Bardoli :વાંસકુઈથી બામણિયા સ્ટેટ હાઈવેનો રબરકોટ સી.સી. રોડ અકસ્માત ઝોન
અંબિકા તાલુકાના વાંસકુઈથી બામણિયા ગામ થઈ સૂપા-સાતેમ, સણવલ્લા સ્ટેટ હાઈવે પર આવતા બામણિયા ગામની હદમાં આર.સી.સી. રોડ બનાવી એજન્સીએ રબરકોટ કરતા અકસ્માત ઝોન બની ગયો છે.મળતી વિગતો પ્રમાણે અંબિકા તાલુકાના વાંસકુઈથી બામણિયા ગામ થઈ નવસારી નેશનલ હાઈવેને જોડતો સૂપા-સાતેમ સણવલ્લા સ્ટેટ હાઈવે જે બામણિયા ગામની હદમાં આર.સી.સી. સ્ટ્રક્ચર સાથે બનાવાયોહતો. અગાઉના વર્ષોમાં બામણિયા ગામની હદમાં બનેલો આર.સી.સી. સ્ટ્રક્ચર વાળો આ સ્ટેટ હાઈવે કામમાં નબળી ગુણવત્તાવાળી ગોબાચારીના પગલે તૂટી ગયો હતો. આર.સી.સી. રોડ પર મોટી મોટી તિરાડો પડવાની સાથે આર.સી.સી. સ્ટ્રક્ચરના ગાબડાં ઉખડી ગયા હતા. જેને લઈને આ ઠેકાણે આર.સી.સી. રોડ નવેસરથી બનાવવો કે રિપેર કરવો જરૂરી બન્યો હતો. સરકારે આ કામ માટે માર્ગ અને મકાન વિભાગ સુરત-2 અને પેટા વિભાગ માર્ગ અને મકાન બારડોલી ડિવિઝન હેઠળ બામણિયા ગામની હદમાં આર.સી.સી. રોડના કામ માટે રૂ.2,46,77,994ની ગ્રાન્ટ ફાળવી આ કામનું ટેન્ડર વાય.એન.ધનાની, નવસારીને ફાળવ્યું હતું. આ કોન્ટ્રાક્ટર એજન્સીએ તા. 11-11-2025 થી તા. 10-05-2026 સુધીમાં બામણિયા ગામની હદમાં આ રોડ બનાવાનો હતો. કોન્ટ્રાક્ટર એજન્સીએ અધિકારીઓની નિગરાની હેઠળ આ આર.સી.સી. રોડને બનાવવાના નામે રબરકોટથી આખો આર.સી.સી. રોડ લપેટી દીધો હતો. જેથી થોડો વરસાદ પડે એટલે રોડ ભીંજાતાની સાથે અકસ્માત ઝોન બની જાય છે.ચોમાસાની શરૂઆતમાં એક મહિનામાં વરસાદના પાણીથી ભીનાતા આ રોડ પર અનેક નાના-મોટા વાહનો તેમાં ખાસ કરીને એસ.ટી.બસો, સ્કૂલ બસો, લોડિંગ ટ્રકો, ટેમ્પો વાહનો, પીકઅપ જીપ, ફોરવ્હીલર ગાડીઓ, બામણિયા ગામની હદમાં આ રબરકોટ સી.સી. રોડ પરથી લપસીને સીધા જ આ વાહનો રોડની સાઇડે ઊંધા વળી જાય છે. તંત્ર દ્વારા આ રોડ અકસ્માત ઝોન બનતા બંને તરફ લોખંડના પ્રોટેક્શન લગાવ્યા છે. હવે આ વાહનો થોડા વરસાદના માહોલમાં રોડ પરથી લપસીને લોખંડની રેલિંગ પ્રોટેક્શન સાથે ભટકાઈને અકસ્માતગ્રસ્ત બની રહ્યા છે. છેલ્લા 10 દિવસમાં ઝરમર પડતા વરસાદી માહોલમાં 1પથી વધુ વાહનો આ ઠેકાણે લપસીને અકસ્માતનો ભોગ બન્યા છે. ગઈ કાલે પણ ઝરમર વરસાદ દરમિયાન એક પેસેન્જર એસ.ટી. બસ અને એક મહેન્દ્ર બુલેરો પીકઅપ જીપ લપસીને રોડની સાઈડે લાખંડની એંગલ સાથે અઠડાઈને અકસ્માત ગ્રસ્ત બન્યા હતા. બામણિયા ગામતળની હદમાં ઘરોની બંને સાઈડ વચ્ચેથી પસાર થતો આ હાઈવે અકસ્માત ઝોન બન્યો છે. ગામના લોકો માટે જીવલેણ બનેલા આ રોડ મામલે નવેસરથી રિપેરિંગ કરવાની માંગણી ગ્રામજનોમાં ઉઠી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
