android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gir Somnath News: વેરાવળ-સોમનાથ બાયપાસ પર અકસ્માત, યુવકનું મોત
calendar_today June 12, 2026

Gir Somnath News: વેરાવળ-સોમનાથ બાયપાસ પર અકસ્માત, યુવકનું મોત

પવિત્ર તીર્થધામ સોમનાથ મહાદેવના દર્શને જઈ રહેલા ત્રણ આશાસ્પદ યુવકોને વેરાવળ બાયપાસ પર કાળ આંબી ગયો છે. વેરાવળ-સોમનાથ બાયપાસ રોડ પર આવેલા તાલાલા ચોકડી બ્રિજ પર સાંજના આશરે પાંચ વાગ્યે એક એક્ટિવા અને મિની ટ્રેક્ટર વચ્ચે ગમખ્વાર અકસ્માત સર્જાયો હતો. આ જોરદાર ટક્કરમાં એક 18 વર્ષના યુવકનું ઘટના સ્થળે જ કરૂણ મોત નીપજ્યું હતું, જ્યારે તેની સાથે સવાર અન્ય બે યુવકો ગંભીર રીતે ઘાયલ થયા છે.તાલાલા ચોકડી બ્રિજ પર અકસ્માતઘટનાની મળતી વિગતો અનુસાર, વેરાવળના રહેવાસી 18 વર્ષીય અક્ષર અરવિંદભાઈ ગાઢિયા તેના મોરબીથી આવેલા બે માસિયાઈ ભાઈઓ સાથે એક્ટિવા પર સવાર થઈને સોમનાથ મહાદેવના દર્શન કરવા જઈ રહ્યા હતા. આ દરમિયાન તાલાલા ચોકડી બ્રિજ પર મિની ટ્રેક્ટર સાથે તેમની એક્ટિવાની જોરદાર ટક્કર થઈ હતી. અકસ્માત એટલો ભયાનક હતો કે, અક્ષર ગાઢિયાનું સ્થળ પર જ મોત થયું હતું.એક યુવકની હાલત ગંભીરજ્યારે એક્ટિવા પર પાછળ બેઠેલા મોરબીના દેવ અશોકભાઈ વિથલપરા (ઉં.વ. 18) અને આર્યન વસંતભાઈ બરાસરા (ઉં.વ. 18) ને ગંભીર ઈજાઓ પહોંચી હતી. બંને ઘાયલ યુવકોને તાત્કાલિક હોસ્પિટલ ખસેડાયા હતા, જ્યાંથી એક યુવકની હાલત વધુ નાજુક જણાતા તેને વધુ સારવાર અર્થે જૂનાગઢ રિફર કરવામાં આવ્યો છે. 18 વર્ષના ત્રણ-ત્રણ આશાસ્પદ યુવકોને નડેલા આ ભયાનક અકસ્માતને પગલે સ્થાનિક પંથકમાં અને મૃતક તેમજ ઇજાગ્રસ્તોના પરિવારમાં ભારે ગમગીની અને અરેરાટી વ્યાપી ગઈ છે.આ પણ વાંચો - Gir Somnath: ગુજરાત પોલીસનો દેશવ્યાપી ઐતિહાસિક સપાટો, ગીર સોમનાથમાં 310 કરોડના મેગા સાયબર ફ્રોડનો પર્દાફાશ

Read Full Story arrow_forward
Ahmedabad એરપોર્ટ પર કસ્ટમ્સનું મોટું ઓપરેશન: દુબઈની ફ્લાઈટના ટોયલેટમાંથી રૂ.4.26 કરોડનું સોનું ઝડપાયું
calendar_today June 12, 2026

Ahmedabad એરપોર્ટ પર કસ્ટમ્સનું મોટું ઓપરેશન: દુબઈની ફ્લાઈટના ટોયલેટમાંથી રૂ.4.26 કરોડનું સોનું ઝડપાયું

અમદાવાદના સરદાર વલ્લભભાઈ પટેલ આંતરરાષ્ટ્રીય એરપોર્ટ પર કસ્ટમ્સ વિભાગે દાણચોરી સામે એક બહુ મોટી કાર્યવાહી કરી છે. દુબઈથી અમદાવાદ આવેલી ઈન્ડિગોની ફ્લાઈટમાંથી કસ્ટમ્સના અધિકારીઓએ રૂ.4.26 કરોડની કિંમતનું બિનવારસી સોનું ઝડપી પાડ્યું છે. વિમાનની અંદર કસ્ટમ્સ વિભાગ દ્વારા હાથ ધરવામાં આવેલા સઘન ચેકિંગ દરમિયાન વિમાનના ટોયલેટમાં આવેલા સ્પીકર બોક્સમાંથી વિદેશી મૂળનું 24 કેરેટ સોનું મળી આવ્યું હતું. આ મોટી સફળતાને પગલે એરપોર્ટ પર સોનાની હેરાફેરી કરતા તત્વોમાં ફફડાટ વ્યાપી ગયો છે.કાળી ટેપમાં લપેટેલા 24 સોનાના બિસ્કિટ જપ્તતપાસ દરમિયાન કસ્ટમ્સ વિભાગને ફ્લાઈટના શૌચાલયમાં ફિટ કરેલા સ્પીકર બોક્સમાંથી કુલ 24 નંગ સોનાના બિસ્કિટ મળી આવ્યા હતા. દાણચોરોએ કસ્ટમ્સની નજરમાંથી બચવા માટે આ તમામ બિસ્કિટને કાળી ટેપમાં ખૂબ જ સાવચેતીપૂર્વક લપેટીને છુપાવ્યા હતા. જપ્ત કરાયેલા આ વિદેશી સોનાનું કુલ વજન 2.799 કિલોગ્રામ (આશરે 2.8 કિલો) હોવાનું સામે આવ્યું છે. આંતરરાષ્ટ્રીય બજારમાં તેની કિંમત કરોડો રૂપિયા થાય છે, જેને કસ્ટમ્સ એક્ટ હેઠળ કાયદેસર રીતે જપ્ત કરી લેવામાં આવ્યું છે.કોઈએ માલિકીનો દાવો ન કર્યો, દાણચોરીના એંગલથી તપાસ શરૂસૌથી ચોંકાવનારી વાત એ છે કે ફ્લાઈટમાંથી આટલી મોટી માત્રામાં સોનું મળ્યા બાદ પણ વિમાનમાં સવાર કે એરપોર્ટ પર હાજર કોઈ પણ મુસાફરે આ સોના પર પોતાની માલિકીનો દાવો કર્યો નથી. આ બિનવારસી સોનું એરપોર્ટ પર કસ્ટમ્સ ક્લિયરન્સ ગ્રીન ચેનલ પાર કરાવવા માટે કોઈ સ્થાનિક કુરિયર કે એરપોર્ટ સ્ટાફની મદદ લેવાના ઈરાદે ત્યાં છુપાવાયું હોવાની આશંકા છે. હાલ કસ્ટમ્સ વિભાગે આ મામલે ગુનો નોંધીને દુબઈથી આવેલી ફ્લાઈટના મુસાફરોની યાદી અને સીસીટીવી ફૂટેજના આધારે સોનું સંતાડનાર અજાણ્યા દાણચોરની શોધખોળ શરૂ કરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Anand News: ઉમરેઠના લાલ દરવાજા પાસે બે બાઈક વચ્ચે અકસ્માત, યુવક અને વૃદ્ધ ગંભીર રીતે ઘાયલ
calendar_today June 12, 2026

Anand News: ઉમરેઠના લાલ દરવાજા પાસે બે બાઈક વચ્ચે અકસ્માત, યુવક અને વૃદ્ધ ગંભીર રીતે ઘાયલ

આણંદ જિલ્લાના ઉમરેઠ શહેરમાં આવેલા લાલ દરવાજા વિસ્તારમાં એક ભયાનક માર્ગ અકસ્માત સર્જાયો હોવાની ઘટના સામે આવી છે. અહીં બે મોટરસાયકલ વચ્ચે સામસામે જોરદાર ટક્કર થતાં બે લોકો ગંભીર રીતે ઇજાગ્રસ્ત થયા છે. અકસ્માતના પગલે આસપાસના વિસ્તારમાં ભારે અફરાતફરી મચી ગઈ હતી અને ઘટનાસ્થળે લોકોના મોટા ટોળેટોળા ઉમટી પડ્યા હતા.યુવક અને વૃદ્ધ ગંભીર રીતે ઈજાગ્રસ્તઘટનાની મળતી માહિતી અનુસાર, ઉમરેઠના લાલ દરવાજા પાસે એક બાઈક સવાર રોડ ક્રોસ કરી રહ્યા હતા, બરાબર તે જ સમયે સામેથી પૂરઝડપે આવી રહેલી અન્ય એક બાઈકે તેમને જોરદાર ટક્કર મારી દીધી હતી. આ અકસ્માત એટલો સ્પીડમાં હતો કે, બંને બાઈક સવાર રોડ પર ફંગોળાયા હતા. આ દુર્ઘટનામાં એક યુવક અને એક વૃદ્ધ બંનેને શરીરે ગંભીર ઈજાઓ પહોંચી હતી. સ્થાનિક લોકોએ તાત્કાલિક 108 એમ્બ્યુલન્સને જાણ કરતાં ઇમરજન્સી ટીમ ઘટના સ્થળે દોડી આવી હતી અને બંને ઇજાગ્રસ્તોને તાત્કાલિક સારવાર અર્થે નજીકની હોસ્પિટલમાં ખસેડ્યા હતા.તંત્ર સામે ભારે આક્રોશઆ અકસ્માતને પગલે સ્થાનિક રહીશોમાં તંત્ર સામે ભારે આક્રોશ જોવા મળી રહ્યો છે. સ્થાનિકોનો આક્ષેપ છે કે, ઉમરેઠમાંથી પસાર થતા આ મુખ્ય ધોરી માર્ગ પર જરૂરી જગ્યાઓએ સ્પીડ બ્રેકર મૂકવામાં આવ્યા નથી. સ્પીડ બ્રેકરની અછતને કારણે વાહનચાલકો અહીં બેફામ ગતિએ વાહનો હંકારે છે, જેના લીધે આ વિસ્તારમાં અવારનવાર નાના-મોટા અકસ્માતો સર્જાય છે. સ્થાનિકોએ તંત્ર પાસે માગ કરી રહ્યા છે કે, આ રોડ પર વહેલી તકે સ્પીડ બ્રેકર બનાવવામાં આવે, જેથી ભવિષ્યમાં કોઈ મોટી જાનહાનિ ટાળી શકાય.આ પણ વાંચો - Anand News: ઉમરેઠમાં પાલિકાનું બુલડોઝર સતત બીજા દિવસે ફર્યું, 100થી વધુ દબાણો દૂર કરાયા

Read Full Story arrow_forward