરી રાજકોટ સિવિલ હોસ્પિટલ તથા એમ્સમાં લાંબા સમયથી બંધ હાલતમાં છે. સિવિલ હોસ્પિટલમાં હાલ 5 એમ્બ્યુલન્સ, 1 શબવાહિની અને 1 છોટા હાથી સહિત કુલ 7 વાહનો ઉપલબ્ધ છે. પરંતુ છેલ્લા ઘણા સમયથી વાહનો કોઈના કોઈ કારણોસર રીપેરીંગ અથવા તો બંધ હાલતમા જ હોવાથી અછત સર્જાઈ છે.એમ્બ્યુલન્સ ન મળતાં દર્દીઓને ખાનગી એમ્બ્યુલન્સ માટે પ્રતિ કિલોમીટર રૂ. 8 જેટલો ખર્ચ કરવો પડે છે.સરકાર સમક્ષ 5 નવી એમ્બ્યુલન્સની તાત્કાલિક માંગણી કરવામાં આવી છે. પરંતુ સરકાર દ્વારા આ મામલે કોઈ નક્કર કાર્યવાહી કરવામાં આવી નથી તેવો આક્ષેપ રોહિતસિંહ રાજપૂતે કર્યો છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 1, 2026

Ahmedabad: થર્ટી ર્ફ્સ્ટે પૂર્વ વિસ્તારમાં ડ્રગ્સનો એક પણ કેસ નહીં, 117 લોકો દારૂ પીધેલી હાલતમાં ઝડપાયા

શહેરમાં વર્ષ 2025ના વિદાય કરવા અને 2026ને આવકારવા માટે બુધવારે સાંજે મોટાપ્રમાણમાં યુવાનો શહેરના વિવિધ વિસ્તારોમાં એકઠા થયા હતા.જેમાં અમદાવાદમાં નવા વર્ષની ઉજવણી માટે વર્ષોથી જાણીતા એવા સી.જી.રોડ તેમજ સિંઘુ ભવન રોડ પર રાત્રીના 10 વાગ્યા બાદ ભારે ભીડ એકઠી થઇ હતી. જ્યારે પૂર્વ વિસ્તારોમાં રીંગરોડ, કાંકરિયા, મણિનગર સહિતના વિસ્તારોમાં લોકો રસ્તા પર એકઠા થઇને નવા વર્ષની ઉજવણી કરી હતી. ત્યારે ડ્રગ્સ તેમજ દારૂનો નશો કરતા નબીરાઓને તપાસવા માટે એસઓજી સહિતની પોલીસની ટીમ તૈનાત રહી હતી. મોડીરાતે એક પછી એક લોકોને ચેક કર્યા હતા જેમાં સંખ્યાબંધ દારૂ ઢીંચેલા લોકોને પોલીસે ઝડપી પાડયા હતા. પૂર્વ વિસ્તારમાં પોલીસે 117 દારૂડિયાઓને પકડી પાડયા છે. જ્યારે ડ્રગ્સ અંગે એક પણ કેસ કરવામાં આવ્યો નથી. સૌથી વધુ વટવા, મણિનગર અને સરદારનગરમાંથી ઝડપાયા છે. શહરેમાં ગત વર્ષે 242થી વધુ દારૂડિયાઓ પોલીસ સંકજામાં આવી ગયા હતા જ્યારે તેની સામે મોડીરાત સુધી શહેરમાં 177થી વધુ દારૂડિયા જ પકડાયા છે. અમદાવાદના વટવા પોલીસ સ્ટેશનમાં સૌથી વધુ 21, મણિનગરમાં 16 અને સરદારનગરમાં 13 દારૂડિયાઓને પોલીસે ઝડપી લીધા છે. જ્યારે શાહિબાગ, ખોખરા, કાગડાપીઠ અને નારોલમાં એક પણ દારૂ પીધેલાના કેસ કરવામાં નથી આવ્યા. જ્યારે પોલીસે દારૂ પીને ઝડપાયેલા લોકોને બલ્ડ ટેસ્ટ માટે સિવિલ હોસ્પિટલમાં લઇ જવામાં આવ્યા હતા. મોડીરાતે સિવિલ હોસ્પિટલ દારૂડીયાઓથી ઉભરાયુ હતુ. અમદાવાદ જીલ્લામાં પણ પોલીસ સંખ્યાબંધ દારૂડીયાઓને ઝડપી પાડીને લોકઅપમાં ધકેલી દીધા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 1, 2026

Ahmedabad: હોટેલમાં મંગળસૂત્ર પહેરાવી નિકોલની 19 વર્ષની યુવતી સાથે પરિણીત શખ્સનું દુષ્કર્મ

નિકોલમાં રહેતી સગીરાને પરિણીત શખ્સે લગ્નની લાલચ આપીને આબુ, ઉદેપુર, મહારાષ્ટ્ર, ગોવા લઇ જઇને દુષ્કર્મ અને સૃષ્ટિ વિરુદ્ધનું કૃત્ય આચર્યુ હતુ.તેમજ હોટલમાં હું તારી સાથે લગ્ન કરીશ કહીને મંગળસૂત્ર પહેરાવી લગ્નનો ડોળ કરીને દુષ્કર્મ આચર્યુ હતુ. આ અંગે યુવતીએ શખ્સ સામે નિકોલ પોલીસ સ્ટેશનમાં પોક્સો સહિતની કલમ હેઠળ ફરિયાદ નોધાવી છે. મૂળ અમરેલીની અને હાલમાં નિકોલમાં રહેતી 19 વર્ષીય યુવતી ખાનગી કોલેજમાં બીબીએમાં અભ્યાસ કરે છે. ગત જાન્યુઆરી 2024માં તે નિકોલ ખાતે થિયેટરમાં મૂવી જોવા ગઇ હતી ત્યાં તેની મુલાકાત એક યુવતી સાથે થઇ હતી. બાદમાં બંને મિત્રો બન્યા હતા. બાદમાં મહિલા મિત્રે યુવતીને કહ્યુ કે એક સારો છોકરો છે તારે મિત્રતા કરવી છે જેથી યુવતીએ હા પાડતા બાવળાના યુવક સાથે મુલાકાત કરાવી હતી. તે સમયે યુવતી સગીરવયની હતી. બાદમાં યુવતી અને દિપક વચ્ચે પ્રેમસંબંધ બંધાયો હતો. બાદમાં ગત માર્ચ 2024માં યુવક કાર લઇને યુવતી અને તેના ભાઇને આબુ અને ઉદેપુર ફરવા લઇ ગયો હતો. ત્યાં યુવકે યુવતી સાથે અનેક વખત દુષ્કર્મ આચર્યુ હતુ. બાદમાં યુવક યુવતીને લગ્નની લાલચ આપીને હોટલમાં લઇ જઇ મંગળસૂત્ર પહેરાવી લગ્નનો ડોળ કરીને દુષ્કર્મ આચર્યુ હતુ. તેમજ મહારાષ્ટ્ર પણ ફરવા લઇ જઇને દુષ્કર્મ આચર્યુ હતુ ઉપરાંત સૃષ્ટિ વિરુધ્ધનું કૃત્ય આચર્યુ હતુ. આટલું જ નહિ યુવકને કાર ખરીદવી હોવાથી યુવતી પાસે રૂરિયા માંગતા રૂ. 4.50 લાખ આપ્યા હતા. બાદમાં યુવતીને ગોવા કન્યાકુમારી ફરવા લઇ ગયો અને ત્યાં અનેકવાર દુષ્કર્મ આચર્યુ હતુ. જ્યારે ગોવા હતા તે સમયે યુવકના ફોનમાં એક યુવતીનો ફોન આવતા યુવતીએ તેને પૂછતા મારી પત્નીનો ફોન છે કહીને ઝઘડો કરીને તેણે યુવતીને માર માર્યો હતો. તેમજ યુવકે યુવતીને હું પત્નીને છૂટાછેડા આપી તારી સાથે રહેવા માંગુ છું કહીને છૂટાછેડાનો કરાર પણ મોકલ્યો હતો. ત્યારબાદ બંને મૈત્રી કરાર પર રહેતા હતા, પરંતુ કોર્ટ મેરેજના કાગળો બાબતે પૂછતા યુવકે યુવતીને માર માર્યો હતો અને હું તારી સાથે લગ્ન કરવાનો નથી કહીને ધમકી આપી જતો રહ્યો હતો. કંટાળીને યુવતીએ યુવક સામે નિકોલ પોલીસ સ્ટેશનમાં ફરિયાદ નોધાવી છે. મહત્વનું છે કે યુવતીએ અગાઉ સરખેજ પોલીસ સ્ટેશનમાં યુવક સામે ફરિયાદ નોધાવી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward