Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Nadiad: બેફામ ડમ્પરની ટક્કર વાગતા ટ્રેક્ટર પરથી પટકાતાં યુવકનું મોત

મહિસાગરના લાકડાના વેપારીએ લાકડાની હેરાફેરી માટે એક ટ્રેકટર ખરીદ્યું હતું, તેનો નંબર પણ આવેલ ન હતો.દરમિયાન બે યુવાનો ટ્રેકટરમાં લાકડા ભરીને કોઠંબાથી કઠલાલ આવી રહ્યા હતા. દરમિયાન લસુન્દ્રા પાસે એક ડમ્પરે ટકકર મારતાં એક યુવાન ટ્રેકટર પરથી નીચે પટકાતા ટ્રેકટરનું ટાયર તેના પર ફરી વળ્યું હતું. ગંભીર ઈજાઓના કારણે યુવાનનું મોત નિપજતા નંબર વગરના ડમ્પર ચાલક વિરુદ્ધ કઠલાલ પોલીસ મથકે ફરિયાદ નોંધાવા પામી છે. મહિસાગરના લુણાવાડા ચારણ ગામે રહેતા પર્વતસિંહ બારૈયાના કાકાએ ખરીદેલ ટ્રેકટર લઈને ગત તા.31 ડિસેમ્બર 2025ના રોજ કોઠંબા લાકડા ભરવા માટે ગયા હતા. તેમની સાથે વાલીનાથનો હિતેશકુમાર જવાનસિંહ પરમાર (ઉ.વ.22) પણ મજૂરી કામ માટે સાથે ગયો હતો. બંને લાકડા ભરીને ગત તા.1લી જાન્યુઆરી 2026ના રોજ સવારના ત્રણેક વાગ્યાના સુમારે કઠલાલ આવી રહ્યા હતા. દરમિયાન ઈન્દોર - અમદાવાદ હાઈવે લસુન્દ્રા જય દ્વારકાધીશ હોટલ સામેથી પસાર થતા હતા. દરમિયાન એક નંબર વગરના ડમ્પરે ટ્રેકટરને ટકકર મારતાં ટ્રેકટરમાંથી લાકડા છુટા પડીને રોડ પર પડવા લાગ્યા હતા. હિતેશ પરમાર પણ ટ્રેકટરમાંથી છટકીને રોડ પર પડતા ટ્રેકટરનું ટાયર તેના કમરના ભાગે ફરી વળ્યું હતું. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 2, 2026

Nadiad: ખેડામાં 1.22 લાખ હેક્ટરમાં રવી પાકનું વાવેતર

ખેડા જિલ્લામાં ચાલુ વર્ષે રવિ પાકનું વાવેતર 1.22 લાખ હેકટરના આંકડાને આંબી ગયું છે. ખેડૂતો દ્વારા ઘઉં, તમાકુ સ્ સહિત અન્ય પાકોનું વાવેતર કરવામાં આવ્યું છે.મોટાભાગના ખેડૂતો દ્વારા પોતાના ખેતરમાં વાવેતરનું કામપૂર્ણ કરી દેવામાં આવ્યું છે. આ હાલ તા. 2 જાન્યુઆરી સુધીમાં જિલ્લામાં 53 હજાર હેકટરમાં ઘઉં અને 31 હજાર હેકટર તમાકુ સહિત અન્ય પાકોનું વાવેતર થઇ ચુક્યું છે.જિલ્લામાં સૌથી વધુ નડિયાદ તાલુકામાં 20155 હેકટર અને સૌથી ઓછુ ગળતેશ્વર તાલુકામાં 6310 હેકટરમાં વાવેતર નોંધાયું છે. આગામી 15 જાન્યુઆરી સુધીમાં વાવેતરનો આંક 1.75લાખ ઉપરાંત પહોંચશે. તેવી શકયતા છે, ખેડા જિલ્લામાં ચાલુ વર્ષે સારા વરસાદ અને ત્યારબાદ કેનાલ તેમજ કૂવાઓના જળસ્તર જળવાઇ રહેતા શિયાળુ સિઝનનું વાવેતર વેગવંતુ બન્યું છે. જિલ્લામાં દેવદિવાળી બાદ ખેડૂતો ખેતરમાં રવિ પાકના વાવેતરમાં જોતરાયા હતા. જિલ્લા ખેતીવાડી વિભાગના સૂત્રોએ જણાવ્યુ હતું કે, સમગ્ર જિલ્લામાં શિયાળુ પાકની સિઝનમાંં ખેડૂતો દ્વારા 122213 લાખ હેકટર ઉપરાંત વાવેતર કરી દેવામાં આવ્યું છે.ગત વર્ષ કરતાં ચાલુ વર્ષે ખેડૂતોએ રોકડિયા પાક તમાકુના વાવેતરને વધુ પ્રાથમિકતા આપી છે. સિઝનમાં ઘઉંનું 53218 હેકટર, મકાઇ 187 ,ચણા 1744, રાઇ 2021, તમાકુ 31423 હેકટર , જીરૂ 94, સવા 120, વરિયાળી 673, બટાકા 4972, શાકભાજી 14079, ઘાસચારો 12291 સહિત અન્ય પાકનું વાવેતર મળીને કુલ 122213 હેકટરમાં વાવેતર આંબી ગયું છે. ખેડૂતો દ્વારા તા. 15 જાન્યુઆરી સુધી વાવેતર કરવામાં આવનાર છે. જેથી સિઝનમાં પોણા બે લાખ ઉપરાંત વાવેતરનો આંક પહોંચે તેવી શકયતા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 2, 2026

Nadiad: નવા વર્ષના પ્રથમ દિવસે ગુરૂવારે ચીફ ઓફિસરે ઐતિહાસિક નિર્ણય લેવામાં આવ્યો છે.

યાત્રાધામ ડાકોર નગરપાલિકામાં વહીવટી તંત્રમાં વર્ષોથી જામી ગયેલી આળસ ખંખેરવા અને પ્રજાલક્ષી કામોને ગતિશીલ બનાવવા માટે નવા વર્ષના પ્રથમ દિવસે ગુરૂવારે ચીફ ઓફિસરે ઐતિહાસિક નિર્ણય લેવામાં આવ્યો છે.છેલ્લા 10-20 વર્ષથી એક જ વિભાગ કે ટેબલ ઉપર ફરજ બજાવતાં 14 કર્મચારીઓની સાગમટે આંતરિક બદલી કરવામાં આવતાં પાલિકા કેમ્પસમાં સોપો પડી ગયો છે. એક જ જગ્યાએ વર્ષોથી ચીટકી રહેલા કર્મચારીઓના સ્થાન ફેરવી નાંખવાના આ નિર્ણયનો ઉદ્દેશ પાલિકાની કામગીરીમાં સુધારો લાવવા માટે કરવામાં આવ્યો છે. આ બદલીઓથી પાલિકામાં વર્ષો જૂના મૂળિયા ઉખડતાં કર્મચારીઓમાં ફફડાટ વ્યાપી ગયો છે. સૂત્રો દ્વારા મળતી માહિતી અનુસાર ડાકોર નગરપાલિકાના વહીવટી તંત્રમાં છેલ્લા ઘણા સમયથી ચાલી આવતી શિથિલતા દૂર કરવા માટે અને વિવિધ વિભાગોમાં છેલ્લા 10-20 વર્ષથી એકજ ટેબલ ઉપર અડિંગો જમાવીને બેઠેલા કર્મચારીઓના કારણે વહીવટમાં એક હથ્થુશાસન જેવી સ્થિતિ સર્જાઇ હતી. જેને લઇને ચીફ ઓફિસર સંજય પટેલ દ્વારા તા. 1 જાન્યુઆરીના રોજ નવા વર્ષના પ્રથમ દિવસે અચાનક બદલીના આદેશો છુટતાં કર્મચારીઓમાં દોડધામ મચી ગઇ હગતી.વર્ષોથી જૂના સેટિંગ ખોરવાઇ ગયા હતા. વહીવટી સુધારણાના ભાગરૂપે લેવાયેલા આ નિર્ણય અંતર્ગત ટેકસ વિભાગ ,સેનેટરી શાખા,જન્મ મરણ નોંધણી, બાંધકામ શાખા, હિસાબી શાખા સહિતના મહત્વના વિભાગોમાં ફરજ બજાવતાં 14 જેટલા કર્મચારીઓના ટેબલ બદલી નાંખવામાં આવ્યા હતા. લાંબા સમયથી એક જ જગ્યાએ ફરજ બજાવવાના કારણે સ્થાપિત હિતો ઉભા થયા હોવાની અને અમુક ચોક્કસ કર્મચારીઓ દ્વારા અરજદારોના કામોમાં વિલંબ થતો હોવાથી ફરિયાદો ઉઠી હતી. આ પરિસ્થિતિને ડામવા માટે રોટેશન પદ્ધતિ અપનાવીને આ ફેરફાર કરવામાં આવ્યો છે. હવે એક વિભાગનો અનુભવી કર્મચારી બીજા વિભાગમાં કામગીરી સંભાળશે. જેથી વહીવટમાં નવો અભિગમ આવશે અને પારદર્શિતા વધશે. ચીફ ઓફિસરના નવા આદેશ મુજબ બદલી પામેલા તમામ કર્મચારીઓને તાત્કાલિક અસરથી પોતાની નવી જગ્યાનો ચાર્જ સંભાળી લેવા સૂચના આપવામાં આવી છે. પાલિકાના રાજકારણમાં ગરમાવો આ કાર્યવાહીથી પાલિકાની આંતરિક જૂથબંધી તૂટશે અને કામગીરીને વધુ વેગવાન બનશે. ખાસ કરીને જે કર્મચારીઓ સામે કામગીરીમાં ઢીલ મૂકવાની કે મનમાની કરવાની બૂમો ઉઠતી હતી તેમના સ્થાન ફેરથી સામાન્ય નાગરિકો તેમજ અરજદારોને મોટી રાહત મળવાની શકયતા છે. હાલના તબક્કે આ ફેરફારથી પાલિકાના રાજકારણમાં ગરમાવો આવી ગયો છે. આ જયારે પાલિકા તંત્ર દ્વારા આ બદલીઓ કાયમીધોરણે છે કે હંગામી તે અંગે હાલ કોઇ સ્પષ્ટતા કરાવી નથી. વહીવટ ચોખ્ખો રહે તે માટે પગલું અનિવાર્ય : CO ચીફ ઓફિસર સંજય પટેલે જણાવ્યું હતું કે, સરકારી તંત્રમાં લાંબા સમય સુધી એકજ સીટ પર રહેવાથી કર્મચારીઓના ચોક્કસ લોકો સાથે સંબંધો કે નેટવર્ક બની જતા હોય છે. જે ગેરરીતિને પોષે છે. પાલિકામાં અમુક કર્મચારીઓની છેલ્લા 18 થી 20 વર્ષ બાદ બદલી કરવામાં આવી છે. રોટેશન પદ્ધતિથી વહીવટ ચોખ્ખો રહે તે માટે આ નિર્ણય લેવામાં આવ્યો હતો. પાલિકાના વહીવટી તંત્રમાં પારદર્શિતા લાવવા અને કામગીરી ઝડપી બનાવવા માટે આ ફેરફોર કરવામાં આવ્યો છે. અરજદારોની હાલાકી ઘટશે : સ્થાનિક નાગરિકોએ જણાવ્યું હતું કે, નગરપાલિકામાં આવતાં અરજદારોને ઘણીવાર એકજ ટેબલ પર એકજ કર્મચારીઓના મિજાજ સહન કરવા પડતાં હતા. વર્ષોથી એકજ જગ્યાએ બેઠેલા કર્મચારીઓ ઘણીવાર કામ કરવામાં આળસ કરતાં હતા. તેમજ બિન જરૂરી વિલંબ કરતાં હતા. હવે નવા કર્મચારીઓ ચાર્જ સંભાળશે એટલે જૂની માનસિકતા બદલાશે અને પેન્ડિંગ પડેલા કામોનો ઝડપી નિકાલ આવશે તેવી આશા શહેરીજનો સેવી રહ્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward