Bharuch: વાગરા તાલુકાના પહાજ ગામે મર્ડર કેસનો આરોપી ઝડપાયો
વાગરાના પહાજ ગામે બનેલ હત્યાની ઘટનામાં પોલીસને મોટી સફળતા મળી હતી. વાગરા પોલીસે ગણતરીના કલાકોમાં આરોપીને દબોચી લીધો હતો. હત્યારાનું ગામમાં લઈ જઈ પોલીસે રિકન્સ્ટ્રકશન કરતા વાતાવરણ ઉત્તેજના ભર્યુ બનતા મામલો ગરમાઈ જવા પામયો હતો.વાગરાના પહાજ ગામે શનિવારની રાતના વસીમ નામના યુવકનું ગામના જ આસીફે છરાના ઘા કરતા હોસ્પિટલના બિછાને ઘાયલ યુવકનું મોત નિપજવા પામ્યુ હતુ. જેને પગલે ગતરોજ મૃતકયુવકનો પરિવારના સભ્યો વાગરા પોલીસ મથકે ઉમટી પડયા હતા. આ બનાવને પગલે હરકતમાં આવેલ વાગરા પોલીસે હત્યારાનું પગેરૂ મેળવવા ચક્રોગતિમાન કર્યા હતા. પોલીસે ગણતરીના કલાકોમાં હત્યાના આરોપીને દબોચી લીધો હતો. આરોપીનું રિકન્ટ્રકશન થવાની માહિતી મળતા પહાજ ગામે ઉત્તેજના ભર્યા વાતાવરણનું નિર્માણ થવા પામ્યુ હતુ. જેને પગલે પોલીસ સતર્ક બની ગઈ હતી. આરોપીને ચુસ્ત પોલીસ બંદોબસ્ત વચ્ચે હત્યાને કઈ રીતે અંજામ આપ્યો એનું આરોપી પાસે રિકન્ટ્રકશન કરાવવામાં આવ્યુ હતુ. આ તબક્કે કાછિયા ફળીયામાં ગ્રામજનોના ટોળેટોળા ઉમટી પડયા હતા. આ દરમ્યાન મૃતકના સગા સંબંધીઓમાં છૂપો રોષ જોવા મળ્યો હતો. હાલ તો હત્યાના મામલે પોલીસ ઈન્સ્પેકટર શક્તિસિંહ ગોહિલે તપાસને વેગવંતી બનાવી દીધી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
