Ankleshwar: વડાપ્રધાન મોદીના જન્મદિવસની ઉજવણી કરાઇ
વડાપ્રધાન નરેન્દ્ર મોદીના જન્મદિવસ નિમિત્તે અંકલેશ્વર શહેર ભાજપ દ્વારા પૌરાણિક રામકુંડ ખાતે આશીર્વાદનો દિવડો કાર્યક્રમનું આયોજન કરવામાં આવ્યું હતું. આ પ્રસંગે દીપ પ્રજ્વલિત કરી વડાપ્રધાન નરેન્દ્ર મોદીના દીર્ઘાયુ અને સારા સ્વાસ્થ્યની કામના કરવામાં આવી હતી.કાર્યક્રમમાં શહેર ભાજપ પ્રમુખ ધર્મેન્દ્ર પુષ્કરણા, નગરપાલિકા પ્રમુખ જીગ્નેશ અંડાદીયા, અંકલેશ્વર નોટિફાઇડ એરિયા ભાજપ પ્રમુખ જય તેરૈયા, ડોક્ટર જીતેન્દ્રસિંહ દેવધરા, રામકુંડના મહંત ગંગાદાસ બાપુ, ઉદ્યોગ મંડળના પ્રમુખ વિમલ જેઠવા, ઉદ્યોગ અગ્રણી હરીશ જોશી સહિતના આગેવાનો ઉપસ્થિત રહ્યા હતા. મોટી સંખ્યામાં ભાજપના કાર્યકરો પણ જોડાયા હતા.પૌરાણિક રામકુંડ ખાતે યોજાયેલા આ કાર્યક્રમ દરમિયાન કાર્યકરોમાં ઉત્સાહ જોવા મળ્યો હતો. દીપ પ્રજ્વલન સાથે વડાપ્રધાનના દીર્ઘાયુ માટે પ્રાર્થના કરવામાં આવી હતી.અંકલેશ્વરના શિવ એકતા ગ્રુપ દ્વારા પણ વડાપ્રધાન નરેન્દ્ર મોદીના જન્મદિવસની ઉજવણી કરવામાં આવી હતી.ભડકોદ્રા ગામ સ્થિત શિવ મંદીરે મહાઆરતીનું આયોજન કરવામાં આવ્યું હતું જેમાં દેવાધિદેવ મહાદેવની આરતી ઉતારવામાં આવી હતી.આ પ્રસંગે અગ્રણી બળદેવ પ્રજાપતિ, જિલ્લા ભાજપના મહામંત્રી પરેશ પટેલ સહિતના આગેવાનો અને મોટી સંખ્યામાં સ્થાનિકો ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
