Godhra: શહેરના બામરોલી રોડ સ્થિત સોસાયટીઓના રસ્તાઓનું ખાતમુહૂર્ત
ગોધરા શહેરના બામરોલી રોડ ઉપર આવેલી સોસાયટીઓમાં આંતરિક રસ્તાઓના ખાતમુહૂર્ત કરવામાં આવ્યા હતાં.ગોધરા શહેરના બામરોલી રોડ ઉપર આવેલી અનેક સોસાયટીઓના આંતરિક રસ્તાઓ ખખડધજ હાલતમાં જોવા મળી રહ્યા છે. જેના કારણે ઉનાળા અને શિયાળામાં રહીશો જેમ તેમ કરી આ ખખડધજ માર્ગોમાંથી આવન જાવન કરતા હતા. પરંતુ છેલ્લા કેટલાય વર્ષોથી ચોમાસામાં આ બિસમાર અને કાદવ કીચડવાળા માર્ગો ઉપરથી આવન જાવન કરતા સ્થાનિક રહીશો યુદ્ધ જીતીને આવ્યા હોય તેવી અનુભૂતિ કરતા હતા. ત્યારે સોસાયટીઓના આંતરિક રસ્તાઓનું નવીનીકરણ કરવામાં આવે તેવી માંગ વર્ષોથી જ્યારે અહીંની સોસાયટીઓ ગ્રામ પંચાયતમાં સમાવિષ્ટ થતી હતી. ત્યારથી સબંધિત વિભાગ અને સ્થાનિક પંચાયતના સદસ્યોને કરાતી હતી. પરંતુ કોઈક કારણોસર તે રજુઆત માત્ર કાગળો ઉપર જ રહી ગઈ. ત્યારે આ સોસાયટીઓ હવે નગર પાલિકામાં સમાવિષ્ટ થતા અને આંતરિક રસ્તાઓનું નવીનીકરણ કરવા માંગ કરવામાં આવી હતી. જેના અનુસંધાનમાં ગોધરા APMCના ચેરમેન માલવદીપસિંહ રાઉલજી તથા વોર્ડ સદસ્યો કે.ટી.પરીખ, રમેશભાઈ તલાટી, શ્વેતાબા પુવાર, કેશમબેન ડામોર દ્વારા સબંધિત વિભાગને રજૂઆત કરી બામરોલી રોડ સ્થિત કોમર્સ કોલેજ અને ગાયત્રીનગરના આંતરિક રસ્તાઓના નવીનીકરણના ખાતમુહૂર્ત આજે શનિવારે કરાયું હતું.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
