Bhavnagarના મહુવામાં લાંબા વિરામ બાદ મેઘમહેર: ગ્રામ્ય વિસ્તારોમાં અનરાધાર વરસાદથી ખેડૂતો ખુશખુશાલ
ભાવનગર જિલ્લાના મહુવા ટાઉન તેમજ આસપાસના ગ્રામ્ય વિસ્તારોમાં લાંબા સમયની આતુરતાપૂર્વકની રાહ જોયા બાદ આખરે વરસાદી માહોલ બરાબરનો જામ્યો છે. આકાશમાં કાળાડિબંગ વાદળોની ઘેરાબંધી વચ્ચે મહુવા તાલુકાના મોટાભાગના વિસ્તારોમાં મેઘરાજાએ મન મૂકીને વરસી જતાં સમગ્ર પંથકનું વાતાવરણ આહલાદક બની ગયું છે.જાદરા, ભાદરા અને દુધાળા સહિતના ગામોમાં જોરદાર વરસાદમહુવા તાલુકાના જાદરા, ભાદરા, દુધાળા, શારદીકા, બાંભણિયા, આસરાણા તેમજ કિકરીયા સહિતના ગ્રામીણ પંથકોમાં મેઘરાજાએ ધમાકેદાર હાજરી નોંધાવી છે. તાલુકાના કેટલાક વિસ્તારોમાં ધીમી ધારે વહાલ વરસી રહ્યું છે તો વળી કેટલાક ગામોમાં જોરદાર વરસાદી ઝાપટાં પડતાં રસ્તાઓ પર વરસાદી પાણી ફરી વળ્યા છે.ચોમાસુ વાવેતરને જીવતદાન, પાક નુકસાનીનું સંકટ ટળ્યુંલાંબા સમયથી વરસાદ ખેંચાતાં ખેડૂતોના ચોમાસુ વાવેતર પર મોટું સંકટ તોળાઈ રહ્યું હતું. જોકે, આ સમયે જ પડેલા આ સાર્વત્રિક વરસાદને કારણે ચોમાસુ પાકને મોટું નવું જીવતદાન મળ્યું છે. હવે ચોમાસુ વાવેતરમાં નુકસાની જવાની શક્યતા નહિવત બની જતાં મહુવા પંથકના જગતના તાત ગણાતા ખેડૂતોમાં ભારે આનંદ અને હરખની હેલી જોવા મળી રહી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
