Community News & Updates

Stay informed with the latest happenings, achievements, and announcements from our community.

All News

calendar_today September 15, 2026

ગુજરાતમાં ફરી બોમ્બની ધમકી, શું બ્રિટનના ભાગલા પડશે સહિતના 12 વાગ્યા સુધીના મોટા સમાચાર

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર1. Gujarat News: રાજકોટ કોર્ટ, નાયરા રિફાઈનરી અને મહાત્મા મંદિરને ઉડાવી દેવાની ધમકી2. Ahmedabad News : આજે ઈસ્કોન બ્રિજ પર 2 અકસ્માત સર્જાયા, ડાયવર્ઝન બન્યું જોખમી3. Gujarat Weather News: રાજ્યમાં આજે પણ આ વિસ્તારોમાં ધોધમાર વરસાદની આગાહી, જાણો ક્યારે મેઘરાજા વિરામ લેશે?4.US Iran War: તેલના ભાવ સાવ ઘટી જશે, ડોનાલ્ડ ટ્રમ્પના દાવાએ સૌને ચોંકાવી દીધા5. Disha Salian Case: દિશા સાલિયન કેસમાં નામ ઉછળ્યું, Sooraj Pancholi એ તોડ્યું મૌન6. Gurugram Hit and Run Case: આરોપી કલ્યાણ બૈસલા ઝડપાયો, બાઇક રાઇડર સિયા ચૌહાણના ઘરે પહોંચી પોલીસ7. અંબાણી પરિવારના ગણેશોત્સવમાં ઉમટયા બોલીવુડ સિતારાઓ, વાયરલ તસવીરોમાં જુઓ સેલેબ્સના શાનદાર લુક8. UK Breakup Risk : શું બ્રિટનના પડશે ભાગલા? વેલ્સ, સ્કોટલેન્ડ અને ઉત્તરી આયર્લેન્ડ અલગ થવાના કરાર પર હસ્તાક્ષર9. ODI Tri Series પહેલા ECB એક્શન મોડમાં! પાકિસ્તાન પહોંચ્યું ઇંગ્લેન્ડનું સ્પેશિયલ ડેલિગેશન10. Delhi Airport પર ઇમિગ્રેશન કર્યા વિના 3 વિદેશી મુસાફરો ઇન્ટરનેશનલ ફ્લાઇટમાં પહોંચ્યા, Air Indiaને શો કોઝ નોટિસ

Read Full Story arrow_forward

calendar_today September 15, 2026

Sabarkantha News: સાબર ડેરી દ્વારા સાબરદાણની પ્લાસ્ટિકની બેગના ભાવમાં વધારો ઝિંકતા કિસાન સંઘ લાલઘૂમ

સાબરકાંઠા જિલ્લાની સાબર ડેરી દ્વારા સાબરદાણની પ્લાસ્ટિક બેગના ભાવમાં તોતિંગ 220 રૂપિયાનો વધારો ઝીંકવામાં આવતા ભારતીય કિસાન સંઘ લાલઘૂમ થયો છે.આ ભાવવધારો સીધો ખેડૂતો અને પશુપાલકોના આર્થિક હિતની વિરુદ્ધ હોવાનો દાવો કરીને કિસાન સંઘ દ્વારા સાબર ડેરીના ચેરમેન અને નિયામક મંડળને સત્તાવાર પત્ર લખવામાં આવ્યો છે.આ પત્રમાં ડેરી દ્વારા કરાયેલા આ અયોગ્ય ભાવવધારાને તાત્કાલિક અસરથી પાછો ખેંચવાની અને પશુપાલકોને યોગ્ય તથા વ્યાજબી ભાવે પ્લાસ્ટિક બેગ ઉપલબ્ધ કરાવવા માટે ભારપૂર્વક રજૂઆત કરવામાં આવી છે.કિસાન સંઘે ડેરીના ચેરમેનને પત્ર લખ્યોસાબર ડેરી દ્વારા તાજેતરમાં પ્લાસ્ટિક બેગના ભાવમાં કરવામાં આવેલા અસહ્ય વધારા સામે પશુપાલકો અને ખેડૂતોમાં ભારે રોષ જોવા મળી રહ્યો છે.આ મામલે ભારતીય કિસાન સંઘ દ્વારા સાબર ડેરીના ચેરમેન તથા નિયામક મંડળને એક લેખિત રજૂઆત કરીને આ ભાવવધારો તાત્કાલિક ધોરણે પાછો ખેંચવાની ઉગ્ર માંગ કરવામાં આવી છે.ભારતીય કિસાન સંઘના પ્રમુખ/મંત્રી દ્વારા મોકલવામાં આવેલા પત્રમાં જણાવવામાં આવ્યું છે કે,સાબર ડેરી દ્વારા પ્લાસ્ટિક બેગના ભાવમાં તાજેતરમાં રૂપિયા 220નો મોટો વધારો કરવામાં આવ્યો છે. હાલની કપરી પરિસ્થિતિમાં આ પ્રકારનો તોતિંગ ભાવવધારો પશુપાલકો અને ખેડૂતોના હિતમાં બિલકુલ યોગ્ય નથી.વ્યાજબી ભાવે પ્લાસ્ટિક બેગ ઉપલબ્ધ કરાવવામાં આવેકિસાન સંઘે ડેરી પ્રશાસનને વિનંતી કરી છે કે સાબર ડેરી સાથે જોડાયેલા લાખો ખેડૂતો અને પશુપાલકોના આર્થિક હિતને ધ્યાનમાં રાખીને, આ વધારાને તાત્કાલિક અસરથી નાબૂદ કરવામાં આવે અને યોગ્ય તથા વ્યાજબી ભાવે પ્લાસ્ટિક બેગ ઉપલબ્ધ કરાવવામાં આવે.પત્રના અંતે કિસાન સંઘે આશા વ્યક્ત કરી છે કે ડેરીના સત્તાધીશો પશુપાલકોના હિતમાં સત્વરે હકારાત્મક નિર્ણય લઈ ભાવ ઘટાડો કરશે.જો આગામી દિવસોમાં આ નિર્ણય પાછો ખેંચવામાં નહીં આવે તો ખેડૂતો અને પશુપાલકોના હિત માટે કિસાન સંઘ આગામી વ્યૂહરચના વિચારી શકે છે.આ પણ વાંચોઃ Patan News:વૌવા ગામમાં વીજળી પડતાં 35 ઘેટાંના ઘટના સ્થળે મોત, માલધારી પરિવાર પર આફત

Read Full Story arrow_forward

calendar_today September 15, 2026

Gurugram Biker Girl Case : ટક્કર મારનાર આરોપીનો લૂલો બચાવ સામે બાઈકર ગર્લ પરિવારનો પ્રહાર, કેમ રસ્તા પર પીછો કરતો હતો

ગુરુગ્રામમાં કાર અકસ્માતનો ભોગ બનેલી બાઇકર સિયા (શિવાની ચૌહાણ) એ સોમવારે રાત્રે પોતાનું પહેલું વિડીયો સ્ટેટમેન્ટ જાહેર કર્યું છે. આજ તક પર આરોપીના ઇન્ટરવ્યુ બાદ સિયાએ આ જવાબી વિડીયો રજૂ કર્યો હતો. બીજી તરફ, સોમવારે સાંજે પીડિતાના પિતા રોશન ચૌહાણે વકીલ સાથે ગુરુગ્રામના સેક્ટર ૫૬ પોલીસ સ્ટેશન પહોંચીને લેખિત ફરિયાદ નોંધાવી હતી અને કેસમાં કડક કલમો ઉમેરવાની માગ કરી હતી.સિયાએ આરોપીના દાવાઓ સામે ઉઠાવ્યા સીધા સવાલોપોતાના વિડીયો સ્ટેટમેન્ટમાં સિયાએ આરોપીના તમામ આરોપોનો સખત વળતો પ્રહાર કર્યો હતો. સિયાએ પ્રશ્ન ઉઠાવ્યો કે જો આરોપી દાવો કરતો હોય કે બાઇકર્સ તેને હેરાન કે મારપીટ કરી રહ્યા હતા, તો તે રસ્તા પર તેમનો પીછો કેમ કરી રહ્યો હતો? સિયાએ વધુમાં દાવો કર્યો હતો કે આરોપીએ જાણીજોઈને કારની લેન બદલીને બાઇકને ટક્કર મારી હતી, જે સંપૂર્ણપણે ઇરાદાપૂર્વક કરવામાં આવેલી હિંસક ઘટના હતી. પીડિતાના પિતા પોલીસ સ્ટેશન પહોંચ્યા, ન્યાય માટે લડવાની આપી ખાતરીપીડિતાના પિતા રોશન ચૌહાણે જણાવ્યું કે પોલીસે આ કેસમાં સુઓમોટુ (સ્વતઃ સંજ્ઞાન લઈને) FIR નોંધી લીધી છે અને તેમને ફરિયાદની રસીદ પણ મળી ગઈ છે. તેમણે ઉમેર્યું કે વાયરલ વિડીયો જોતાં સ્પષ્ટ થાય છે કે આ માત્ર એક સામાન્ય અકસ્માત નથી, પરંતુ હિટ-એન્ડ-રન અને હત્યાનો પ્રયાસ હતો. સદનસીબે પુત્રીને ગંભીર ઈજા નથી થઈ, પરંતુ વિડીયોમાં તેને દૂર સુધી ઢસડાતી જોઈ શકાય છે.ગભરાઈ ગયેલી દીકરી અને પિતાની મક્કમતારોશન ચૌહાણે સ્પષ્ટતા કરી કે આ ભયાનક ઘટના બાદ તેમની પુત્રી ખૂબ જ ડરી ગઈ હતી, જેથી તેણે શરૂઆતમાં પરિવારને કશું જણાવ્યું નહોતું. જો તેણે પહેલાં જાણ કરી હોત તો પોલીસ કાર્યવાહી વહેલી થઈ શકી હોત. તેમણે ભારપૂર્વક કહ્યું કે તેમની દીકરી કંઈ ખોટું નહોતી કરી રહી અને સામાન્ય રીતે બાઇક ચલાવી રહી હતી. તેઓ પોતાની પુત્રીને ન્યાય અપાવવા માટે જરૂરી દરેક કાનૂની હદ સુધી જશે.કલમો વધારવા વકીલની માગણી અને ગુરુગ્રામ પોલીસનું વલણસિયાના વકીલે જણાવ્યું હતું કે ઘટનાની ગંભીરતાને ધ્યાનમાં રાખીને કેસમાં હત્યાના પ્રયાસ (Attempt to Murder) ના આરોપો ઉમેરવા જોઈએ. તેમણે ગુરુગ્રામ પોલીસના સહકારની પ્રશંસા કરતાં જણાવ્યું કે પોલીસે પરિવારને ખાતરી આપી છે કે ટૂંક સમયમાં સિયાનું સત્તાવાર નિવેદન નોંધવામાં આવશે. પરિવારનો સ્પષ્ટ આરોપ છે કે આરોપીએ સિયાને મારી નાખવાનો પ્રયાસ કર્યો હતો.કોણ છે બાઇકર સિયા?ગુરુગ્રામમાં બાઇક રાઇડિંગનો આ વાયરલ વિડીયો rebelwheels_sia_ નામના ઇન્સ્ટાગ્રામ હેન્ડલ પરથી શેર કરવામાં આવ્યો હતો. આ પ્રોફાઇલ દિલ્હીના કાલકાજીની રહેવાસી શિવાની ચૌહાણની હોવાનું સામે આવ્યું છે. શિવાની આમ આદમી પાર્ટી (AAP) સાથે સંકળાયેલી છે અને તેણે ૨૦૨૨ માં કાલકાજી વોર્ડમાંથી મ્યુનિસિપલ ચૂંટણી પણ લડી હતી. તેના પિતા રોશન ચૌહાણે આ વિગતોની પુષ્ટિ કરી છે.આ પણ વાંચો : Guwahati : સનસનીખેજ બનાવ, પત્નીની હત્યા કરી માથું ફ્રિજમાં છુપાવનાર આરોપીનું પોલીસ વાહનમાંથી કૂદતાં મોત

Read Full Story arrow_forward