Community News & Updates

Stay informed with the latest happenings, achievements, and announcements from our community.

All News

calendar_today September 9, 2026

Surendranagar:ડબ્બા ટ્રેડિંગ ચલાવનાર પોલીસ કર્મી સામે વધુ 1 ફરિયાદ

સુરેન્દ્રનગર શહેરના રતનપર વિસ્તારની રામેશ્વર ટાઉનશીપમાં રહેતા પોલીસ કર્મીના રહેણાક મકાનમાં ડબ્બા ટ્રેડીંગની બાતમીને આધારે રેન્જની ટીમે તા. 5-8-26ના રોજ રેડ કરી હતી. જેમાં પોલીસ કર્મીના પિતા સહિત 6 આરોપીઓને રૂપીયા 3 લાખથી વધુની મત્તા સાથે ઝડપાયા હતા. આ બનાવમાં મળી આવેલ મોબાઈલની તપાસમાં રામપરાના વ્યકિતના નામે બોગસ સીમકાર્ડ લેવાયુ હોવાનું ખુલતા એ ડીવીઝન પોલીસ મથકે પોલીસ કર્મી સહિતનાઓ સામે વધુ એક ફરિયાદ નોંધાઈ છે.રાજકોટ રેન્જની ટીમે તા. 5-8ના રોજ રતનપરની રામેશ્વર ટાઉનશીપમાં રહેતા પોલીસ કર્મી સંજય નાથુભાઈ રાઠોડના રહેણાક મકાને રેડ કરી હતી. જેમાં શેરના વધ-ઘટ થતા ભાવો પર ડબ્બા ટ્રેડીંગનો જુગારનો પર્દાફાશ કરી પોલીસે દિવ્યરાજસિંહ વનરાજસિંહ ચુડાસમા, વિપુલ કરશનભાઈ સીંધવ, અરૂણ મહેન્દ્રભાઈ કોઠારી, દલસુખ કરશનભાઈ સીંધવ, વિજય ગોવિંદભાઈ દેત્રોજા અને પોલીસ કર્મી સંજયના પિતા નાથુભા કાનાભા રાઠોડને 10 લેપટોપ, 29 મોબાઈલ ફોન, રૂપીયા 13,900 રોકડા, ચાર્જર, વાઈફાઈ, પેનડ્રાઈવ અને સોદા લખેલ 13 નોટબુક સહિત રૂપીયા 3,07,000ના મુદ્દામાલ સાથે ઝડપી લીધા હતા. જયારે ઝડપાયેલા 6 આરોપીઓ ઉપરાંત પોલીસ કર્મી સંજય રાઠોડ અને 16 બ્રોકર સહિત 23 સામે જોરાવરનગર પોલીસ મથકે ફરિયાદ હતી.આ બનાવની તપાસ માટે જેતપુર સીટી પીઆઈ એ.ડી.પરમાર સહિત 10 સભ્યોની સીટની ટીમની રચના કરાઈ છે. આ દરોડામાં ઝડપાયેલ મોબાઈલની પોલીસે તપાસ હાથ ધરી હતી. જેમાં આરોપી દલસુખ સીંધવ પાસેથી મળી આવેલ મોબાઈલનું સીમકાર્ડ વઢવાણના રામપરાના પ્રતાપભાઈ ગોવિંદભાઈ સીંધવના નામનું હતુ. આથી પોલીસે તેને પત્ર લખી આ અંગે જે હકિકત જાણતા હોય તે જણાવવા બોલાવ્યા હતા. તા. 6-9ના રોજ પ્રતાપભાઈ તપાસ અધીકારી સમક્ષ જતા તેઓને મોબાઈલ નંબરનું સીએએફ ફોર્મ બતાવાયુ હતુ. જેમાં નામ પ્રતાપભાઈનું હતુ પરંતુ ફોટો અને સીગ્નેચર અન્ય વ્યકિતઓની હતી. પ્રતાપભાઈ આરોપીઓને ઓળખતા ન હોવાનું પણ જણાવ્યુ હતુ. આ સીમકાર્ડ સુરેન્દ્રનગરની તાલુકા સ્કુલ પાસે આવેલ પાર્થ કોમ્યુનીકેશનમાંથી પ્રતાપભાઈનું ચૂંટણી કાર્ડ રજુ કરીને લેવાયુ હતુ. આથી પોલીસે આરોપી દલસુખ સીંધવની તપાસ કરતા આ મોબાઈલ સીમકાર્ડ સાથે તેને સંજય રાઠોડે આપ્યો હોવાનું સામે આવ્યુ હતુ. આથી સીટના સભ્ય એએસઆઈ આર.એચ.કરમુરે સંજય રાઠોડ, દલસુખ સીંધવ, સીમકાર્ડ કાઢી આપનાર એજન્ટ અને તપાસમાં ખુલે તે તમામ સામે તા. 9ના રોજ એ ડીવીઝન પોલીસ મથકે ફરિયાદ નોંધાવી છે. આ અંગે વધુ તપાસ આર.એમ.સંગાડા ચલાવી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 9, 2026

Mandal: જીનાલયોમાં પર્યુષણ પર્વમાં ભગવાનને મનમોહક આંગી શ્ર્રુંગાર : શ્રાવકો દર્શને પધાર્યા

પર્યુષણ પર્વની ઉજવણી અમદાવાદ ગ્રામ્યના માંડલ પંથકમાં ભક્તિભાવપૂર્વક કરવામાં આવી છે. પ્રભુ ભક્તિના આ દિવસોમાં શ્રાવકો નિત્ય પ્રતિક્રમણ, પ્રક્ષાલન પુજાઓ અને વ્યાખ્યાન સહિતના કાર્યક્રમોમાં તેમજ વિશેષમાં સાંય આંગી દર્શન માટે જીનાલયોમાં મોટીસંખ્યામાં શ્રાવક-શ્રાવિકાઓ પધારી રહ્યાં છે. પર્યુષણ પર્વ એ આત્મશુદ્ધિ અને ક્ષમાપનાનો સંદેશ આપતું પર્વ છે. પર્યુષણ પર્વ દરમ્યાન પ્રભુની મુર્તિને અદ્દભુત રીતે સજાવવામાં આવે છે, જેને આંગી પણ કહેવાય છે. આંગી એ ભગવાનની મુર્તિ પર ધારણ કરાવવામાં આવતો એક પ્રકારનો દિવ્ય અને ભવ્ય શણગાર છે. વરખ, દોરી, ફુલોની આંગી, રેશમી પટ્ટીઓ, ડાયમંડ, કપુર, ચંદન સહિતની સામગ્રીઓથી ભગવાનની પવિત્ર આંગી રચવામાં આવે છે. અમદાવાદ જિલ્લાના માંડલ નગરમાં આવેલ ગાડલિયા પાર્શ્વનાથ દાદાના તેમજ શાંતિનાથ દાદાના જીનાલયમાં પર્યુષણ પર્વના બે દિવસમાં અદ્દભુત આંગી રચવામાં આવી હતી અને મોટી સંખ્યામાં શ્રાવકો દર્શનાર્થે પહોંચ્યા હતાં. સુંદર પ્રભુનો શણગાર જોવાથી શ્રાવકોના મનમાં પ્રભુ પ્રત્યેનો અવોભાવ જાગ્યો, શ્રાવકોની એકાગ્રતા પણ આ પળે જોવા મળી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 9, 2026

Surendranagar: વઢવાણમાં MA ગોલ્ડ મેડાલીસ્ટ યુવાનનો ગળેફાંસો ખાઈ આપઘાત

સુરેન્દ્રનગર શહેર ખાતેની સી.યુ.શાહ મેડિકલ કોલેજ એન્ડ હોસ્પીટલમાં આયુષ્યમાન કાર્ડ વિભાગમાં ફરજ બજાવતા યુવાને તા. 9ના રોજ સવારે તેના ઘરે ગળેફાંસો ખાઈને જીવન ટુંકાવી લીધુ છે. પરિવારજનોએ હોસ્પીટલના આયુષ્યમાન કાર્ડ વિભાગના વડા દ્વારા મૃતકને કામ બાબતે માનસીક ત્રાસ આપવામાં આવતો હોવાથી તેની સામે કાયદેસરની કાર્યવાહીની માંગ કરી છે.સુરેન્દ્રનગર જિલ્લામાં આત્મહત્યાના બનાવો ચિંતાજનક રીતે વધી રહ્યા છે. સામાન્ય બાબતમાં પણ ધીરજ ગુમાવી બેસેલા લોકો ઈશ્વરે આપેલા મહામુલા જીવનનો આપઘાત કરી અંત લાવી દે છે. ત્યારે શહેરમાં વધુ એક આત્મહત્યાનો બનાવ સામે આવ્યો છે. મળતી માહીતી મુજબ મુળ ધંધુકા તાલુકાના મોરસીયા ગામનો વતની રર વર્ષીય મેહુલ નાગજીભાઈ રેવર હાલ વઢવાણના ગણપતી ફાટસર વિસ્તારમાં પરિવાર સાથે રહે છે. મેહુલના પિતા નાગજીભાઈ મજુરી કામ કરે છે. મેહુલ અભ્યાસમાં તેજસ્વી વિદ્યાર્થી હતો. એમ.એ.માં તેણે યુનિવર્સીટી કક્ષાએથી ગોલ્ડ મેડલ મેળવ્યો છે. ત્યારે તા. 9ના રોજ સવારે મેહુલે તેના ઘરે પંખા સાથે સાડી બાંધીને આત્મહત્યા કરી લીધી હતી. બનાવની જાણ થતા પરિવારજનો તેને દવાખાને લઈ જવાતા તબીબોએ તેને મૃત જાહેર કર્યો હતો. બીજી તરફ વઢવાણ પોલીસ મથકના બીટ જમાદાર બી.કે.દેથળીયા સહિતનાઓએ હોસ્પીટલ દોડી જઈ વધુ કાર્યવાહી હાથ ધરી છે. જયારે આ અંગેની વાત વહેતી થતા સમાજના આગેવાનો અશોકભાઈ ચાવડા, અમૃતભાઈ મકવાણા, વીનોદભાઈ મકવાણા સહિતનાઓ દોડી ગયા હતા. મૃતકના પરિવારજનોએ હોસ્પીટલમાં આયુષ્યમાન કાર્ડના વિભાગના વડા દ્વારા મેહુલને કામ બાબતે માનસીક ત્રાસ આપવામાં આવતો હોવાનું જણાવ્યુ હતુ. અને તેની સામે કાયદેસરની કાર્યવાહી કરવા માંગ કરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward