Community News & Updates

Stay informed with the latest happenings, achievements, and announcements from our community.

All News

calendar_today September 9, 2026

Ahmedabad : વિરાટનગરમાં આવેલ સુઝલ એસ્ટેટમાં 2,430 ચોરસ ફૂટનું ગેરકાયદેસર બાંધકામ તોડી પડાયું

અમદાવાદ મ્યુનિસિપલ કોર્પોરેશનના પૂર્વ ઝોન એસ્ટેટ અને નગર વિકાસ ખાતા દ્વારા બિન-પરવાનગી અને ગેરકાયદેસર બાંધકામો સામે કડક ઝુંબેશ શરૂ કરવામાં આવી હતી. આ કાર્યવાહી અંતર્ગત વિરાટનગર વોર્ડમાં આવેલ સુઝલ એસ્ટેટમાં મોટું ડીમોલિશન હાથ ધરવામાં આવ્યું હતું.મહત્વનું છે કે ડિમોલેશનમાં સુઝલ એસ્ટેટના શેડ નં. 7, 8 અને 9 પર કાર્યવાહી કરાઈ હતી. સુઝલ એસ્ટેટના પ્રથમ માળે ગેરકાયદેસર રીતે ઈન્ડસ્ટ્રીયલ પ્રકારનું બાંધકામ કરવામાં આવ્યું હતું. શેડ નં. 8 અને 9ના પ્રથમ માળે વગર મંજૂરીએ ઊભા કરાયેલા 2 યુનિટનું આશરે 1530 ચોરસ ફૂટ બાંધકામ તોડી પાડવામાં આવ્યું હતું. આ સાથે તંત્ર દ્વારા રૂ. 50,000નો વહીવટી ચાર્જ વસૂલ કરવામાં આવ્યો હતો. જ્યારે શેડ નં. 7માં પ્રથમ માળે ગેરકાયદેસર 1 યુનિટનું આશરે 900 ચોરસ ફૂટ બાંધકામ દુર કરી રૂ. 25,000નો વહીવટી ચાર્જ વસૂલ કરાયો હતો. આમ, સમગ્ર કાયદાકીય કાર્યવાહી દરમિયાન કુલ 3 યુનિટનું 2430 ચોરસ ફૂટ ગેરકાયદેસર બાંધકામ જમીનદોસ્ત કરવામાં આવ્યું હતું અને રૂ. 75,000નો દંડ વસૂલ કરવામાં આવ્યો હતો.મહત્વનું છે કે આ ડિમોલેશન માટે બાપુનગર પોલીસ સ્ટેશનના કાફ્લા તથા દબાણ વાન, ખાનગી મજૂરો, ગેસ કટર અને બ્રેકર મશીનોની મદદથી આ ડીમોલિશન કામગીરી શાંતિપૂર્ણ રીતે પૂર્ણ કરવામાં આવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 9, 2026

Ahmedabad :નિકોલ-નરોડા રોડ પર આવેલ ધરતી વિદ્યાલય સામે લાંબા સમયથી રસ્તો બિસ્માર : સ્થાનિકોમાં ભારે રોષ

નિકોલ-નરોડા રોડ પર આવેલ ધરતી વિદ્યાલય અને ગોપાલ ચોક સામેનો મુખ્ય રસ્તો અત્યંત બિસ્માર હાલતમાં ફેરવાઈ ગયો છે. રસ્તાની બાજુમાં મોટા પ્રમાણમાં કાંકરી, પથ્થરો અને ધૂળનું સામ્રાજ્ય જોવા મળી રહ્યું છે, જેના કારણે સ્થાનિક રહીશો, વેપારીઓ તેમજ વાહનચાલકો ભારે મુશ્કેલીનો સામનો કરી રહ્યા છે.અકસ્માતનો સતત ભય ધરતી વિદ્યાલય નજીક હોવાથી દરરોજ મોટી સંખ્યામાં શાળાના બાળકો, વાલીઓ અને નાના-મોટા વાહનો અહીંથી પસાર થાય છે. રસ્તાની સાઈડમાં પાકો રોડ ન હોવાથી અને ખુલ્લા પથ્થર-કાંકરી પાથરેલા હોવાથી દ્વિચક્રી વાહનો સ્લિપ થઈ જવાનો અને અકસ્માત થવાનો સતત ભય રહે છે. ખાસ કરીને ચોમાસાની ઋતુ બાદ કે ધૂળ ઉડવાના કારણે રાહદારીઓની સુરક્ષા સામે પણ પ્રશ્નાર્થ ઊભો થયો છે.મહત્વનું છે કે શાળાના બાળકોની સુરક્ષાઃ ધરતી વિદ્યાલય સામે જ રસ્તો ખરાબ હોવાથી શાળાએ આવતા-જતા વિદ્યાર્થીઓ માટે અકસ્માતનું જોખમ. તેમજ રોડની કિનારે રોડાં અને કાંકરીના કારણે બાઇક અને એક્ટિવા ચાલકો અવારનવાર લપસી પડે છે. દૂકાનો આગળ સતત ધૂળ ઉડવાથી સ્થાનિક વેપારીઓ અને રહીશોના સ્વાસ્થ્ય પર માઠી અસર.સ્થાનિકોની માંગ છે કે તંત્ર દ્વારા તાત્કાલિક ધોરણે આ રસ્તાનું સમારકામ કરવામાં આવે અને રોડની સાઈડમાં પેવિંગ બ્લોક અથવા પાકો રસ્તો બનાવવામાં આવે જેથી કોઈ મોટો અકસ્માત સર્જાય તે પહેલાં સ્થિતિ સુધારી શકાય.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 9, 2026

Gandhinagar: ગાંધીનગર જિલ્લા પંચાયત હસ્તક આવતા 951 આંગણવાડી કેન્દ્રો પૈકી 203ના બિલ્ડિંગ જર્જરિત

ગાંધીનગર જિલ્લા પંચાયત હસ્તક આવતી 951 આંગણવાડી કેન્દ્રોમાંથી 203 કેન્દ્રો જર્જરીત હાલતમાં છે. જેમાં બીજી તરફ પોતાના મકાનો ન હોવાથી તથા જર્જરીત કેન્દ્રો હોવાને પગલે કુલ 167 કેન્દ્રો ભાડાના મકાનમાં ચાલે છે. જેને પગલે દર મહિને પાંચ લાખથી વધુનો ખર્ચ ભાડા પેટે થઈ રહ્યો હોવાની વિગતો છે. આ ઉપરાંત 88 જેટલી આંગણવાડીઓ અન્ય જગ્યાએ ચાલે છે, એટલે કે જે-તે વિસ્તારમાં અન્ય કોઈ બિલ્ડિંગ કે કોઈએ આપેલી જગ્યા ઉપર આંગણવાડી ચાલી રહી છે. જર્જરીત આંગણવાડીઓ સામે તબક્કાવાર નવીન કેન્દ્રો બનાવવામાં આવી રહ્યાં છે. જોકે 55 જેટલા કેન્દ્રો માટે જમીન જ ઉપલબ્ધ ન હોવાનું કહેવાય છે.ગાંધીનગર જિલ્લા પંચાયત હસ્તક CDSઅંતર્ગત જિલ્લામાં 951 આંગણવાડી કેન્દ્રો ચાલે છે, જેમાં ગાંધીનગર તાલુકામાં 213, દહેગામ તાલુકામાં 260, કલોલ તાલુકામાં 262, જ્યારે માણસા તાલુકામાં 216 આંગણવાડી કેન્દ્રો ચાલે છે. આ આંગણવાડીઓ પૈકી 696 કેન્દ્રો પોતાના મકાનમાં 167 કેન્દ્રો ભાડાના મકાનમાં, 88 અન્ય સ્થળે કાર્યરત છે. 951 આંગણવાડી કેન્દ્ર પૈકી 203 કેન્દ્રના મકાનો જર્જરીત હાલતમાં છે. જેમાં ગાંધીનગર તાલુકામાં 35, દહેગામ તાલુકામાં 54, કલોલ તાલુકામાં બાવન જ્યારે માણસા તાલુકામાં 62 જેટલા આંગણવાડી કેન્દ્રો જર્જરીત હાલતમાં છે. જેને પગલે આવા કેન્દ્રના બાળકોને ભાડાના મકાન કે અન્ય સ્થળોએ બેસાડવાની ફરજ પડે છે. ગ્રામ્ય વિસ્તારોમાં ભાડા પેટે 107 આંગણવાડીઓને માસિક બે હજાર જ્યારે અર્બન એરિયામાં 60 કેન્દ્રોને માસિક 6 હજારનું ભાડું નક્કી કરાયું છે. જેને પગલે 167 જેટલી આંગણવાડીઓના ભાડા માટે સરકાર દ્વારા દર મહિને પાંચ લાખથી વધુનું ભાડુ ચુકવાય છે. જર્જરીત આંગણવાડી કેન્દ્રો સામે સરકાર દ્વારા તબક્કાવાર નવીન મકાનો તૈયાર કરવાનું આયોજન ચાલી રહ્યું છે. જેમાં બિનપરંપારગ રીતે 85 આંગણવાડી, પરંપરાગત રીતે 94 આંગણવાડી કેન્દ્રો, મનરેગા અંતર્ગત 6, જિલ્લા સ્વભંડોળમાં 4 જ્યારે જીએસપીસી ફેઝ-2માં 13 આંગણવાડી કેન્દ્રોનું આયોજન કરવામાં આવ્યું છે. જોકે 55 જેટલી આંગણવાડીના કિસ્સામાં જમીન ઉપલબ્ધ ન હોવાનું કહેવાય છે, જેમાં સૌથી વધુ કલોલ તાલુકામાં સૌથી વધુ 38 કેન્દ્રો, દહેગામ તાલુકામાં 10 કેન્દ્રો, માણસા તાલુકામાં 6 કેન્દ્રો જ્યારે ગાંધીનગર તાલુકામાં એક કેન્દ્ર પાસે માટે જમીન ન હોવાની સ્થિતિ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward