android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
બોટાદમા વિશ્વ રક્તદાતા દિવસ અંતર્ગત કેમ્પમા 33 બોટલ રક્ત એકત્રિત કરાયુ
calendar_today June 13, 2026

બોટાદમા વિશ્વ રક્તદાતા દિવસ અંતર્ગત કેમ્પમા 33 બોટલ રક્ત એકત્રિત કરાયુ

બોટાદમાં વિશ્વ રક્તદાતા દિવસ નિમિત્તે જાયન્ટ્સ ગ્રુપ ઓફ્ બોટાદ અને જિલ્લા આરોગ્ય તંત્રના સંયુક્ત ઉપક્રમે શ્રીમતી સોનાલીબેન શાહ બ્લડ બેન્કના સહયોગથી બોટાદ નગરપાલિકા ટાઉન હોલ ખાતે બ્લડ ડોનેશન કેમ્પ યોજાયો હતો. કેમ્પમાં ૩૩ બોટલ રક્ત એકત્ર કરવામાં આવ્યું હતું. કાર્યક્રમમાં ડૉ. ભારતીબેન ધોળકિયા, ડૉ. જયદીપ કણજરીયા, ડૉ. પરેશભાઈ દરજી, કેતનભાઈ રોજેસરા સહિત આરોગ્ય વિભાગ અને જાયન્ટ્સ સંસ્થાના આગેવાનો ઉપસ્થિત રહ્યા હતા. જાયન્ટ્સ સંstwa દ્વારા તમામ રક્તદાતાઓને સ્મૃતિભેટ અર્પણ કરવામાં આવી હતી. રાજ્યમંત્રી રિવાબા જાડેજા નાયબ જિલ્લા વિકાસ અધિકારી અને ડૉ. અનિલભાઈ કાકડિયાએ કેમ્પની મુલાકાત લઈ આયોજકોની સેવાકીય કામગીરીને બિરદાવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
પિૃમ રેલવેના જનરલ મેનેજરે રાજકોટ- ઓખા રેલવે સેક્શનનું સેફ્ટી નિરીક્ષણ કર્યું
calendar_today June 13, 2026

પિૃમ રેલવેના જનરલ મેનેજરે રાજકોટ- ઓખા રેલવે સેક્શનનું સેફ્ટી નિરીક્ષણ કર્યું

રાજકોટ । પશ્ચિમ રેલવેના મહાપ્રબંધક (જનરલ મેનેજર) રામાશ્રાય પાંડેએ રાજકોટ-ઓખા રેલવે સેક્શનનું વિન્ડો ટ્રેલિંગ સેફ્ટી નિરીક્ષણ કર્યું હતું. આ દરમિયાન તેમણે કાનાલુસ રેલવે સ્ટેશનની પણ મુલાકાત લીધી હતી અને ત્યાં ઉપલબ્ધ મુસાફરોની સુવિધાઓ તેમજ રેલવે ઇન્ફ્રાસ્ટ્રક્ચરની સમીક્ષા કરી હતી.વિન્ડો ટ્રેલિંગ સેફ્ટી નિરીક્ષણ દરમિયાન મહાપ્રબંધકે રાજકોટ-ઓખા રેલવે સેક્શનમાં રેલ ટ્રેકની સ્થિતિ, ઓપરેશનલ કાર્યક્ષમતા અને વિવિધ સેફ્ટી માપદંડોનું વિગતવાર મૂલ્યાંકન કર્યું હતું. તેમણે રેલ સંચાલનની સેફ્ટી અને ગુણવત્તા સંબંધિત વિવિધ પાસાઓની સમીક્ષા કરી હતી. નોંધનીય છે કે નિયમિત સેફ્ટી નિરીક્ષણ સુરક્ષિત, વિશ્વસનીય અને અવિરત રેલ સંચાલન સુનિશ્ચિત કરવામાં મહત્વની ભૂમિકા ભજવે છે. આવા નિરીક્ષણો દ્વારા રેલવે ઇન્ફ્રાસ્ટ્રક્ચરની ગુણવત્તા જાળવી રાખવાની સાથે-સાથે મુસાફરોની સેફ્ટી પ્રત્યે પશ્ચિમ રેલવેની પ્રતિબદ્ધતા વધુ મજબૂત બને છે.કાનાલુસ રેલવે સ્ટેશનના નિરીક્ષણ દરમિયાન મહાપ્રબંધકે સ્ટેશનના ફૂટ ઓવર બ્રિજ, પ્લેટફેર્મ, મોડયુલર શૌચાલય, રનિંગ રૂમ સહિતની અન્ય મહત્વપૂર્ણ ઇન્ફ્રાસ્ટ્રક્ચર સુવિધાઓનું નિરીક્ષણ કર્યું હતું. તેમણે સ્ટેશન પરિસરની સ્વચ્છતા, મુસાફરોની સુવિધાઓની ઉપલબ્ધતા, ઇન્ફ્રાસ્ટ્રક્ચરની જાળવણી અને કર્મચારીઓના કલ્યાણ સંબંધિત વિવિધ પાસાઓની પણ સમીક્ષા કરી હતી. આ પ્રસંગે રાજકોટ ડિવિઝનના ડિવિઝનલ રેલવે મેનેજર (DRM) ગિરિરાજ કુમાર મીના, સિનિયર ડિવિઝનલ કોમર્શિયલ મેનેજર (Sr.DCM) સુનીલ કુમાર મીના સહિત ડિવિઝનના અન્ય વરિષ્ઠ અધિકારીઓ ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
માળિયા મિયાણા હત્યા કેસમાં ફરાર ભાજપ પ્રમુખના ભાઈ સહિત બે આરોપી ઝડપાયા
calendar_today June 13, 2026

માળિયા મિયાણા હત્યા કેસમાં ફરાર ભાજપ પ્રમુખના ભાઈ સહિત બે આરોપી ઝડપાયા

માળિયા મિયાણા શહેરના જુના બસસ્ટેન્ડ નજીક ગત તા.૧જુનના રોજ ધરે ફળીયામાં બેઠેલા ટ્રાન્સપોર્ટના ધંધાર્થીની ફાયરિંગ કરી હત્યા કરવાના બનાવમાં નાસતા ફરતા માળીયા ભાજપ પ્રમુખના ભાઈ સહિતના બે આરોપીઓને માળીયા મિયાણા પોલીસે હત્યામાં ઉપયોગમાં લીધેલ હથિયાર અને મોબાઈલ સાથે ઝડપી લીધા હતા.માળિયા મિયાણા જુના બસસ્ટેન્ડ નજીક રહેતા ટ્રાન્સપોર્ટના ધંધાર્થી હૈદરભાઈ સુમારભાઈ મોવર પોતાના ઘરના ફળીયામાં બેઠા હતા ત્યારે ધંધાકીય હરીફાઈમાં સ્વીફ્ટ કારમાં ઘસી આવેલા આરોપી સફરિ મુસાભાઈ મોવર અને અજાણ્યા ચાર આરોપીઓએ ફાયરિંગ કરી હત્યા કરી નાખી હતી. આ બનાવમાં મૃતકના પત્ની સાઈનાબેને મુખ્યકાવતરા ખોર તરીકે શહેર ભાજપ પ્રમુખ ઈલિયાસ મુસાભાઈ મોવર સહિતના આરોપીઓ વિરુદ્ધ માળીયા મિયાણા સ્ટેશનમાં ફરિયાદ નોંધાવી હતી.દરમિયાન હત્યામાં આ બનાવમાં નાસતા ફરતા શહેર ભાજપ પ્રમુખના ભાઈ એવા આરોપી સફીરભાઈ મુસાભાઈ મોવર ઉ. ૩૨, રહે. હાલ મોરબી વાવડી રોડ, શ્રીજી પાર્ક, મૂળ રહે.માળિયા મિયાણા ત્રણ રસ્તા તેમજ આરોપી મયુદ્દીનભાઈ મહેબુબભાઈ કટિયા ઉ.૨૫, રહે. હાલ માળિયા મિયાણા વિશાલા હોટલ પાછળ, હનીફબેન મુસાભાઈ મોવરની વાડીએ, મૂળ સુરેન્દ્રનગર જોરાવનગર પોલીસ સ્ટેશન સામે વાળાની માળીયા મિયાણા પોલીસે ધરપકડ કરી હત્યામાં ઉપયોગમાં લીધેલ હથિયાર તેમજ મોબાઈલ ફેન કબ્જે કરી કાયદેસરની કાર્યવાહી હાથ ધરી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward