Surat Crime News: સચિનમાં ચપ્પુના ઘા ઝીંકી યુવકની હત્યા
સુરત જિલ્લામાં ગુનાખોરીનું પ્રમાણ વધવાને કારણે એવું લાગી રહ્યું છે કે, ડાયમંડ સિટી હવે ક્રાઈમ સિટી બની રહ્યું છે. આવામાં વધુ એક હત્યાની ઘટના સામે આવતા સમગ્ર પંથકમાં ચકચાર મચી જવા પામી છે. સુરતના સચિન વિસ્તારમાં એક યુવકની ચપ્પુના ઝા ઝીંકીને હત્યા કરી દેવામાં આવતા અરેરાટી વ્યાપી ગઈ છે. પોલીસે હત્યાનો ગુનો નોંધી વધુ તપાસ હાથ ધરી છે.યુવકની અજાણ્યા લોકોએ ચપ્પુના ઘા ઝીંકીને હત્યા કરી ઘટનાની મળતી વિગતો અનુસાર, સુરત શહેરના સચિન વિસ્તારમાં એક યુવકની હત્યા અજાણ્યા લોકો દ્વારા કરી દેવામાં આવી છે. સચિન વિસ્તારમાં સુરજ નામના યુવકની અજાણ્યા લોકો દ્વારા ચપ્પુના ઘા ઝીંકીને હત્યા કરી દેવામાં આવી છે. આ હુમલામાં સુરજનું ઘટના સ્થળે જ મોત થયું હતું. સુરજની હત્યા કેમ થઈ એ અંગેનું કોઈ ચોક્કસ કારણ સામે આવ્યું નથી. આ મામલે સચિન પોલીસ દ્વારા હત્યાનો ગુનો નોંધી વધુ તપાસ હાથ ધરવામાં આવી છે. પોલીસે હત્યારાઓને શોધવા માટે ચક્રો ગતિમાન કર્યા સચિન પોલીસને હત્યાની ઘટનાની જાણ થતા જ ઘટના સ્થળે દોડી આવી હતી. યુવકનો મૃતદેહ પોસ્ટ મોર્ટમ માટે નવી સિવિલ હોસ્પિટલ ખસેડ્યો છે. સચિન પોલીસે હત્યારાઓને શોધવા માટે ચક્રો ગતિમાન કર્યા છે. સુરતમાં નવા વર્ષની શરૂઆતમાં જ હત્યાનો બનાવ સામે આવતા લોકોમાં આક્રોશ જોવા મળી રહ્યો છે. આ સાથે શહેરમાં કાયદો અને વ્યવસ્થાની સ્થિતિ સુધારવા તેમજ અસામાજિક તત્ત્વો સામે કડક કાર્યવાહી કરવામાં આવે તેવી માગ લોકો કરી રહ્યા છે. આ પણ વાંચો - Surat News : લો બોલો, સુરતમાં બિલ્ડરના ઘરેથી નોકર લાયસન્સ વાળી રિવોલ્વર અને કારતૂસની ચોરી કરી ગયો
Read Full Story arrow_forward
