Community News & Updates

Stay informed with the latest happenings, achievements, and announcements from our community.

All News

calendar_today September 18, 2026

Major Rishabh Singh Sambyal: રિટાર્યમેન્ટ બાદ મેજર સાંબ્યાલનો પ્લાન બી તૈયાર, હવે ઇન્સ્ટાગ્રામથી કરશે લાખોની કમાણી

રાષ્ટ્રપતિ દ્રૌપદી મુર્મુના ભૂતપૂર્વ ADC (એઇડ-ડી-કેમ્પ) મેજર રિષભ સિંહ સાંબ્યાલે થોડા દિવસો પહેલા જ તેમના પદ પરથી રાજીનામું આપ્યું હતું. હવે તેમણે પોતાની આર્થિક સ્થિતિ સુધારવા માટે સોશિયલ મીડિયાનો સહારો લીધો છે અને ઇન્સ્ટાગ્રામ પર 'સબ્સ્ક્રિપ્શન મોડલ' શરૂ કર્યું છે. જેનાથી ભવિષ્યમાં સારી એવી કમાણી થવાની શક્યતા છે.રિટાર્યડમેન્ટ બાદ મેજર ઋષભ શું કરશે ? મેજર સાંબ્યાલે તાજેતરમાં ઇન્સ્ટાગ્રામ પર પેઇડ સબ્સ્ક્રિપ્શન મોડલ શરૂ કર્યું છે, જેના દ્વારા તેઓ નોંધપાત્ર આવક મેળવી શકે છે. અત્યાર સુધીમાં, 1,500થી વધુ લોકોએ તેમની ખાસ (એક્સક્લુઝિવ) પોસ્ટ્સ જોવા માટે સબ્સ્ક્રિપ્શન લીધું છે. આ સબ્સ્ક્રિપ્શનનો દર iPhone વપરાશકર્તાઓ માટે ₹199 પ્રતિ મહિને અને Android વપરાશકર્તાઓ માટે ₹180 પ્રતિ મહિને રાખવામાં આવ્યો છે. તેમના સબ્સ્ક્રાઇબર્સની વધતી જતી સંખ્યાએ ઘણા સોશિયલ મીડિયા વપરાશકર્તાઓને આશ્ચર્યચકિત કર્યા છે. લોકો તેમની લોકપ્રિયતા અને તેમના પેઇડ કન્ટેન્ટની માંગ વિશે ચર્ચા કરી રહ્યા છે. તેમની ઓનલાઇન પ્રવૃત્તિઓ સતત લોકોનું ધ્યાન ખેંચી રહી છે.મેજર સાંબ્યાલની નવી યોજના શું છે?મેજર સાંબ્યાલ પેઇડ સબ્સ્ક્રાઇબર્સને ખાસ કન્ટેન્ટ, સબ્સ્ક્રાઇબર બેજ અને સોશિયલ ચેનલ્સની ઍક્સેસ પ્રદાન કરે છે. સબ્સ્ક્રાઇબર્સને 'આસ્ક મી એનીથિંગ' (AMA) સેશન્સ, નવી પોસ્ટ્સ/વીડિયોની વહેલી ઍક્સેસ અને કોચિંગની સુવિધા પણ મળે છે જોકે કોચિંગની ચોક્કસ વિગતો જાહેર કરવામાં આવી નથી. હાલમાં, સબ્સ્ક્રાઇબર્સ માટે તેમની પાંચ ખાસ સ્ટોરીઝ અને એક રીલ ઉપલબ્ધ છે.કેવી રીતે કરશે કમાણી ? 1,500 સબ્સ્ક્રાઇબર્સના આધારે ગણતરી કરીએ તો Android વપરાશકર્તાઓ પાસેથી માસિક આવક અંદાજે ₹2.70 લાખ થશે અથવા જો બધા iPhone વપરાશકર્તાઓ હોય તો તે આંકડો ₹3 લાખની આસપાસ હશે. તેવી જ રીતે 2,000 સબ્સ્ક્રાઇબર્સ સાથે માસિક આવક Android વપરાશકર્તાઓ પાસેથી ₹3.60 લાખ અને iPhone વપરાશકર્તાઓ પાસેથી અંદાજે ₹4 લાખ સુધી પહોંચી શકે છે.સબ્સ્ક્રાઇબર્સને શું મળે છે?ખાસ કન્ટેન્ટ (Exclusive Content): વિશેષ પોસ્ટ્સ, સ્ટોરીઝ અને રીલ્સ.સબ્સ્ક્રાઇબર બેજ: કોમેન્ટ કરતી વખતે અથવા મેસેજ કરતી વખતે વપરાશકર્તાના નામની બાજુમાં એક ખાસ બેજ દેખાય છે.લાઇવ સેશન્સ અને AMA: 'આસ્ક મી એનીથિંગ' સેશન્સ અને લાઇવ વાતચીતમાં ભાગ લેવાની તક. માર્ગદર્શન અથવા કોચિંગ: કારકિર્દી સંબંધિત વિષયો અથવા પ્રેરણાદાયી કન્ટેન્ટ અંગે સીધો સંવાદ અને વહેલી ઍક્સેસ.અંદાજિત વાર્ષિક આવકવર્તમાન સબ્સ્ક્રાઇબર બેઝના આધારે, તેમની વાર્ષિક કુલ આવક ₹34 લાખથી ₹37.5 લાખ કે તેથી વધુ હોઈ શકે છે. બીજા શબ્દોમાં કહીએ તો મેજર સંબ્યાલની આવક તેમના સબ્સ્ક્રાઇબર્સની સંખ્યામાં થતા વધારા સાથે વધતી જશે.આ પણ વાંચો:100% US Tariff on India: થાય તે કરી લે અમેરિકા, ભારત.... ઝૂકશે નહી, 100 ટકા ટેરિફ લૉ અંગે ભારતની પ્રતિક્રિયા

Read Full Story arrow_forward

calendar_today September 18, 2026

કૂતરાઓએ ફાડી ખાધો મૃતદેહ... 16 વર્ષની સગીરા પર સામૂહિક બળાત્કાર અને હત્યા; 4 લોકોને દબોચ્યા

ખેતરમાં પડેલા એક લાવારીસ મૃતદેહને રખડતા કૂતરાં ફાડી રહ્યા હતા. મૃતદેહ એટલી હદે સડી ગયો હતો કે પોલીસ શરૂઆતમાં એ નક્કી કરી શકી ન હતી કે તે પુરુષનો છે કે સ્ત્રીનો. જોકે, જેમ જેમ તપાસ આગળ વધી, તેમ એક ભયાનક સત્ય સામે આવ્યું. એવી ઘટના જે કોઈપણને હચમચાવી નાખે તેવી હતી. અમે દિલ્હીના ઉત્તર-પશ્ચિમ જિલ્લાના સ્વરૂપ નગર વિસ્તારમાં બનેલી ગેંગ-રેપ અને હત્યાની ઘટનાની વાત કરી રહ્યા છીએ. 17 વર્ષની કિશોરી પર કથિત રીતે સામૂહિક બળાત્કાર ગુજારવામાં આવ્યો, તેને છરીના ઘા મારીને મોતને ઘાટ ઉતારવામાં આવી અને તેનો મૃતદેહ એક નિર્જન ખેતરમાં ફેંકી દેવામાં આવ્યો. 50થી વધુ સીસીટીવી કેમેરાના ફૂટેજની તપાસ કર્યા બાદ, પોલીસે ત્રણ સગીરો સહિત ચાર આરોપીઓની ધરપકડ કરી છે.ખેતરમાં એક ભયાનક દ્રશ્ય13 સપ્ટેમ્બરની સવારે, દિલ્હીના ઉત્તર-પશ્ચિમ જિલ્લાના સ્વરૂપ નગર વિસ્તારના રહેવાસીઓએ પોલીસને જાણ કરી કે નજીકના ખેતરમાં કૂતરાં એક મૃતદેહને ફાડી રહ્યા છે. પોલીસની ટીમ તાત્કાલિક ઘટનાસ્થળે પહોંચી અને ત્યાંનું દ્રશ્ય જોઈને સ્તબ્ધ થઈ ગઈ. ખેતરમાં પડેલો મૃતદેહ ખૂબ જ ખરાબ રીતે સડી ગયો હતો; એક હાથ ધડથી અલગ થઈ ગયો હતો અને શરીરના કેટલાક ભાગો કૂતરાં દ્વારા ખાઈ લેવામાં આવ્યા હતા. મૃતદેહની હાલત એટલી ખરાબ હતી કે પ્રાથમિક તપાસ દરમિયાન પોલીસ મૃતકનું જાતિ પણ નક્કી કરી શકી ન હતી.ચહેરો ઓળખી ન શકાય તેવો; શરીર પર છરીના અનેક ઘાતપાસકર્તાઓના જણાવ્યા અનુસાર, પીડિતાનો ચહેરો સંપૂર્ણપણે વિકૃત થઈ ગયો હતો અને તેના શરીરના વિવિધ ભાગો પર છરીના ઊંડા ઘા જોવા મળ્યા હતા. તેની ઓળખ કરવી લગભગ અશક્ય બની ગઈ હતી. ત્યારબાદ મૃતદેહને પોસ્ટમોર્ટમ અને તબીબી તપાસ માટે મોકલવામાં આવ્યો. તપાસમાં પુષ્ટિ થઈ કે કિશોરી પર જાતીય હુમલો થયો હતો; પોલીસનું કહેવું છે કે હત્યા કરતા પહેલા તેના પર કથિત રીતે સામૂહિક બળાત્કાર ગુજારવામાં આવ્યો હતો.ઘટના બે દિવસ પહેલા બની હતીપોલીસને શંકા છે કે આ ઘટના 11સપ્ટેમ્બરે બની હતી. હત્યા બાદ મૃતદેહને કુશક રોડ પરના એક ખેતરમાં લાવીને ફેંકી દેવામાં આવ્યો હતો, જ્યાં તે બે દિવસ સુધી પડ્યો રહ્યો. આ દરમિયાન, મૃતદેહ સડવા લાગ્યો અને રખડતા પ્રાણીઓએ તેને ફાડવાનું શરૂ કર્યું. આ જ કારણ છે કે 13 સપ્ટેમ્બરે સ્થાનિક લોકોની નજર મૃતદેહ પર પડી ત્યારે જ આ બાબત પોલીસના ધ્યાનમાં આવી. પોલીસના જણાવ્યા અનુસાર, પરિવારનું કહેવું હતું કે કિશોરી અવારનવાર ઘરની બહાર જતી અને થોડા દિવસો પછી પાછી આવતી હતી; તેથી, જ્યારે તે પાછી ન આવી ત્યારે શરૂઆતમાં કોઈને ખાસ ચિંતા થઈ ન હતી. યુવતી આરોપીઓને અગાઉથી ઓળખતી હતીતપાસ દરમિયાન એક મહત્વપૂર્ણ વિગત સામે આવી: યુવતી ચારેય આરોપીઓને અગાઉથી ઓળખતી હતી. ઘટનાના દિવસે તે તેમની સાથે ટેમ્પોમાં ગઈ હતી. આ દરમિયાન જ તેની સાથે સામૂહિક બળાત્કાર ગુજારવામાં આવ્યો હોવાનો આરોપ છે. ત્યારબાદ, છરીના ઘા મારીને તેની હત્યા કરવામાં આવી હતી અને પુરાવા નષ્ટ કરવા માટે તેનો મૃતદેહ ખેતરમાં ફેંકી દેવામાં આવ્યો હતો. શરૂઆતમાં, પોલીસ પાસે ન તો કોઈ પ્રત્યક્ષદર્શી હતા કે ન તો આરોપીઓની ઓળખ. મૃતદેહની હાલત એવી હતી કે તેમાંથી કોઈ સીધા સંકેતો મળતા ન હતા. આ પરિસ્થિતિમાં, તપાસ ટીમોએ વિસ્તારમાં અને નજીકના માર્ગો પર લાગેલા 50થી વધુ સીસીટીવી કેમેરાના ફૂટેજની ઝીણવટભરી તપાસ શરૂ કરી. કલાકોની તપાસ બાદ, ઘટનાના સમયે ગુનાના સ્થળ નજીક જોવા મળેલો એક ટેમ્પો પોલીસની નજરમાં આવ્યો.અંધારામાં નંબર પ્લેટ દેખાતી ન હતી, છતાં તપાસ ચાલુ રહીજોકે પોલીસે સીસીટીવી ફૂટેજમાં ટેમ્પો જોયો હતો, પરંતુ અંધારાને કારણે તેનો રજીસ્ટ્રેશન નંબર સ્પષ્ટ દેખાતો ન હતો. તેમ છતાં, પોલીસ ટીમે તપાસ ચાલુ રાખી. વિવિધ સ્થળોના ફૂટેજને જોડીને, તેમણે ટેમ્પોના સમગ્ર રૂટનો નકશો તૈયાર કર્યો. પોલીસે વાહનની અવરજવરને ટ્રેક કરી અને શંકાસ્પદ ટેમ્પોને શોધવાનું શરૂ કર્યું. 15-16 સપ્ટેમ્બરની રાત્રે પોલીસે વિશેષ સર્ચ ઓપરેશન હાથ ધર્યું. આખી રાતની શોધખોળ બાદ તેમને શંકાસ્પદ ટેમ્પો મળી આવ્યો. ત્યારબાદ ડ્રાઇવરની ઓળખ કરવામાં આવી અને તેની પૂછપરછ કરવામાં આવી. પૂછપરછ અને ટેકનિકલ પુરાવાઓના આધારે તપાસની દિશા સ્પષ્ટ થઈ અને પોલીસ આરોપીઓ સુધી પહોંચી. ચાર આરોપીઓની ધરપકડ, જેમાં ત્રણ સગીરોનો સમાવેશજેમ જેમ તપાસ આગળ વધી, પોલીસે ચાર વ્યક્તિઓને અટકાયતમાં લીધા. એક પુખ્ત વયનો અને ત્રણ સગીર. પુખ્ત વયના આરોપીની ઓળખ ખડ્ડા કોલોનીના રહેવાસી શિવમ (ઉર્ફે સુદામા અથવા ચુચુ) તરીકે થઈ છે. અન્ય ત્રણ આરોપીઓ સગીર છે, જેમની ઉંમર 16 થી 17 વર્ષની વચ્ચે હોવાનું જાણવા મળ્યું છે. આરોપીઓ પાસેથી મળેલી માહિતીના આધારે પોલીસે ઘટનામાં વપરાયેલી બે છરીઓ કબજે કરી. આ ઉપરાંત, ગુના સમયે પહેરેલા કપડાં અને જે ટેમ્પોમાં પીડિતા આરોપીઓ સાથે ગઈ હતી તે પણ જપ્ત કરવામાં આવ્યા છે. ચારેય આરોપીઓ સામે ભારતીય ન્યાય સંહિતા (BNS) અને POCSO એક્ટની સંબંધિત કલમો હેઠળ કેસ નોંધવામાં આવ્યો છે. હાલમાં તમામ આરોપીઓ પોલીસ કસ્ટડીમાં છે અને આ મામલે વધુ તપાસ ચાલી રહી છે.આ પણ વાંચો: POK પર પાકિસ્તાન-ચીનની નવી ચાલને ભારતે નકારી, 1963ના કરારને પણ ગણાવ્યો ગેરકાયદેસર

Read Full Story arrow_forward

calendar_today September 18, 2026

Mehsana News: ખેરાલુમાં વહેલી સવારથી કડાકા ભડાકા સાથે બે ઈંચ વરસાદ ખાબક્યો

ઉત્તર ગુજરાતમાં સક્રિય થયેલા ભારે વરસાદી માહોલ વચ્ચે હવે મહેસાણા જિલ્લાના ખેરાલુ પંથકમાં પણ મેઘરાજાએ ધમાકેદાર બેટિંગ કરી છે.ભાદરવા મહિનાના પ્રારંભે જ વાતાવરણમાં પલટો આવ્યો હતો અને વીજળીના કડાકા-ભડાકા સાથે વહેલી પરોઢથી જ વરસાદી માહોલ સર્જાયો હતો.સવારે 6 વાગ્યાથી લઈને 10 વાગ્યા સુધીના માત્ર ચાર કલાકના સમયગાળામાં ખેરાલુ પંથકમાં આશરે 51 મિમી એટલે કે અંદાજે બે ઇંચ જેટલો ધોધમાર વરસાદ વરસી ગયો હતો.સવારની આ તોફાની બેટિંગ બાદ હાલ પંથકમાં વરસાદે વિરામ લીધો છે.શહેરથી લઈને ગ્રામ્ય વિસ્તારોમાં પાણી વહેતા થયાખેરાલુ શહેરમાં વહેલી સવારથી જ ધોધમાર વરસાદ તૂટી પડતાં નીચાણવાળા વિસ્તારો અને શહેરના મુખ્ય માર્ગો પર વરસાદી પાણી વહેતા થયા હતા. માત્ર ચાર કલાકમાં બે ઇંચ વરસાદ ખાબકતા જનજીવન પર તેની સામાન્ય અસર જોવા મળી હતી. આ ભારે વરસાદ માત્ર શહેર પૂરતો સીમિત ન રહેતા ખેરાલુ તાલુકાના અનેક ગ્રામ્ય વિસ્તારોમાં પણ સારો એવો વરસી રહ્યો છે.તાલુકાના ડભાડ, ચાણસોલ, હિરવાણી, મલેકપુર, સાકરી, વાલાપુરા, મંદ્વોપુર, ડાવોલ, ડાલીસણા, વિઠોડા, થાગણા, કુંડા, ગોરીસણા, ગઠામણ, નાનીવાડા, વઘવાડી, ચોટીયા અને મલારપુરા સહિતના ગ્રામ્ય વિસ્તારોમાં પણ વરસાદી માહોલ જોવા મળ્યો હતો. જેના પગલે સર્વત્ર પાણી વહેતા થયા હતા.સુકાઈ રહેલા પાકોને મળ્યું નવું જીવનદાનત્રણ દિવસના લાંબા વિરામ બાદ મેઘરાજાના આ અણધાર્યા આગમનથી ખેડૂતોમાં ભારે ખુશીની લહેર વ્યાપી ગઈ છે. ભાદરવા માસમાં પડેલો આ વરસાદ ધરતીપુત્રો માટે આશીર્વાદરૂપ સાબિત થઈ રહ્યો છે.છેલ્લા કેટલાક દિવસોથી વરસાદ ન થવાને કારણે ખેતરોમાં ઉભેલા પાકને પાણીની જરૂરિયાત ઊભી થઈ હતી અને પાક સુકાઈ રહ્યો હતો. આજના બે ઇંચ વરસાદને કારણે એરંડા,જુવાર,ગવાર અને મગફળી સહિતના મહત્વના ચોમાસું પાકોને નવું જીવનદાન મળ્યું છે.ખેડૂતોનું માનવું છે કે પાકના વિકાસના આ નિર્ણાયક તબક્કે આ વરસાદ અત્યંત ગુણકારી સાબિત થશે.વહેલી સવારે પડેલા આ વરસાદને કારણે ઉકળાટ અને બફારાથી ત્રસ્ત લોકોને મોટી રાહત મળી છે. આ પણ વાંચોઃ Ahmedabad News: ગાંધીગ્રામનું ટર્મિનલ બદલાયું હવે સાબરમતીથી પ્રયાગરાજ ટ્રેન દોડશે

Read Full Story arrow_forward