Community News & Updates

Stay informed with the latest happenings, achievements, and announcements from our community.

All News

calendar_today August 30, 2026

Vadodara: સુંદરપુરા પાટિયા પાસે બેકાબૂ ડમ્પર વીજ થાંભલા સાથે અથડાઈ ખાડામાં પલટાયું, જાનહાનિ ટળી

વડોદરા નજીક આવેલા જામ્બુવા બાયપાસથી પોર તરફ જતા વ્યસ્ત માર્ગ પર ગત રાત્રે એક ભયાનક અકસ્માત સર્જાયો હતો. સુંદરપુરા પાટિયા પાસેથી પસાર થઈ રહેલા એક ડમ્પરના ચાલકે અચાનક પોતાના વાહન પરનો કાબૂ ગુમાવી દીધો હતો. બેકાબૂ બનેલું આ ડમ્પર માર્ગની સાઈડમાં આવેલા વીજ થાંભલા સાથે જોરદાર ધડાકાભેર અથડાયું હતું.સુંદરપુરા પાટિયા પાસે બેકાબૂ ડમ્પર વીજ થાંભલા સાથે અથડાયુંવીજ થાંભલા સાથે અથડાયા બાદ પણ ડમ્પરની સ્પીડ વધારે હોવાના કારણે તે રસ્તાની બાજુમાં આવેલા ઊંડા ખાડામાં પલટી ખાઈ ગયું હતું.આ અકસ્માત એટલો ભયંકર હતો કે ડમ્પરની સાથે જોડાયેલું ભારે પૂલર મશીન પણ ખાડામાં ખાબક્યું હતું. જોકે, આ ઘટના મોડી રાત્રે બની હોવાથી માર્ગ પર વાહનવ્યવહાર અત્યંત ઓછો હતો. જેના કારણે કોઈ અન્ય વાહન તેની ચપેટમાં આવ્યું ન હતું અને સદનસીબે કોઈ જાનહાનિ નોંધાઈ નથી, જેથી મોટો અકસ્માત ટળ્યો હતો.ડમ્પર ચાલકની બેદરકારી અંગે ગુનો ઘટનાની જાણ થતાં જ પોલીસ અને સ્થાનિકો સ્થળ પર દોડી આવ્યા હતા. ક્રેનની મદદ લઈને ખાડામાં પલટી ગયેલા ડમ્પર અને પૂલર મશીનને બહાર કાઢવામાં આવ્યા હતા. વીજ થાંભલો ક્ષતિગ્રસ્ત થતાં વીજ કંપનીને જાણ કરવામાં આવી હતી. આ મામલે પોલીસે અકસ્માતનો ગુનો નોંધી ડમ્પર ચાલકની બેદરકારી અંગે આગળની કાયદેસરની તપાસ હાથ ધરી છે.આ પણ વાંચો: Surat: SMCમાં નોકરી મેળવવા બોગસ નિમણૂક પત્ર લઈને પહોંચેલી મહિલા પકડાઈ, સાયબર સેલમાં નોંધાશે ફરિયાદ

Read Full Story arrow_forward

calendar_today August 30, 2026

Ahmedabad News: 12 લાખની સામે 25 લાખ ચૂકવ્યા છતાં પેટ ના ફરાયું, વધુ વ્યાજ માટે દબાણ કરતાં બે લોકો સામે ફરિયાદ

ગુજરાતમાં વ્યાજખોરી સામે પોલીસની કડક એક્શન હોવા છતાં રોજબરોજ પઠાણી ઉઘરાણી અને તગડું વ્યાજ વસૂલવા અંગેની ફરિયાદો સામે આવી રહી છે. બેફામ બનેલા વ્યાજખોરો સામે કાર્યવાહી કરવામાં આવતી હોવા છતાં તેમની પર કાયદાનો ડર હોય તેવી કોઈ અસર જોવા મળતી નથી.અમદાવાદના રાણીપ પોલીસ સ્ટેશનમાં વ્યાજખોરી અને પઠાણી ઉઘરાણી વિરુદ્ધ વધુ એક ગુનો નોંધાયો છે.ફરિયાદીએ પોતાની જરૂરિયાત માટે રૂપિયા 12 લાખ વ્યાજે લીધા હતા જેના બદલામાં તેમણે તબક્કાવાર કુલ રૂપિયા 25 લાખ જેવી જંગી રકમ ચૂકવી દીધી હોવા છતાં વ્યાજખોરોનું પેટ ભરાયું ન હતું. ફરિયાદીએ રાણીપ પોલીસ સ્ટેશનમાં ફરિયાદ નોંધાવીઆટલી મોટી રકમ વસૂલ કર્યા પછી પણ આરોપી વિક્રમ દેસાઈ અને જયેશ દેસાઈ દ્વારા ફરિયાદી પાસે 10 ટકા લેખે માસિક વ્યાજ અને મૂળ મૂડી પરત આપવા માટે સતત દબાણ કરવામાં આવી રહ્યું હતું.એટલું જ નહીં, આરોપીઓએ સુરક્ષાના નામે ફરિયાદી પાસેથી અગાઉથી જ મેળવી લીધેલા 4 કોરા ચેકનો ગેરઉપયોગ કરવાની અને જાનથી મારી નાખવાની ધમકીઓ પણ આપી હતી.આ પઠાણી ઉઘરાણી અને ત્રાસથી કંટાળીને આખરે ફરિયાદીએ રાણીપ પોલીસ સ્ટેશનમાં વિક્રમ દેસાઈ અને જયેશ દેસાઈ વિરુદ્ધ કાયદેસરની ફરિયાદ નોંધાવી છે.રાણીપ પોલીસે આ મામલે ગુનો નોંધીને બંને આરોપીઓ સામે તપાસનો ધમધમાટ શરૂ કર્યો છે.વ્યાજખોરો સામે લોક દરબારનું આયોજન કરાય છેછેલ્લા કેટલાક સમયથી રાજ્યમાં નાગરિકોને વ્યાજચક્રમાંથી મુક્ત કરાવવા અને ગેરકાયદેસર રીતે નાણાં ધીરનારા સામે ગુજરાત પોલીસ અને ગૃહ વિભાગ દ્વારા કડક ઝુંબેશ ચલાવવામાં આવી રહી છેય.ગૃહ રાજ્યમંત્રીની સૂચનાથી રાજ્યના તમામ શહેરો અને જિલ્લાઓમાં લોક દરબારનું આયોજન કરવામાં આવે છે. જેમાં સામાન્ય નાગરિકો પોલીસ સમક્ષ સીધા આવીને પોતાની આપવીતી જણાવી શકે છે અને વ્યાજખોરો સામે વિના સંકોચે ફરિયાદ કરી શકે છે. ભારતીય ન્યાય સંહિતાની વિવિધ કડક ધારાઓ હેઠળ વગર લાઈસન્સે વ્યાજનો ધંધો કરતા કે નિર્ધારિત દર કરતાં વધુ વ્યાજ વસૂલતા ઈસમો સામે FIR નોંધી તેમની અટકાયત કરવામાં આવી છે.આ પણ વાંચોઃ   Chhota Udepur News: કુસુમ સાગર તળાવમાંથી પ્રાથમિક શાળાના શિક્ષકનો મૃતદેહ મળ્યો

Read Full Story arrow_forward

calendar_today August 30, 2026

Surat News : તાપી નદીમાં મગર દેખાતાં વન વિભાગ એલર્ટ, રેસ્ક્યુ કિટ સાથે ટીમ તૈનાત

સુરતની તાપી નદીમાં કોઝવે નજીક મગર દેખાયો હોવાની ચર્ચાને પગલે વન વિભાગ તાત્કાલિક હરકતમાં આવ્યું છે. ગયા મહિને જ એક માછીમારની જાળમાં મગર ફસાતાં તાપી નદીમાં તેની હાજરી અંગેની પુષ્ટિ થઈ ચૂકી હતી, જેને પગલે તંત્ર દ્વારા સુરક્ષા બાબતે કોઈ પણ પ્રકારની બેદરકારી રાખવામાં આવી રહી નથી. મગરની સતત હિલચાલ પર કડક નજર રાખવા અને પરિસ્થિતિ પર તાત્કાલિક કાબૂ મેળવવા માટે સ્પેશિયલ ક્વિક રિસ્પોન્સ ટીમને સ્ટેન્ડબાય રાખી દેવામાં આવી છે.રેસ્ક્યુ માટે આધુનિક સાધનો અને કિટ સજ્જવન વિભાગે મગરને કોઈ પણ જાતના નુકસાન પહોંચાડ્યા વિના સુરક્ષિત રીતે પકડવા માટે ખાસ સ્પેશિયલ રેસ્ક્યુ કિટ વસાવી લીધી છે. આ આધુનિક કિટમાં કેચ પોલ, ટ્રેપ કેજ, મજબૂત નેટ અને PPE કિટ જેવા અત્યાધુનિક સાધનોનો સમાવેશ કરવામાં આવ્યો છે. ઘટનાસ્થળે તાત્કાલિક પહોંચીને સુરક્ષિત રેસ્ક્યુ કામગીરી હાથ ધરી શકાય તે માટે સમગ્ર ટીમ આ સાધનો સાથે સજ્જ થઈને તૈનાત થઈ ગઈ છે.નદી કાંઠે રહેતા સ્થાનિકો અને માછીમારોને કડક ચેતવણીમગરની હાજરીના ભયને ધ્યાનમાં રાખીને નદી કાંઠે રહેતા સ્થાનિક રહીશો અને માછીમારોને નદીના ઊંડા પાણીમાં ન જવાની તેમજ પૂરતી સાવચેતી રાખવાની તંત્ર દ્વારા અપીલ કરવામાં આવી છે. વન વિભાગે સ્પષ્ટ સૂચના આપી છે કે જો કોઈને પણ મગર દેખાય તો તેને જાતે પકડવાનો કે હેરાન કરવાનો પ્રયાસ કરવાને બદલે તાત્કાલિક લોકેશનની વિગત સાથે વન વિભાગનો સંપર્ક કરવો.આ પણ વાંચો : Monsoon 2026 : રાજ્યમાં સામાન્ય વરસાદની આગાહી, મોન્સૂન ટ્રફ સક્રિય છતાં ભારે વરસાદની શક્યતા નહિવત

Read Full Story arrow_forward