Community News & Updates

Stay informed with the latest happenings, achievements, and announcements from our community.

All News

calendar_today September 16, 2026

Botad: ગણેશ ચતુર્થીના પાવન પર્વ ટાણે બોટાદના સાળંગપુરધામમાં દાદાનો 'ગણેશમય' શણગાર

સાળંગપુર : બોટાદ જિલ્લાના સુપ્રસિધ્ધ સાળંગપુરધામમાં ગણપતિ મહોત્સવ નિમિત્તે ગણેશ ચતુર્થીના પાવન દિવસે શ્રી કષ્ટભંજનદેવ હનુમાનજી મહારાજને શ્રી ગણેશજીની થીમ પર ભવ્ય અને અનોખો શણગાર કરવામાં આવ્યો હતો. શાસ્ત્ર્રી સ્વામી હરિપ્રકાશદાસજીની પ્રેરણા તથા કોઠારી વિવેકસાગરદાસજી સ્વામીના માર્ગદર્શન હેઠળ આયોજિત ઉત્સવમાં દાદાને લાલ વસ્ત્ર્રો તથા ગુલાબ-સેવંતીના રંગબેરંગી ફૂલોથી શણગારવામાં આવ્યા હતા. ગર્ભગૃહમાં શુભ-લાભ, સ્વસ્તિક અને હાથીની પ્રતિકૃતિઓથી દિવ્ય સજાવટ કરાઈહતી. મંદિર પરિસરમાં મારુતિ યજ્ઞ બાદ શ્રીહરિ મંદિરમાં ગણપતિદાદાનું પૂજન-અર્ચન અને આરતી કરવામાં આવી હતી. આ પ્રસંગે મોટીસંખ્યામાં ભક્તોએ આ અલૌકિક દર્શનનો ભાવપૂર્વક લાભ લીધો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 16, 2026

Patan: સિદ્ધપુરની મસ્કન ટાઉનશીપમાં ત્રણ ઘરોના તાળાં તૂટયા : લાખોની ચોરી

રોકડ અને ઘરેણા સહિત કુલ 5.67 લાખની તસ્કરી : સ્થાનિક પોલીસે અને લોકલ ક્રાઈમ બ્રાન્ચે ડૉગ સ્કવોર્ડ સહિતની મદદ લઈ ચોરોનું પગેરૂ મેળવવા તપાસ આરંભીસિદ્ધપુર શહેરમાં તાવડીયા રોડ પરની મસ્કાન ટાઉનશિપ સોસાયટીમાં તસ્કરોએ ત્રણ મકાનોને નિશાન બનાવીને ચોરીને અંજામ આપ્યો હતો.જેમાં એક મકાનમાંથી તસ્કરોએ રૂ.2.60 લાખની રોકડ રકમ સહિત સોનાના અને ચાંદીના ઘરેણા મળીને કુલ 5.67 લાખની ચોરી કરી હતી. તદ્પરાંત અન્ય પાડોશમાં આવેલા બે મકાનોમાં પણ ચોરી થતાં સિદ્ધપુર પોલીસે તાત્કાલિક અસરથી સોસાયટીમાં પહોંચી તપાસ હાથ ધરી છે. ચોરી કરવા માટે આવેલ તસ્કર ટોળકી સીસીટીવી કેમેરાના કેમેરામાં દેખાતાં પોલીસે તેની મદદથી પણ તપાસના ચક્રો ગતિમાન કર્યા છે. હોવાનું જાણવા મળ્યું છે. સિદ્ધપુરની તાવડીયા રોડ પર આવેલ મસ્કાન ટાઉનશિપમાં રહેતાં સાયરાબાનુ તેમની દિકરીના ઘરે ગયા હતા તે દરમિયાન પડોશીએ તેમના મકાનનું તાળુ તુટેલું હોવાથી જાણ કરતાં જ દિકરી સાથે દોડી આવ્યા હતા અને તપાસ કરતાં સોસાયટીમાં અન્ય બે મકાનોમાં ચોરી થઈ હોવાનું સામે આવતાં પોલીસે જાણ કરતાં જ સિદ્ધપુર પીઆઈ એમ.કે. ઝાલાની ટીમે તપાસ હાથ ધરી હતી. તે દરમિયાન મકાનમાંથી અજાણ્યા તસ્કરો દ્વારા રૂ.2.60 લાખ રોકડ રકમ સહિત સોનાનો સેટ, સોનાની વીંટી, સોનાની ચેઈનો, સોનાની નાકની ચુની, સોનાનું પેંડલ, સોનાની બુટ્ટી, ચાંદીની પાયલ, ચાંદીની ઝાંઝર તથા ચાંદીની લક્કી અને ચાંદીની વીંટીની ચોરી થવા પામી હોવાનું સામે આવતાં અજાણ્યા તસ્કરો સામે સિદ્ધપુર પોલીસ સ્ટેશનમાં ફરીયાદ નોંધાવતા પોલીસે સીસીટીવી ફુંટેજના આધારે અજાણ્યા તસ્કરો સુધી પહોંચવા માટે ચક્રો ગતિમાન કર્યા છે. તદ્પરાંત શહેરમાં આવેલ ગોકુલધામ સોસાયટીમાં પણ તસ્કરો દ્વારા ચોરીનો પ્રયાસ કરવામાં આવ્યો હતો પરંતુ નિષ્ફ્ળ નિવડયો હોવાનું જાણવા મળ્યું છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 15, 2026

Ahmedabad : લાલ દરવાજા જિ. પંચાયત કચેરીમાં જ પાણીનો વેડફાટ

જે કચેરી પરથી આખા જિલ્લાના વિકાસ, સ્વચ્છતા અને આરોગ્યનું નિયંત્રણ અને દેખરેખ થવી જોઈએ તે જ કચેરી અત્યારે બેદરકારી અને આયોજનના અભાવનું જીવતું-જાગતું ઉદાહરણ બની ગઈ છે. આ વાત છે લાલ દરવાજા ખાતે આવેલી અમદાવાદ જિલ્લા પંચાયતની મુખ્ય કચેરીની. જ્યાં અત્યારે ખુલ્લેઆમ હજારો લીટર અમૂલ્ય પાણીનો વ્યય થઈ રહ્યો છે. આશ્ચર્યની વાત એ નથી કે પાણીનો બગાડ થઈ રહ્યો છે, પણ ક્લાસ વન કક્ષાના જવાબદાર અધિકારીઓ દરરોજ આ વ્યયને નજરે જોતા હોવા છતાં કોઈ પગલાં લેવા તૈયાર નથી.કચેરીનું મુખ્ય પાર્કિંગ એરિયામાં લાલ રંગની આખી ફાયર ફાઈટિંગ લાઈન અને તેના વાલ્વ ખુલ્લા છે. પાણી અવિરતણે બહાર વહી રહ્યું છે. અહીં પાર્ક કરેલી ગાડીઓ અને સ્કૂટર્સની બાજુમાં કાદવ અને ગંદકીના ગંજ જામી ગયા છે. અહીં કોઈ પણ પગ મૂકે તો પગ ચીકણા થઈ જાય અને આખું વાતાવરણ ગંદુ લાગે. છતાં તંત્ર નિદ્રાધીન છે. સાથે જ આ કચેરીનું મુખ્ય પ્રવેશદ્વાર છે, જ્યાંથી આખા જિલ્લાનું નસીબ નક્કી કરતા અધિકારીઓ અને સામાન્ય નાગરિકો પ્રવેશે છે. એક તરફ્ સરકાર દ્વારા કરોડો રૂપિયાના ખર્ચે જલ સંચય અને સ્વચ્છતા અભિયાન જેવા કાર્યક્રમો ચલાવવામાં આવે છે. લોકોને પાણીનો બગાડ ન કરવા માટે કડક સૂચનાઓ અપાય છે. દંડ વસૂલવામાં આવે છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward