Patan : પાલિકા દ્વારા ભૂગર્ભ યુટિલિટી લાઈનોનું ડિજિટલ મેપિંગ શરૂ
પાટણ નગરપાલિકા દ્વારા સરકારના GUDMઅર્બન એટલાસ પ્રોજેક્ટ હેઠળ શહેરના રસ્તાઓ નીચેથી પસાર થતી વિવિધ ભૂગર્ભ લાઈનોની ચોક્કસ માહિતી મેળવવાની પ્રક્રિયા હાથ ધરવામાં આવી છે. આ કામગીરી માટે એક ખાસ ટેકનોલોજી યુક્ત મશીન લાવવામાં આવ્યું છે. મશીનની મદદથી જમીન નીચે રહેલી 11 કેવીની વીજ લાઈનો, ગેસ લાઈનો, પીવાના પાણીની લાઈનો અને ટેલિફોન નેટવર્ક લાઈનોની ચોક્કસ ઓળખ કરવામાં આવી રહી છે.પાટણ શહેરમાં કે.કે. ગર્લ્સ સ્કૂલ પાસેના વિસ્તારથી આ સર્વેક્ષણ કામગીરીની શરૂઆત કરવામાં આવી છે. મશીન વડે કરવામાં આવેલા સર્વેના આધારે તમામ ભૂગર્ભ લાઈનોના ચોક્કસ માપ સાથેના ડિજિટલ નકશા તૈયાર કરવામાં આવશે. જેને નગરપાલિકાના ઓનલાઈન પોર્ટલ પર ઉપલબ્ધ કરાવવામાં આવશે તેમ સૂત્રો પાસેથી જાણવા મળ્યું હતું. ભવિષ્યમાં શહેરમાં કોઈ પણ વિકાસ કે ખોદકામના કામો હાથ ધરતી વખતે આ એક્યુરેટ મેપિંગ ખૂબ ઉપયોગી સાબિત થશે. તેનાથી ખોદકામ દરમિયાન કે અન્ય કારણોસર લાઈનો ડેમેજ થવાની અથવા તૂટવાની આર્થિક નુકસાનની સંભાવનાઓ સંપૂર્ણપણે નાબુદ થશે તેમ જાણવા મળ્યું હતું.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
