Community News & Updates

Stay informed with the latest happenings, achievements, and announcements from our community.

All News

calendar_today September 6, 2026

Godhra: વિશ્વ હિન્દુ પરિષદ દ્વારા ભવ્ય કાવડયાત્રા યોજાઇ

ગોધરા : વિશ્વ હિન્દુ પરિષદ ગૌ-ધરા (ગોધરા) આયોજિત આ ભવ્ય કાવડયાત્રા શહેરના લાલબાગ ટેકરી મંદિરથી છબનપુર કામનાથ મહાદેવ મંદિર સુધી યોજાઈ હતી.મોટી સંખ્યામાં શિવભક્તો કાવડમાં જળ ભરી છબનપુર કામનાથ મહાદેવ મંદિરે મહાદેવજીને જળાભિષેક કર્યો હતો. મહત્વની વાત એ હતી કે આ કાવડયાત્રામાં મોટી સંખ્યામાં મહિલા શ્રદ્ધાળુઓ પણ જોડાયા હતા.ગોધરા શહેરમાં પવિત્ર શ્રાવણ માસના અંતિમ દિવસોમાં શિવરસ અને શિવભક્તિનો ભક્તિસભર માહોલ સર્જાયો છે.વિશ્વ હિન્દુ પરિષદ ગૌ ધરા દ્વારા રવિવારે કાવડયાત્રા નું આયોજન કરવામાં આવ્યું હતું. આ પવિત્ર અને ભવ્ય કાવડયાત્રા ગોધરા શહેરના લાલબાગ ટેકરી મંદિર થી છબનપુર કામનાથ મહાદેવ મંદિર સુધી યોજાઈ હતી.જેમાં મોટી સંખ્યામાં યુવાનો યુવતીઓ સહિત શિવભક્તો જોડાયા હતા અને કાવડમાં જળ ભરી છબનપુર કામનાથ મહાદેવ મંદિરે મહાદેવ ને જળાભિષેક કર્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 6, 2026

Dahod: શિક્ષક દિને શ્રોષ્ઠ કામ કરનાર શિક્ષકોનું સન્માન કરાયું

ભારતના મહાન શિક્ષણવિદ્ અને ભૂતપૂર્વ રાષ્ટ્રપતિ ડૉ. સર્વપલ્લી રાધાકૃષ્ણનની જન્મજયંતિ નિમિત્તે સમગ્ર દેશમાં ઉજવાતા શિક્ષક દિનની દાહોદ જિલ્લામાં પણ ઉત્સાહભેર ઉજવણી કરવામાં આવી હતી. સ્વામી વિવેકાનંદ પ્રેરણા સંકુલ ખાતે રાજ્યમંત્રી રમેશભાઈ કટારાના અધ્યક્ષસ્થાને યોજાયેલા આ કાર્યક્રમમાં શિક્ષકોના શિક્ષણક્ષેત્રે અમૂલ્ય યોગદાનને બિરદાવ્યું હતું.શિક્ષક દિનની ઉજવણી અંતર્ગત દાહોદ જિલ્લામાં શિક્ષણ ક્ષેત્રે શ્રોષ્ઠ અને નોંધપાત્ર કામગીરી કરનાર શિક્ષકોને રાજ્યમંત્રી રમેશભાઈ કટારા સહિત ઉપસ્થિત મહાનુભાવો દ્વારા સન્માન પત્ર એનાયત કરી સન્માનિત કરાયા હતા. શિક્ષકોની નિષ્ઠા, સેવાભાવ અને શિક્ષણક્ષેત્રે તેમના મહત્વપૂર્ણ યોગદાનને બિરદાવ્યું હતું. રાજ્યમંત્રી રમેશ કટારાએ જણાવ્યું હતું કે, શિક્ષક માત્ર જ્ઞાન આપનાર નથી, પરંતુ વિદ્યાર્થીઓના જીવનને સાચી દિશા આપનાર માર્ગદર્શક અને ઘડવૈયા છે. શિક્ષકના સંસ્કાર, માર્ગદર્શન અને પ્રેરણાથી વિદ્યાર્થીઓ જીવનમાં સફ્ળતા પ્રાપ્ત કરવાની સાથે સમાજ અને રાષ્ટ્રના વિકાસમાં પણ મહત્વપૂર્ણ યોગદાન આપી શકે છે.બદલાતા સમયની સાથે શિક્ષણ ક્ષેત્રે નવા પડકારો અને નવી તકો ઊભી થઈ રહી છે. ટેક્નોલોજીના વધતા વ્યાપ અને બદલાતી શૈક્ષણિક જરૂરિયાતોના સમયમાં શિક્ષકોની જવાબદારી વધુ મહત્વપૂર્ણ બની છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 6, 2026

Kalol: નગરપાલિકાના વૉર્ડ નં. 4માં સિમેન્ટ રોડનું કામ પૂર્ણ

કાલોલ નગરપાલિકાના વોર્ડ નં. 4માં વર્ષોથી બિસ્માર હાલતમાં રહેલા મહત્વપૂર્ણ જાહેર માર્ગનું કામ પૂર્ણ થતાં સ્થાનિક રહીશોમાં ખુશીનો માહોલ જોવા મળી રહ્યો છે. ભાગ્યોદય સોસાયટીથી વૃંદાવન સોસાયટીના ઢાળ સુધી અને હાઈવેને જોડતા માર્ગ પર ગુણવત્તાયુક્ત CC રોડનું કામ પૂર્ણ કરવામાં આવ્યું છે.આ માર્ગ લાંબા સમયથી ખાડાઓ અને બિસ્માર હાલતના કારણે સ્થાનિક રહીશો તેમજ રોજિંદી અવરજવર કરતા વાહનચાલકો માટે મુશ્કેલીરૂપ બન્યો હતો. ખાસ કરીને છેલ્લા પાંચ વર્ષ દરમિયાન માર્ગની સમસ્યા વધુ ગંભીર બની હોવાનું સ્થાનિકો જણાવી રહ્યા હતા. સ્થાનિક રહીશોની સમસ્યાને ધ્યાનમાં રાખીને વોર્ડ નં. 4ના કાઉન્સિલરો દ્વારા રોડના કામ માટે સતત રજૂઆતો કરવામાં આવી હતી. જેના પગલે રસ્તાની કામગીરી ચાલુ કરાઇ હતી અને વાહનવ્યવહારને અનુકૂળ માર્ગ તૈયાર થયો છે. વર્ષોથી ચાલતી સમસ્યાનો અંત આવી મજબૂત અને ગુણવત્તાયુક્ત રોડ મળતાં સ્થાનિકોમાં રાહતની લાગણી જોવા મળી રહી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward