Community News & Updates

Stay informed with the latest happenings, achievements, and announcements from our community.

All News

calendar_today September 17, 2026

PM Modi Birthday: Amitabh Bachchan અને PM મોદીએ થિયેટરમાં જઇને જોઇ હતી આ ફિલ્મ, પહેલી મુલાકાતનો કિસ્સો તમે નહીંં જાણતા હોવ!

PM મોદી જ્યારે ગુજરાતના મુખ્યમંત્રી હતા ત્યારે તેમની મુલાકાત અમિતાભ બચ્ચન સાથે થઈ હતી. વર્ષ 2009માં 'પા' ફિલ્મની રિલીઝ સમયે અમિતાભ બચ્ચન પોતાની ફિલ્મને ટેક્સમાંથી છૂટ મળે તે હેતુથી PM મોદીને મળ્યા હતા. આ મુલાકાત દરમિયાન અમિતાભ બચ્ચને તેમને પોતાની ફિલ્મ જોવાની વિનંતી કરી હતી, જેને PM મોદી નકારી શક્યા નહોતા.PM મોદીનો આજે જન્મદિવસ છે. તેઓ છેલ્લા 12 વર્ષથી દેશનું નેતૃત્વ કરી રહ્યા છે અને તે પહેલાં 13 વર્ષ સુધી ગુજરાતના મુખ્યમંત્રી પણ રહી ચુક્યા છે. જ્યારે પહેલી વાર અમિતાભ બચ્ચનને મળ્યા હતા નરેન્દ્ર મોદીબોલિવૂડના ઘણા દિગ્ગજ કલાકારો સાથે વડાપ્રધાન નરેન્દ્ર મોદીના સારા સંબંધો છે. સદીના મહાનાયક અમિતાભ બચ્ચન સાથે પણ તેમના સારા સંબંધો છે. બંને ઘણી વખત મળી ચૂક્યા છે, પરંતુ તેમની પહેલી મુલાકાત 'પા' ફિલ્મ સાથે જોડાયેલી છે.તે સમયે PM મોદી ગુજરાતના મુખ્યમંત્રી હતા અને અમિતાભ બચ્ચન પોતાની ફિલ્મ માટે ટેક્સમાં છૂટ અપાવવાના કામે તેમને મળ્યા હતા.મોદીએ અમિતાભ બચ્ચન સાથે જોઈ હતી 'પા'PM મોદીએ અક્ષય કુમારને આપેલા એક ઈન્ટરવ્યૂમાં આ મુલાકાત વિશે જણાવ્યું હતું. તેમણે કહ્યું હતું કે અમિતાભ બચ્ચને તેમને પોતાની ફિલ્મ જોવાની વિનંતી કરી હતી. PM મોદી આ ઓફર નકારી શક્યા નહોતા અને ત્યાર બાદ બંનેએ સાથે બેસીને આખી ફિલ્મ જોઈ હતી.'પા'માં પુત્ર અભિષેક બચ્ચને અમિતાભના પિતાની ભૂમિકા ભજવી 'પા' ફિલ્મમાં અમિતાભ બચ્ચને એક દુર્લભ બીમારીથી પીડાતા 12 વર્ષના બાળકની ભૂમિકા ભજવી હતી. આ પાત્ર માટે અમિતાભ બચ્ચને પોતાનો લુક સંપૂર્ણપણે બદલી નાખ્યો હતો. ખાસ વાત એ છે કે આ ફિલ્મમાં તેમના પુત્ર અભિષેક બચ્ચને તેમના પિતાની ભૂમિકા ભજવી હતી.આર. બાલ્કીના દિગ્દર્શનમાં બનેલી આ ફિલ્મ બોક્સ ઓફિસ પર સફળ રહી હતી.

Read Full Story arrow_forward

calendar_today September 17, 2026

PM Modi Birthday: PM મોદીને ‘નરેન્દ્ર ભાઈ’ કહેતાં હતાં Lata Mangeshkar, દર વર્ષે મોકલતાં રાખડી!

વડાપ્રધાન નરેન્દ્ર મોદી 17 સપ્ટેમ્બરે એટલે કે આજે પોતાનો 76મો જન્મદિવસ ઉજવી રહ્યા છે. ત્યારે તેમની અલગ અલગ લોકો સાથે જોડાયેલી ઘણી યાદો અને કિસ્સા ફરી ચર્ચામાં આવી રહ્યા છે. આ કિસ્સામાં ભારત રત્નથી સન્માનિત દિવંગત ગાયિકા લતા મંગેશકર સાથેની તેમની યાદો પણ સામેલ છે.લતા મંગેશકર તેમને 'નરેન્દ્ર ભાઈ' કહીને બોલાવતાં હતાં. બંને વચ્ચે ભાઈ-બહેન જેવો સંબંધ હતો અને લતા મંગેશકર દર વર્ષે રક્ષાબંધન પર તેમને રાખડી પણ મોકલતાં હતાં. લતા મંગેશકરે કહ્યું હતું કે તેઓ નરેન્દ્ર મોદીની કામ કરવાની રીત અને તેમના ઈરાદાઓથી ખૂબ પ્રભાવિત હતાં.'નરેન્દ્ર મોદીનું ધ્યાન લોકોના ભલું કરવા પર કેન્દ્રિત છે'લતા મંગેશકરે 'મોદી એટ 20: ડ્રીમ્સ મીટ ડિલિવરી' પુસ્તકની પ્રસ્તાવનામાં PM નરેન્દ્ર મોદી વિશે પોતાના વિચારો લખ્યા હતા. તેમણે લખ્યું હતું કે તેઓ તેમને ઘણા વર્ષોથી ઓળખતાં હતાં અને લોકો માટેની તેમની કામગીરીને ખૂબ રસપૂર્વક જોતા હતાં. તેમની પ્રાથમિકતાઓ કંઈક અલગ જોવા મળતી હતી અને તેમની સાથેની વાતચીત પરથી તેમને લાગ્યું હતું કે નરેન્દ્ર મોદીનું ધ્યાન સત્તાથી વિશેષ લોકો માટે ખરેખર કંઈક કરવા પર વધુ કેન્દ્રિત છે.મહાત્મા ગાંધીનું ઉદાહરણ આપતાં લતા મંગેશકરે કહ્યું હતું કે જે રીતે ગાંધીજીએ આઝાદીની લડતને જનઆંદોલન બનાવી અને સામાન્ય લોકોને તેની સાથે જોડ્યા, તેવી જ રીતે નરેન્દ્ર ભાઈ દેશના વિકાસની યાત્રાને પણ જનઆંદોલન સાથે જોડવાનો પ્રયાસ કરી રહ્યા હતા. તેમણે પુસ્તકની પ્રસ્તાવનામાં પોતાનો આ અભિપ્રાય લખ્યો હતો.લતા મંગેશકર નરેન્દ્ર મોદીને પોતાના ભાઈ માનતાં હતાંલતા મંગેશકર PM નરેન્દ્ર મોદીને પોતાના ભાઈ માનતાં હતાં અને PM મોદી પણ તેમને પોતાની મોટી બહેન કહેતા હતા. લતા મંગેશકરના ભાઈ હૃદયનાથ મંગેશકરે જણાવ્યું હતું કે તેમની બહેન અને PM મોદી વચ્ચે ઘણા દાયકાઓથી સન્માન અને આત્મીયતાનો સંબંધ હતો.લતા દીદી રક્ષાબંધન પર તેમને રાખડી મોકલતાં હતાં અને નરેન્દ્ર મોદી પણ ફોન અથવા પત્ર દ્વારા જવાબ આપતા હતા. જ્યારે તેઓ લતા મંગેશકરને મળવા જતા ત્યારે લતાદીદી તેમને ગુજરાતી ભોજન પણ ખવડાવતાં હતાં.દેશમાં થઈ રહેલા બદલાવથી લતા મંગેશકર ખુશ હતાં2019માં લતા મંગેશકરના 90મા જન્મદિવસે PM મોદીએ અમેરિકા જવા રવાના થતાં પહેલાં તેમને ફોન કરીને જન્મદિવસની શુભેચ્છા પાઠવી હતી. આ વાતચીત દરમિયાન લતા મંગેશકરે દેશમાં થઈ રહેલા બદલાવ અંગે પોતાની ખુશી વ્યક્ત કરી હતી.તેમણે કહ્યું હતું કે તેમને લાગે છે કે દેશની તસવીર બદલાઈ રહી છે અને તેનાથી તેમને ખુશી થઇ રહી છે. આ વાતચીત બાદમાં રેડિયો કાર્યક્રમ 'મન કી બાત'માં પણ શેર કરવામાં આવી હતી.નરેન્દ્ર મોદીને વડાપ્રધાન તરીકે જોવા માગતાં હતાં લતા મંગેશકરનરેન્દ્ર મોદી વડાપ્રધાન બને તે પહેલાં પણ લતા મંગેશકરે તેમના માટે પોતાની ઈચ્છા જાહેર કરી હતી. નવેમ્બર 2013માં પુણેમાં દીનાનાથ મંગેશકર સુપર સ્પેશિયાલિટી હોસ્પિટલના ઉદ્ઘાટન કાર્યક્રમમાં લતાજીએ કહ્યું હતું કે તેઓ નરેન્દ્ર મોદીને દેશના વડાપ્રધાન તરીકે જોવા માગે છે.તે સમયે નરેન્દ્ર મોદી ગુજરાતના મુખ્યમંત્રી હતા અને ભાજપના વડાપ્રધાન પદના ઉમેદવાર હતા.લતા મંગેશકરના નિધન પર નરેન્દ્ર મોદીએ કરી હતી ખાસ પોસ્ટ2022માં લતા મંગેશકરના નિધન પર શ્રદ્ધાંજલિ આપતાં PM મોદીએ એક પોસ્ટ લખી હતી. તેમણે લખ્યું હતું કે લતા દીદીના નિધનનું દુઃખ તેઓ શબ્દોમાં વ્યક્ત કરી શકતા નથી. તેમણે કહ્યું હતું કે લતા દીદી દેશને એક એવી ખોટ આપી ગયા છે જે ક્યારેય પૂરી થઈ શકે નહીં.નરેન્દ્ર મોદીએ વધુમાં લખ્યું હતું કે આવનારી પેઢીઓ લતા મંગેશકરને ભારતીય સંસ્કૃતિના એક દિગ્ગજ તરીકે યાદ કરશે. તેમના સુરીલા અવાજમાં લોકોને મંત્રમુગ્ધ કરવાની અનોખી ક્ષમતા હતી.

Read Full Story arrow_forward

calendar_today September 17, 2026

PM Vishwakarma Scheme: ગેરંટી વગર સરકાર આપી રહી છે 3 લાખ સુધીની લોન, જાણો અરજી કરવાની સરળ રીત

જો તમે તમારો પોતાનો નવો વ્યવસાય શરૂ કરવા માંગતા હોવ અને આર્થિક મુશ્કેલીઓ કે ફંડના અભાવને કારણે મુશ્કેલી અનુભવી રહ્યા હોવ, તો કેન્દ્રની નરેન્દ્ર મોદી સરકાર તમને મોટી આર્થિક સહાય પૂરી પાડી રહી છે. નાણાકીય ચિંતાઓ દૂર કરવા માટે ચલાવવામાં આવતી 'પ્રધાનમંત્રી વિશ્વકર્મા યોજના' ને હાલમાં જ સફળતાપૂર્વક ત્રણ વર્ષ પૂરા થયા છે. આ લોકકલ્યાણકારી યોજના હેઠળ કુશળ કારીગરો અને શ્રમિકોને કોઈપણ પ્રકારની ગેરંટી કે સિક્યોરિટી વગર 3 લાખ રૂપિયા સુધીની આકર્ષક લોનનું વિતરણ કરવામાં આવે છે, જે ખૂબ જ ઓછા વ્યાજ દરે ઉપલબ્ધ છે.અનેક લોકોને મળશે સહાયવડાપ્રધાન નરેન્દ્ર મોદી દ્વારા 17 સપ્ટેમ્બર, 2023 ના રોજ શરૂ કરવામાં આવેલી આ યોજનાનો મુખ્ય ઉદ્દેશ્ય ગ્રામીણ અને શહેરી બંને વિસ્તારોમાં રહેતા પરંપરાગત કારીગરો અને કુશળ વ્યક્તિઓને સશક્ત બનાવવાનો છે. આ યોજના હેઠળ કુલ 18 પ્રકારના નાના વ્યવસાયો અને વ્યવસાયિકોને આવરી લેવામાં આવ્યા છે. જેમાં સુથાર, લુહાર, કડિયા, કુંભાર, શિલ્પકાર, તાళા બનાવનારા, બોટ નિર્માતા, ફિશનેટ બનાવનારા અને રમકડા બનાવનારા સહિતના અનેક હુન્નરમંદ લોકોને સહાય મળે છે.ગેરંટી વગરની લોન મળશેઆ યોજના અંતર્ગત સરકાર કુલ 3 લાખ રૂપિયા સુધીની લોન બે તબક્કામાં આપે છે. પ્રથમ તબક્કામાં વ્યવસાય શરૂ કરવા અથવા આગળ વધારવા માટે 1 લાખ રૂપિયાની લોન આપવામાં આવે છે, જ્યારે સફળતાપૂર્વક ધંધો ચલાવ્યા બાદ બીજા તબક્કામાં વ્યવસાયના વિસ્તરણ માટે 2 લાખ રૂપિયાની વધારાની લોન આપવામાં આવે છે. આ લોનની સૌથી મોટી વિશેષતા એ છે કે તે સંપૂર્ણપણે ગેરંટી-મુક્ત (Collateral-free) છે અને તેના પર માત્ર 5% જેટલો ઓછો વ્યાજ દર વસૂલવામાં આવે છે.લોન ઉપરાંચ તાલીમ પણ અપાશેલોન ઉપરાંત, આ યોજના હેઠળ લાભાર્થીઓને માસ્ટર ટ્રેનર્સ દ્વારા નિઃશુલ્ક તાલીમ પણ આપવામાં આવે છે. તાલીમ દરમિયાન દરરોજના હિસાબે સ્ટાઇપેન્ડ પણ ચૂકવાય છે. તેમજ પ્રશિક્ષણ પૂર્ણ થયા બાદ ₹15,000 ની કિંમતની આધુનિક ટૂલકીટ, પીએમ વિશ્વકર્મા પ્રમાણપત્ર અને સત્તાવાર આઈડી કાર્ડ પણ પ્રદાન કરવામાં આવે છે. આ યોજનાનો લાભ લેવા માટે અરજદારની ઉંમર 18 થી 50 વર્ષની વચ્ચે હોવી જરૂરી છે. અરજી કરવા માટે આધાર કાર્ડ, પાન કાર્ડ, બેંક પાસબુક, આવક અને જાતિનું પ્રમાણપત્ર તથા પાસપોર્ટ સાઇઝનો ફોટો જેવા દસ્તાવેજોની જરૂર પડે છે.આ રીતે કરો નોંધણીલાભાર્થીઓ સત્તાવાર વેબસાઇટ (pmvishwakarma.gov.in) પર જઈને ઓનલાઇન નોંધણી કરાવી શકે છે. અત્યાર સુધીમાં આ યોજના હેઠળ લાખો લોકોએ નોંધણી કરાવીને કૌશલ્ય તાલીમ અને આધુનિક સાધનોનો લાભ મેળવ્યો છે, જે કારીગરોની આર્થિક સ્થિતિ સુધારવામાં અત્યંત ઉપયોગી સાબિત થઈ રહ્યો છે.આ પણ વાંચોઃ Middle East: યમનની ગુપ્ત ગુફામાંથી સરકારને નિયંત્રણમાં રાખતો હુતી નેતા અબ્દુલ મલિક કોણ? 

Read Full Story arrow_forward