Community News & Updates

Stay informed with the latest happenings, achievements, and announcements from our community.

All News

calendar_today September 15, 2026

Ahmedabad : રામોલમાં મિલકતના ઝઘડામાં ધડાધડ ફાયરિંગ, BSFના ASIએ બે રાઉન્ડ ગોળીબાર કર્યો, ભાઈ સાથે ધરપકડ

અમદાવાદના રામોલ વિસ્તારમાં વારસાઈ મિલકતના વિવાદમાં પરિવારજનો વચ્ચે સમાધાન કરાવવા મળેલી બેઠક દરમિયાન ફાયરિંગની ઘટના સામે આવી છે. તક્ષશીલા સ્કૂલ બહાર જાહેર રોડ પર થયેલા ગોળીબારમાં રાજેશ પ્રજાપતિ નામના વ્યક્તિને ડાબી સાથળમાં ગોળી વાગી હતી. સમગ્ર મામલે રામોલ પોલીસે BSFમાં ASI તરીકે ફરજ બજાવતા પ્રમોદ પ્રજાપતિ અને તેના ભાઈ પવન પ્રજાપતિની ધરપકડ કરી છે.બે વર્ષથી ચાલી રહ્યો હતો વારસાઈ મિલકતનો વિવાદફરિયાદ મુજબ, આશિષ પ્રજાપતિ અને તેના સગા ભાઈઓ પ્રમોદ તથા પવન પ્રજાપતિ વચ્ચે પિતાની વારસાઈમાં આવેલી બે ટેનામેન્ટ જેવી મિલકતના દસ્તાવેજોને લઈને છેલ્લા આશરે બે વર્ષથી વિવાદ ચાલી રહ્યો હતો. આ મામલે સમાધાન કરાવવા માટે પરિવાર અને સમાજના લોકો તક્ષશીલા સ્કૂલ પાસે ભેગા થયા હતા.સમાધાનની બેઠકમાં મારામારીસમાધાન માટે પહોંચેલા આશિષ પ્રજાપતિ સાથે તેની પત્ની ચાંદની, સાસુ સુનિતાબેન, મામા સસરા ભજનલાલ અને અન્ય પરિવારજનો હાજર હતા. આ દરમિયાન પ્રમોદ, પવન અને એક અજાણ્યો વ્યક્તિ વાંદળી રંગની કારમાં ત્યાં પહોંચ્યા હતા. ફરિયાદ મુજબ, પવન પ્રજાપતિએ આશિષને કારમાંથી નીચે ઉતારી તેની સાથે મારામારી શરૂ કરી હતી.ભજનલાલ તરફ બંદૂક તાકીઆશિષની પત્ની ચાંદની અને સાસુ સુનિતાબેન વચ્ચે પડતાં તેમની સાથે પણ મારામારી કરવામાં આવી હોવાનો ફરિયાદમાં ઉલ્લેખ છે. ઝઘડો છોડાવવા ભજનલાલ વચ્ચે પડ્યા ત્યારે પ્રમોદ પ્રજાપતિ બારબોર બંદૂક લઈને કારમાંથી નીચે આવ્યો હતો અને ભજનલાલ તરફ બંદૂક તાકી હતી.બંદૂક જોઈને પકડવાનો પ્રયાસ, પછી બે રાઉન્ડ ફાયરિંગબંદૂક જોઈને રાજેશ પ્રજાપતિ અને ભજનલાલે પ્રમોદને પકડી લેવાનો પ્રયાસ કર્યો હતો. જોકે, આ દરમિયાન પ્રમોદે બારબોર બંદૂકમાંથી બે રાઉન્ડ ફાયરિંગ કર્યું હતું. એક ગોળી રાજેશ પ્રજાપતિના ડાબા પગની સાથળમાં વાગીને આરપાર નીકળી ગઈ હતી, જ્યારે બીજી ગોળી કોઈને વાગી નહોતી.આસપાસના લોકો ભેગા થઈ ગયા ફાયરિંગ થતાં આસપાસના લોકો ભેગા થઈ ગયા હતા અને પ્રમોદ પાસેથી બંદૂક લઈ લેવામાં આવી હતી. ત્યારબાદ પોલીસ અને 108ને જાણ કરવામાં આવતા રાજેશ સહિત અન્ય ઇજાગ્રસ્તોને સારવાર માટે એલ.જી. હોસ્પિટલ ખસેડવામાં આવ્યા હતા.BSFના બે ભાઈઓની ધરપકડરાજેશ પ્રજાપતિની ફરિયાદના આધારે રામોલ પોલીસે પ્રમોદ રામપ્રસાદ પ્રજાપતિ અને પવન રામપ્રસાદ પ્રજાપતિ વિરુદ્ધ ગુનો નોંધી બંનેની ધરપકડ કરી છે. પોલીસે ફાયરિંગમાં વપરાયેલી બારબોર બંદૂક પણ કબજે કરી છે.બંને ભાઈઓ પશ્ચિમ બંગાળમાં BSFમાં છેમહત્વનું છે કે પ્રમોદ પ્રજાપતિ BSFમાં ASI તરીકે અને પવન પ્રજાપતિ BSFમાં કોન્સ્ટેબલ તરીકે ફરજ બજાવે છે. બંને ભાઈઓ પશ્ચિમ બંગાળમાં BSFમાં નોકરી કરતા હોવાનું સામે આવ્યું છે. હાલ રામોલ પોલીસ મિલકતના દસ્તાવેજો, જૂના વિવાદ, ફાયરિંગની સમગ્ર ઘટના અને અન્ય સંડોવાયેલા લોકોની ભૂમિકા અંગે વધુ તપાસ કરી રહી છે. આ પણ વાંચો  :     Surat : પતિએ પત્નીને જ ‘વાઈફ સ્વેપિંગ’ માટે ધકેલી, દેરાણી બોલી- ‘આ તો આજકાલ કોમન છે’

Read Full Story arrow_forward

calendar_today September 15, 2026

Ahmedabadના સેલામાં બાંધકામ સાઇટના 14મા માળેથી પટકાતાં શ્રમિકનું કમકમાટીભર્યું મોત

અમદાવાદના સેલા વિસ્તારમાં આવેલી એક બાંધકામ સાઇટ પર શ્રમિકના મોતની ગંભીર ઘટના સામે આવી છે. સેલા ઓડિટોરિયમ નજીક આવેલી 'મારવેલા' બાંધકામ સાઇટ પર આજે બપોરે કામગીરી ચાલી રહી હતી ત્યારે એક મજૂર 14મા માળેથી સીધો નીચે પટકાયો હતો. ઊંચાઈ પરથી નીચે પટકાવાના કારણે શ્રમિકને ગંભીર ઈજાઓ પહોંચી હતી અને તેનું ઘટનાસ્થળે જ કમકમાટીભર્યું મોત નીપજ્યું હતું.મૃતકની ઓળખ અને સાઇટ સંચાલકોનો દાવોમૃતક શ્રમિકની ઓળખ 28 વર્ષીય કેસરીલાલ મીણા તરીકે થઈ છે, જે મૂળ રાજસ્થાનનો રહેવાસી હતો અને રોજગારી અર્થે અમદાવાદ આવ્યો હતો. આ દુર્ઘટના અંગે સાઇટના સંચાલકોએ એવો દાવો કર્યો છે કે તે સમયે 14મા માળે ફ્લોરિંગની કામગીરી ચાલી રહી હતી. જોકે, શ્રમિક કયા સંજોગોમાં અને કેવી રીતે નીચે પટકાયો તે અંગે તેમણે સંપૂર્ણ અજ્ઞાનતા દર્શાવી હતી.સંચાલકોનો ઇનકાર અને સેફ્ટી સામે પ્રશ્નાર્થઘટના બન્યા બાદ જ્યારે સત્ય હકીકત જાણવા પ્રયાસ કરવામાં આવ્યો ત્યારે સાઇટ સંચાલકોએ કોઈને પણ ઘટનાસ્થળ પર જવાની સ્પષ્ટ મનાઈ ફરમાવી દીધી હતી. સાઇટ સંચાલકોના આ વલણના કારણે ઘટનાસ્થળે સેફ્ટી સાધનો (જેમ કે નેટ કે સેફ્ટી બેલ્ટ) હતા કે નહીં તે અંગે અનેક સવાલો ઊભા થઈ રહ્યા છે. હાલ આ મામલે સ્થાનિક પોલીસ દ્વારા તપાસ હાથ ધરીને આગળની કાયદાકીય કાર્યવાહી શરૂ કરવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 15, 2026

West Bengal Politics: TMCના 17 સાંસદો ભાજપમાં જોડાશે?, ભાજપે કરી સ્પષ્ટતા

West Bengal Politics: પશ્ચિમ બંગાળમાં 17 સાંસદોના ભાજપ પ્રવેશના દાવાથી રાજકીય ગરમાવો વધ્યો છે. બળવાખોર સાંસદે દાવો કર્યો કે મમતા બેનર્જીની TMCના 17 સાંસદો પાર્ટી છોડીને NCPIમાં વિલય કરવાની તૈયારીમાં છે. જોકે, ભાજપે આ દાવાને ફગાવતા હાલ કોઈ નવા નેતા કે સાંસદને પાર્ટીમાં લેવાની યોજના ન હોવાનું જણાવ્યું છે.ભાજપે 17 સાંસદોના દાવાને ફગાવ્યોપશ્ચિમ બંગાળ ભાજપના અધ્યક્ષ શમિક ભટ્ટાચાર્યએ આ અટકળો પર સ્પષ્ટતા કરી છે. તેમણે કહ્યું કે માત્ર કોઈ વ્યક્તિ ભાજપમાં જોડાવાની ઇચ્છા વ્યક્ત કરે એટલે પાર્ટી તેને સામેલ કરી લે તેવું નથી. બાસુનિયાના દાવા પર કટાક્ષ કરતાં તેમણે પૂછ્યું કે તેઓ જે ભાજપની વાત કરી રહ્યા છે, શું તે ‘મંગળ ગ્રહવાળી ભાજપ’ છે?TMC અને NCPIમાંથી કોઈ ભાજપમાં નહીં આવેતેમણે કહ્યું, “મારી જાણકારી પ્રમાણે તૃણમૂલ અથવા NCPIમાંથી કોઈ પણ ભાજપમાં સામેલ થઈ રહ્યું નથી. રાજ્યના લોકો એ ભૂલ્યા નથી કે તૃણમૂલના શાસન દરમિયાન આ નેતાઓ અને સાંસદોએ કેવા પ્રકારના અત્યાચાર કર્યા હતા.”શું સ્થાનિક ચૂંટણી છે કારણ?આ સમગ્ર ઘટનાક્રમ એવા સમયે સામે આવ્યો છે, જ્યારે પશ્ચિમ બંગાળમાં સ્થાનિક સ્વરાજ્યની ચૂંટણીઓ યોજાવાની છે. સપ્ટેમ્બરની શરૂઆતમાં શમિક ભટ્ટાચાર્યએ NCPI અંગે કહ્યું હતું કે, આ તાજેતરમાં રચાયેલી નવી પાર્ટી છે. NCPIએ તૃણમૂલ કોંગ્રેસના ચૂંટણી ચિહ્ન પર ચૂંટણી લડી હતી અને જીત મેળવી હતી. ત્યારબાદ તે NDAમાં સામેલ થઈ છે અને તેનું સ્વાગત કરવામાં આવ્યું છે. જોકે, ભટ્ટાચાર્યએ કહ્યું હતું કે આ સમગ્ર પ્રક્રિયા દિલ્હીમાં થઈ છે, જે કોલકાતાથી લગભગ 1,500 કિલોમીટર દૂર છે, તેથી તેની અસર કોલકાતા સુધી પહોંચવામાં સમય લાગશે.ભાજપે પોતાના દમ પર ચૂંટણી લડીશમિક ભટ્ટાચાર્યએ કહ્યું, “ભાજપે પશ્ચિમ બંગાળમાં પોતાના દમ પર ચૂંટણી લડી અને સત્તા સુધી પહોંચી છે. ન તો કોઈની કૃપાથી, ન કોઈના આશીર્વાદથી અને ન પોતાની વિચારધારા સાથે સમાધાન કરીને.” સોમવારે ભાજપના પ્રવક્તા દેવજીત સરકારે કહ્યું, “NCPI સાંસદના નિવેદન માટે ભાજપને જવાબદાર ઠેરવી શકાય નહીં.” હકીકતમાં, સાંસદ જગદીશચંદ્ર બાસુનિયાએ દાવો કર્યો હતો કે દુર્ગા પૂજા પહેલાં અથવા પછી 17 સાંસદ ભાજપમાં જોડાઈ શકે છે. તેમણે એવો પણ દાવો કર્યો હતો કે સાંસદોએ પક્ષપલટા બદલ અયોગ્ય ઠરાવવાની કાર્યવાહીથી બચવા માટે આ નિર્ણય લીધો છે.બળવાખોર સાંસદો તક માંગી રહ્યા છેબળવાખોર નેતાઓએ સાથે મળીને ચૂંટણી લડવાની માંગ કરી છે. સાથે જ ગઠબંધન થવાનો દાવો પણ કર્યો છે. બળવાખોર સાંસદોમાં સામેલ વરિષ્ઠ નેતા કાકોલી ઘોષ દસ્તીદારે કહ્યું હતું, “અમે NDAમાં સામેલ સૌથી મોટા પક્ષ છીએ. તેથી ચૂંટણી દરમિયાન અમે NDAના સભ્યો તરીકે ચૂંટણી લડીશું. આવી સ્થિતિમાં અમારે ભાજપ સાથે ગઠબંધન કરવું પડશે. ચૂંટણી નજીક આવશે ત્યારે આ અંગે નિર્ણય લેવામાં આવશે, પરંતુ ગઠબંધન થવાની સંપૂર્ણ શક્યતા છે.”20 બળવાખોર સાંસદોઆ બળવાખોર સાંસદોમાં કોકોલી ઘોષ દસ્તીદાર, સુદીપ બંદોપાધ્યાય, સાયોની ઘોષ, યુસુફ પઠાણ, શતાબ્દી રોય, અબુ તાહેર સહિત 20 નામ સામેલ છે. ખાસ વાત એ છે કે ત્રણ મુસ્લિમ સાંસદો પહેલેથી જ સ્પષ્ટ કરી ચૂક્યા છે કે તેઓ ભાજપમાં નહીં જાય અને NDAને સમર્થન આપી રહ્યા છે. તાહેરે દાવો કર્યો છે કે તેઓ, યુસુફ પઠાણ અને ખલીલુર રહેમાન ભાજપમાં સામેલ નહીં થાય.આ પણ વાંચો: અભિષેક બેનર્જીની મુશ્કેલી વધી, મંગળવારે હાજર થવા આદેશ

Read Full Story arrow_forward