Community News & Updates

Stay informed with the latest happenings, achievements, and announcements from our community.

All News

calendar_today October 16, 2026

Ahmedabad News: સરખેજ-ધોળકા રોડ પર ક્લોરીન ગેસ લીક થતાં અફરાતફરી, બે લોકો હોસ્પિટલમાં દાખલ

અમદાવાદ શહેરના સરખેજ-ધોળકા રોડ પર આવેલી તલાવડી નજીક ગેસ લીકેજની એક ગંભીર ઘટના સામે આવી છે. અહીં સ્થિત એક ભંગારના ગોડાઉનમાં રાખેલા ક્લોરીન ગેસના બાટલામાંથી અચાનક ગેસ ગળતર શરૂ થયું હતું. જોતજોતામાં ઝેરી ગેસ આસપાસના રહેણાંક અને વ્યાપારી વિસ્તારમાં ફેલાઈ જતાં સ્થાનિક લોકોમાં ભારે નાસભાગ અને અફરાતફરીનો માહોલ સર્જાયો હતો. સ્થાનિક લોકોને શ્વાસ લેવામાં તકલીફ અને આંખોમાં બળતરાક્લોરીન ગેસ હવામાં પ્રસરી જતાં જ આસપાસના લોકોને આંખોમાં તીવ્ર બળતરા અને અસહ્ય ખાંસી ઉપડી હતી. શ્વાસ લેવામાં ભારે તકલીફ પડવાને કારણે લોકો ઘરો અને દુકાનોમાંથી બહાર દોડી આવ્યા હતા. આ ઘટનામાં 2 લોકોની તબિયત વધુ લથડતાં તેમને તાત્કાલિક 108 એમ્બ્યુલન્સ મારફતે નજીકની હોસ્પિટલમાં સારવાર અર્થે ખસેડવામાં આવ્યા છે.ફાયર બ્રિગેડની ટીમે હાથ ધર્યું રેસ્ક્યૂ ઓપરેશનઘટનાની જાણ થતાં જ અમદાવાદ ફાયર બ્રિગેડની 2 ટીમો તાત્કાલિક ઘટના સ્થળે દોડી આવી હતી. ફાયર ફાઇટરોએ માસ્ક અને જરૂરી સુરક્ષા સાધનો સાથે ગોડાઉનમાં પ્રવેશ કરી ગેસ લીકેજ પર કાબૂ મેળવવાનો પ્રયાસ હાથ ધર્યો હતો. ફાયર ટીમે ત્વરિત અને સતર્કતાપૂર્વક કામગીરી કરીને મોટી દુર્ઘટના ટાળી હતી.બાટલાને સાબરમતીના ખુલ્લા પટમાં લઈ જઈ નિકાલ કરાયોમળતી માહિતી મુજબ, ફાયર બ્રિગેડની ટીમે સ્થળ પર ગેસનું લીકેજ અટકાવ્યા બાદ જોખમી બાટલાને સુરક્ષિત રીતે સીલ કરી લીધો હતો. ત્યારબાદ આ બાટલાને સાબરમતી નદીના ખુલ્લા પટમાં લઈ જઈને કાળજીપૂર્વક ખાલી કરવામાં આવ્યો હતો, જેથી શહેરમાં વધુ ગેસ ફેલાવાનો ભય ટળી ગયો છે. હાલ સ્થિતિ સંપૂર્ણપણે નિયંત્રણમાં હોવાનું જાણવા મળ્યું છે.આ પણ વાંચો: Ahmedabad : L’Oréalના નામે નકલી કોસ્મેટિક્સનું કૌભાંડ ઝડપાયું, 6.90 લાખનો મુદ્દામાલ જપ્ત

Read Full Story arrow_forward

calendar_today October 16, 2026

Gujarat Governmentનો મોટો નિર્ણય, ભરતી અને પ્રમોશનના નિયમોમાં કરાયા મોટા ફેરફાર

ગુજરાત સરકારના સામાન્ય વહીવટ વિભાગ દ્વારા રાજ્યમાં વર્ગ 1, 2 અને 3 ની ભરતી પ્રક્રિયા તેમજ પ્રમોશનના નિયમોમાં મોટો ફેરફાર કરવામાં આવ્યો છે. ગુજરાત સરકારે ભરતીના નિયમો બનાવવા માટેના મોડેલ ફોર્મમાં સુધારા કરી નવી માર્ગદર્શિકા જાહેર કરી છે. આ નિર્ણયથી આગામી સમયમાં આવનારી તમામ નવી ભરતીઓ અને પ્રમોશનની પ્રક્રિયા વધુ સ્પષ્ટ અને પારદર્શક બનશે.સીધી ભરતી માટે અનુભવ અને રજિસ્ટ્રેશનની શરતો બદલાઈનવી જાહેર કરાયેલી માર્ગદર્શિકા મુજબ સીધી ભરતી માટે જરૂરી અનુભવ અને સંબંધિત પ્રોફેશનલ બોડી/કમિશનમાં રજિસ્ટ્રેશનની જોગવાઈઓમાં મહત્વના ફેરફાર કરવામાં આવ્યા છે. સીધી ભરતીમાં ઉમેદવારોના રજિસ્ટ્રેશન માટેની શરતો વધુ સ્પષ્ટ અને ચોક્કસ કરવામાં આવી છે, જેથી ભરતી વખતે કોઈ કાનૂની કે તકનીકી અડચણ ઉભી ન થાય.મોડેલ ફોર્મ 1થી 4માં સુધારા લાગુભરતી નિયમો તૈયાર કરવા માટે સરકારે ઉપયોગમાં લેવાતા મોડેલ ફોર્મ 1 થી 4 માં આ સુધારાઓ લાગુ કરી દીધા છે. રાજ્ય સરકારના તમામ સંબંધિત વિભાગોને આદેશ આપવામાં આવ્યો છે કે, તેઓએ હવેથી નવી ભરતી કે પ્રમોશન સંબંધિત નિયમો તૈયાર કરતી વખતે સામાન્ય વહીવટ વિભાગની આ નવી માર્ગદર્શિકા અને સુધારેલા ફોર્મેટને જ અનુસરવાનું રહેશે.પ્રમોશન માટે ગુડ અને વેરી ગુડ બેન્ચમાર્કસરકારી કર્મચારીઓના પ્રમોશનની પ્રક્રિયામાં પણ સુધારો કરવામાં આવ્યો છે. નવા નિયમો હેઠળ પ્રમોશન માટે 'ગુડ' અને 'વેરી ગુડ' જેવા સર્વિસ બેન્ચમાર્કની જોગવાઈઓનો સમાવેશ કરવામાં આવ્યો છે. આ નિયમ લાગુ થવાથી કર્મચારીઓની કામગીરી અને ગુણવત્તાના આધારે જ તેમને બઢતીનો લાભ મળશે.આ પણ વાંચો: Ahmedabad News: સરખેજ-ધોળકા રોડ પર ક્લોરીન ગેસ લીક થતાં અફરાતફરી, બે લોકો હોસ્પિટલમાં દાખલ

Read Full Story arrow_forward

calendar_today October 16, 2026

CJP Tiranga March : અભિજીત દીપકેને અજ્ઞાત સ્થળે લઈ જવાયા હોવાનો દાવો, વકીલો સાથે વાત ન કરવા દેવાનો આક્ષેપ

CJPના સ્થાપક અભિજીત દીપકેને દિલ્હી પોલીસ દ્વારા એક નોટિસ આપવામાં આવી, જેમાં જણાવવામાં આવ્યું છે કે કનોટ પ્લેસ (CP)માં વિરોધ પ્રદર્શનો કરવાની મંજૂરી નથી. દરમિયાન, કેટલાક વેપારીઓએ CJP વિરુદ્ધ વિરોધ પ્રદર્શન કર્યું.ભારતની અર્થવ્યવસ્થાને ખોરવવાનું ષડયંત્ર હોવાની આશંકા: સુધાંશુ ત્રિવેદીભાજપના સાંસદ સુધાંશુ ત્રિવેદીએ દિલ્હીના કનોટ પ્લેસમાં ચાલી રહેલા વિરોધ પ્રદર્શન પર સવાલ ઉઠાવ્યા છે. તેમણે પૂછ્યું કે તહેવારોના સમયે અને વ્યસ્ત વ્યાપારી વિસ્તારોમાં જ પ્રદર્શન શા માટે કરવામાં આવે છે. તેમણે આશંકા વ્યક્ત કરી કે શું આ ભારતની અર્થવ્યવસ્થાને ખોરવવાનું ષડયંત્ર છે. સાથે જ તેમણે દેશના યુવાનોને સાવચેતી રાખવા અને કોઈના હાથનું રમકડું ન બનવાની અપીલ કરી.અભિજીત દીપકેને અજ્ઞાત સ્થળે લઈ જવાયા હોવાનો દાવો, વકીલો સાથે વાત ન કરવા દેવાનો આક્ષેપસીજેપીએ સોશિયલ મીડિયા પર પોસ્ટ કરીને દાવો કર્યો છે કે દિલ્હી પોલીસે અભિજીત દીપકેને અજ્ઞાત સ્થળે લઈ ગઈ છે અને તેમનો સંપર્ક તૂટી ગયો છે. સંસ્થાએ એવો પણ આક્ષેપ કર્યો છે કે તેમને વકીલો સાથે વાત કરવાની મંજૂરી આપવામાં આવી રહી નથી. સીજેપીએ દિલ્હી પોલીસને અભિજીત ક્યાં છે તે અંગે જવાબ આપવા માગ કરી છે.  કનોટ પ્લેસમાં પ્રદર્શનથી વેપારીઓ પરેશાન, નિર્ધારિત સ્થળે વિરોધ કરવાની અપીલનવી દિલ્હી ટ્રેડર્સ એસોસિએશનના પ્રમુખ અતુલ ભાર્ગવે જણાવ્યું કે નવરાત્રિથી દિવાળી અને હોળી સુધીનો સમય વેપારીઓ માટે મહત્ત્વનો હોય છે. કનોટ પ્લેસમાં પ્રદર્શનને કારણે દુકાનદારોને મુશ્કેલી પડી રહી છે. તેમણે કહ્યું કે બંધારણ પ્રદર્શનની સાથે જીવવાના અધિકારની પણ ખાતરી આપે છે, તેથી સરકાર દ્વારા નક્કી કરાયેલા સ્થળે જ પ્રદર્શન થવું જોઈએ.દિલ્હીમાં 150 પ્રદર્શનકારીઓની અટકાયતદિલ્હીમાં વિરોધ પ્રદર્શન વચ્ચે પોલીસે અત્યાર સુધીમાં 150 પ્રદર્શનકારીઓની અટકાયત કરી છે. પોલીસ સૂત્રોના જણાવ્યા અનુસાર, કનોટ પ્લેસ વિસ્તારમાં પ્રદર્શનકારીઓને હટાવવાની કાર્યવાહી શરૂ કરવામાં આવી છે. પોલીસે પ્રદર્શનકારીઓને ઉઠાવીને બસોમાં બેસાડવાનું શરૂ કરતાં વિસ્તારમાં સ્થિતિ વધુ ચર્ચાસ્પદ બની છે.પોલીસકર્મીઓની ખાનગી માહિતી જાહેર ન કરવા દિલ્હી પોલીસની અપીલદિલ્હી પોલીસના જનસંપર્ક અધિકારી અને એડિશનલ સીપી રાજીવ રંજને પ્રદર્શનકારીઓ અને જનતાને અપીલ કરી છે કે ફરજ પર તૈનાત પોલીસકર્મીઓના ફોટા, વીડિયો કે તેમના ઘરનું સરનામું અને પૂરું નામ સોશિયલ મીડિયા પર શેર ન કરે. તેમણે કહ્યું કે આવી રીતે ખાનગી માહિતી જાહેર કરવી ગેરકાયદેસર છે અને દરેકની ગોપનીયતાનું સન્માન કરવું જોઈએ.નેહા બોરાની અટકાયતની તસવીર આવી સામેAISA પ્રમુખ નેહા બોરાને અટકાયતમાં લીધા પછી નેહાના 'X' પર એક સંદેશ પોસ્ટ કરવામાં આવ્યો હતો, જેમાં લખ્યું હતું, "નેહાને એકલી ક્યાં લઈ જવામાં આવી છે? આ અટકાયત નથી! આ અપહરણ છે." =ડીસીપીએ વિરોધીઓને કનોટ પ્લેસ ખાલી કરવા અપીલ કરીનવી દિલ્હી ડીસીપીએ વિરોધીઓને કનોટ પ્લેસ ખાલી કરવા અપીલ કરી. દિલ્હી પોલીસ વિરોધીઓને સીપીમાંથી દૂર કરી રહી છે.સીજેપી કાર્યકરો કનોટ પ્લેસ ખાતે ભેગા થઈ રહ્યા છેએઆઈએસએ પ્રમુખ નેહા બોરા અને સીજેપીના સ્થાપક અભિજીત દિપકેકની અટકાયત બાદ સીજેપી, આપ અને ડાબેરી પક્ષોના સેંકડો સમર્થકો ત્રિરંગો પકડીને કનોટ પ્લેસ નજીક સેન્ટ્રલ પાર્ક તરફ કૂચ કરી રહ્યા છે. દિલ્હી પોલીસ ઘણા લોકોને અટકાયતમાં લઈ રહી છે અને તેમને બસોમાં ભરી રહી છે. =નેહા બોરાની કરી અટકાયતદિલ્હી પોલીસે અભિજીત દિપકે બાદ હવે નેહા બોરાની પણ અટકાયત કરી છે. મંડી હાઉસ નજીક AISA નો વિરોધ પ્રદર્શન ચાલુ હતું. =મુસાફરોને મુશ્કેલી ન પડે તે અમારી પ્રાથમિકતા- એડિશનલ સીપી, ટ્રાફિક એડિશનલ સીપી (ટ્રાફિક) ડીકે ગુપ્તાએ કહ્યું કે અમે ટ્રાફિકનું નિયમન કરવા માટે આ ઝોનમાં અમારા કર્મચારીઓને તૈનાત કર્યા છે. જો કોઈ વિક્ષેપ આવે, તો અમે લોકોને ઓછામાં ઓછી અસુવિધાનો સામનો કરવો પડે અને ટ્રાફિક સરળતાથી વહેતો રહે તે માટે સમયસર ડાયવર્ઝન લાગુ કરીશું. અમે ચોક્કસપણે સોશિયલ મીડિયા પર પણ નજર રાખી રહ્યા છીએ. અમારો પ્રાથમિક ઉદ્દેશ્ય મુસાફરોને કોઈ મુશ્કેલી ન પડે તેની ખાતરી કરવાનો છે. અમે બધા મુસાફરોને અમારી ટ્રાફિક સલાહનું પાલન કરવા વિનંતી કરીએ છીએ.  =અભિજીત દિપકેની કરી અટકાયતતિરંગા માર્ચ પહેલા દિલ્હી પોલીસે અભિજીત દિપકેની અટકાય કરી છે. અભિજીત દિપકે કનોટ પ્લેટમાં જવાની કોશિશ કરી રહ્યા હતા.  =અનેક વિસ્તારમાં સીસીટીવી કેમેરા લગાવ્યાસેન્ટ્રલ પાર્ક ખાતે CJPના ‘લહેરા દો તિરંગા’ વિરોધ પ્રદર્શનને ધ્યાનમાં રાખીને, કનોટ પ્લેસની આસપાસના વિસ્તારમાં અનેક CCTV કેમેરા લગાવવામાં આવ્યા છે. કાયદો અને વ્યવસ્થા જાળવી રાખવા માટે આ વિસ્તારમાં અને તેની આસપાસ સુરક્ષા દળો તૈનાત કરવામાં આવ્યા છે. =કનોટ પ્લેસમાં 163 કલમ લાગુ દિલ્હીમાં CJP (સીજેપી) દ્વારા આયોજિત ‘લહેરા દો તિરંગા’ વિરોધ પ્રદર્શન પહેલાં સેન્ટ્રલ પાર્કની આસપાસ સુરક્ષા વ્યવસ્થા સઘન બનાવવામાં આવી છે. કનોટ પ્લેસમાં કલમ 163 લાગુ છે અને NDMC (એનડીએમસી) દ્વારા ‘તિરંગા યાત્રા’ માટે કોઈ પરવાનગી આપવામાં આવી નથી. =તિરંગા યાત્રા ન યોજવા વેપારીઓએ પીએમ મોદીને લખ્યો પત્ર શહેરમાં તાજેતરમાં થયેલા વિરોધ પ્રદર્શનોને કારણે થયેલા નુકસાન અંગે વિવિધ વેપાર અને વ્યવસાયિક સંગઠનોએ વડાપ્રધાન નરેન્દ્ર મોદીને પત્ર લખ્યો છે અને તેમના હિતોનું રક્ષણ કરવા માટે આ બાબતે હસ્તક્ષેપ કરવાની માંગ કરી છે. =

Read Full Story arrow_forward