Chhota Udepur: કડુલી મહુડીના તિરંદાજ દ્વારા આર્ચરી ઍસો. ઓફ ઇન્ડિયાના પ્રમુખનું સન્માન
અમદાવાદના સાબરમતી રિવરફ્રન્ટ ખાતે હ્યુન્ડાઈ વર્લ્ડ પેરા સિરીઝ-2026નો ભવ્ય ઉદ્ઘાટન સમારોહ ગત તા. 4 સપ્ટેમ્બરે યોજાયો હતો. વિશ્વકક્ષાની આ પેરા આર્ચરી સ્પર્ધામાં દેશ-વિદેશના પ્રતિભાશાળી તીરંદાજો ભાગ લીધો હતો. આ ગૌરવપૂર્ણ પ્રસંગે છોટાઉદેપુર જિલ્લાના નસવાડી તાલુકાના કડુલી મહુડી ગામના વતની સંદીપ જયસ્વાલે સમગ્ર ગુજરાત, છોટાઉદેપુર જિલ્લો તેમજ જયસ્વાલ સમાજનું ગૌરવ વધાર્યું છે.સમારોહમાં કેન્દ્રીય મંત્રી અમિત શાહ વર્ચ્યુઅલી ઉપસ્થિત રહ્યા હતા. જ્યારે મુખ્યમંત્રી ભૂપેન્દ્ર પટેલ, નાયબ મુખ્યમંત્રી હર્ષ સંઘવીની ઉપસ્થિત રહ્યાં હતા. ગુજરાતમાં પ્રથમ વખત યોજાયેલી આંતરરાષ્ટ્રીય કક્ષાની પેરા આર્ચરી સ્પર્ધામાં આર્ચરી એસોસિએશન ઓફ્ ઇન્ડિયા તથા સ્પોર્ટ્સ ઓથોરિટી ઓફ્ ગુજરાતનો મહત્વપૂર્ણ સહયોગ રહ્યો છે. દેશ-વિદેશના ખેલાડીઓ ઉપસ્થિત રહ્યાં હતા. જે પ્રસંગે સંદીપ જયસ્વાલને આર્ચરી એસોસિએશન ઓફ્ ઇન્ડિયાના પ્રમુખ તથા ઝારખંડના પૂર્વ મુખ્યમંત્રી અર્જુન મુંડાનું સ્વાગત અને અભિવાદન કરવાનું વિશેષ સન્માન પ્રાપ્ત થયું હતું. અર્જુન મુંડાએ તીરંદાજી ક્ષેત્રે સંદીપ જયસ્વાલ દ્વારા કરાયેલી કામગીરીને બિરદાવી હતી. નસવાડી તાલુકાના કડુલી મહુડી જેવા ગામમાંથી પોતાની આગવી ઓળખ ઊભી કરનાર સંદીપ જયસ્વાલ આ સિદ્ધિ સમગ્ર જિલ્લા માટે ગૌરવની બાબત બની છે. હ્યુન્ડાઈ વર્લ્ડ પેરા સિરીઝ-2026 જેવી વિશ્વસ્તરીય સ્પર્ધાનું ગુજરાતમાં આયોજન થવાથી પેરા આર્ચરીને નવી દિશા અને પ્રોત્સાહન મળશે. દિવ્યાંગ ખેલાડીઓને પોતાની પ્રતિભા આંતરરાષ્ટ્રીય મંચ પર રજૂ કરવાની તક મળશે તથા ગુજરાતમાં પેરા સ્પોર્ટ્સને વધુ વેગ મળશે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
