Community News & Updates

Stay informed with the latest happenings, achievements, and announcements from our community.

All News

calendar_today September 15, 2026

Ahmedabad : બી.વી.ડી આર્ટસ એન્ડ કોમર્સ કોલેજ બાપુનગર ખાતે ગણેશ ચતુર્થી નિમિતે કાર્યક્રમ યોજાયો

ભાદરવા સુદ ત્રીજ/ચોથ દિવસે બી.વી.ડી આર્ટસ એન્ડ કોમર્સ કોલેજ બાપુનગર ખાતે ગણેશ ચતુર્થી નિમિતે કોલેજના વિવિધ સેમેસ્ટરમાં અભ્યાસ કરતા વિદ્યાર્થીગણ દ્વારા ગણેશ સ્થાપન - પૂજા વિસર્જન આનંદ ઉલ્લાસ સહ આયોજન કરવામાં હતું. જેમાં સમગ્ર આયોજનમાં કૉ-ઓર્ડીનેટર ડૉ. રંજન વ્યાસ દ્વારા કાર્યક્રમ સંપન્ન કરવામાં આવ્યો હતો. જે આ પ્રકારના કાર્યક્રમો થકી વિદ્યાથીઓમાં એક હકારાત્મક પ્રભાવ સાથે આધ્યાત્મિક વિકાસ સાથે સારા સંસ્કારો આપો આપ આવતા હોય તે સંદેશ સાથે કોલેજના આચાર્ય ડૉ.કૈલાસગીરી ગોસ્વામીએ વિદ્યાર્થીઓને પ્રસંગોચિત સંબોધન કર્યું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 15, 2026

Palanpur : અંબાજી ખાતે ભાદરવી પૂનમનો મહામેળો, માર્ગો પર 200થી વધુ સેવા કેમ્પ ધમધમશે

શક્તિપીઠ અંબાજી ખાતે આગામી 20 થી 26 સપ્ટેમ્બર દરમ્યાન યોજાનાર વિશ્વપ્રસિદ્ધ ભાદરવી પુનમના મહામેળાને હવે ગણતરીના દિવસો જ બાકી છે ત્યારે અંબાજી તરફ જતા તમામ માર્ગો પર ભક્તિ અને સેવાનો અનેરો ઉત્સાહ જોવા મળી રહ્યો છે. આ વર્ષે 35 લાખથી વધુ માઈભક્તો ઉમટી પડવાની શક્યતાને ધ્યાનમાં રાખીને અંબાજી મંદિર ટ્રસ્ટ, બનાસકાંઠા જિલ્લા વહીવટી તંત્ર અને સેવાભાવી સંસ્થાઓ દ્વારા પૂર્વ તૈયારીઓને ઓપ અપાઈ રહ્યો છે. પગપાળા આવતા લાખો પદયાત્રીઓની સુવિધા માટે અંબાજી તરફ જતા વિવિધ રસ્તાઓ પર 200 થી વધુ સેવા કેમ્પો કાર્યરત કરવામાં આવી રહ્યા છે. આ કેમ્પોમાં પદયાત્રીઓ માટે શુદ્ધ ભોજન-પ્રસાદ, પીવાનું પાણી, ચા-નાસ્તો, થાક ઉતારવા માટે આરામ કક્ષ, મેડિકલ કેમ્પ અને જરૂરી દવાઓ જેવી તમામ પાયાની સુવિધાઓ પુરી પડાશે. મહામેળામાં આ વર્ષે આસ્થા સાથે સ્વચ્છતાનો સંગમ જોવા મળશે. આ વખતે સમગ્ર મેળાને સંપૂર્ણપણે પ્લાસ્ટિક મુક્ત બનાવવા માટે વહીવટી તંત્ર દ્વારા માસ્ટર પ્લાન તૈયાર કરાયો છે. અંબાજી પંથકની સ્વચ્છતા, સુંદરતા અને પવિત્રતા જળવાઈ રહે તે હેતુથી પ્લાસ્ટિકના ઉપયોગ પર સંપૂર્ણ પ્રતિબંધ લદાયો છે. યાત્રાળુઓની સુવિધા, આરોગ્ય અને સુરક્ષાને સુનિશ્ચિત કરવા તંત્ર દ્વારા સેવા કેમ્પો માટે માર્ગદર્શિકા જાહેર કરાઈ છે. સેવા કેમ્પો મુખ્ય માર્ગની ડાબી બાજુએ રોડની કિનારીથી ઓછામાં ઓછા 30 મીટર દુર અને માત્ર તંત્ર દ્વારા મંજુર કરાયેલા સ્થળોએ જ ઉભા કરી શકાશે., દરેક કેમ્પમાં સીસીટીવી કેમેરા, ફાયર સેફ્ટી સાધનો અને મહિલા યાત્રાળુઓની સુરક્ષા માટે નારી સંરક્ષણ ડેસ્ક રાખવું ફરજીયાત છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 15, 2026

Junagadh : કાળવા નદીમાં વહી જતું વરસાદનું પાણી રોકી તળાવ તરફ્ ડાયવર્ટ કરવામાં આવ્યું

જૂનાગઢ શહેર અને જિલ્લામાં સતત બે દિવસથી અવિરત અને ભારે વરસાદ વરસી રહ્યો છે. આ ભારે વરસાદને પગલે કાળવા નદી સહિતના જળસ્ત્ર્રોતોમાં મોટા પ્રમાણમાં પાણીની આવક થઈ છે. જોકે, આ કિંમતી વરસાદી પાણી નદી મારફ્તે એમ જ વહી જતું હોવાથી સ્થાનિક સોશિયલ મીડિયા ગ્રુપોમાં પાણી બચાવવા અને તેને યોગ્ય દિશામાં વાળવા અંગે બૂમરાણ ઉઠી હતી. જાગૃત નાગરિકોની આ રજૂઆતને પગલે મહાનગરપાલિકાના પદાધિકારીઓ તાત્કાલિક હરકતમાં આવ્યા હતા અને તેઓએ કાળવા નદીમાંથી વહી જતું પાણી અટકાવીને તેને નજીકના તળાવ તરફ્ ડાયવર્ટ કરવા માટે કામગીરી શરૂ કરાવી હતી. ઉલ્લેખનીય છે કે આ તળાવ છેલ્લા ઘણા સમયથી સાવ સૂકું હતું અને જાણે ક્રિકેટનું મેદાન હોય તેવી સ્થિતિમાં ફેરવાઈ ગયું હતું. હવે નદીનું પાણી આ તળાવમાં વાળવામાં આવતા, જો તળાવ મહદઅંશે ભરાઈ જશે તો આસપાસના વિસ્તારોમાં પાણીના તળ નોંધપાત્ર રીતે ઊંચા આવશે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward