android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Panchmahal: ગોમા નદીના પટ બાદ હવે ખેતરોમાંથી ગેરકાયદે રેતી ખનન
calendar_today June 12, 2026

Panchmahal: ગોમા નદીના પટ બાદ હવે ખેતરોમાંથી ગેરકાયદે રેતી ખનન

કાલોલ તાલુકાના રામનાથ, કંડાચ સગનપુરા ગ્રામ પંચાયત હદ વિસ્તારમાંથી વહેતી ગોમા નદીના પટમાં પાછલા ઘણા વર્ષોથી સ્થાનિક તત્વો દ્વારા ટ્રેકટરોના માધ્યમથી બેફમપણે ગેરકાયદે રેતી ખનન કરતા જોવા મળે છે, જે મધ્યે રેતી ખનન કરતા માફ્યિાઓએ નદીના પટ તળિયા ઝાટક કરી દેતાં ખનન માફિયાઓએ આસપાસ આવેલા ખેતરમાંથી પણ દાદાગીરી કરીને રેતી ખનન કરતા હોવાની રજૂઆત ઉચ્ચ કક્ષાએ કરી ખનન રોકવાની માગ કરી છે.રામનાથ, કંડાચ અને સગનપુરા ગ્રામ પંચાયતના જાગૃત નાગરિકોએ તાજેતરમાં લેખિતમાં રજૂઆત કરી છે ત્રણેય ગ્રામ પંચાયતના હદ વિસ્તારમાં આવેલા ગોમા નદી પરના રામનાથ અને સગનપુરા ચેકડેમની નીચેની તરફ્, ખોડીયાર મંદિરની આસપાસ, દેલોલ બળિયાદેવ મંદિર તરફ્ આવેલા ખેડૂતોની માલીકીના ખેતરોમાંથી છેલ્લા બે મહિનાથી કેટલાક ટ્રેક્ટરોથી બિનઅધિકૃત રીતે રેતી ખનન કરી રહ્યા છે, તેમજ ઘણી જગ્યાએ ગેરકાયદે રીતે ખનન કરેલી રેતીનો પણ ગેરકાયદે મોટા પ્રમાણમાં સંગ્રહ કરેલો જોવા મળે છે. જે અંગે જાગૃત અરજદારોના આક્ષેપ મુજબ ગેરકાયદે રેતી ખનન કરતા ટ્રેકટરવાળા તત્વો ખનનગીરી કરવા માટે કોઈપણ હદ સુધી જઈ શકે તેવા ઝનુની અને માથાભારે હોવાથી અરજદારના પરિવારને નુકસાન પહોંચાડે તેવા ડરથી જવાબદાર તંત્ર દ્વારા સ્થળ નિરિક્ષણ કરી કાયદો અને વ્યવસ્થાના ભાગરૂપે નદી પટમાંથી તેમજ ખાનગી માલિકીની જમીનમાંથી ગેરકાયદે ખનન તાત્કાલીક અસરથી રોકવામાં આવે તેવી અરજદારોએ માંગ કરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dahod: શહેરના વિકાસના કાર્યો સહિતના ઠરાવ સર્વાનુમતે મંજૂર કરાયા
calendar_today June 12, 2026

Dahod: શહેરના વિકાસના કાર્યો સહિતના ઠરાવ સર્વાનુમતે મંજૂર કરાયા

દેવગઢબારીઆ નગરપાલિકા સભાખંડમાં આજે પાલિકા પ્રમુખના અધ્યક્ષ સ્થાને યોજાઈ હતી. જેમાં પક્ષાંતર ધારા હેઠળ સસ્પેન્ડ થયેલા છ સભ્યોના કારણે બાકી રહેલા 18 સભ્યો પૈકી 17 સભ્યો હાજર રહ્યા હતાં. એક અપક્ષ સભ્ય ગૌરાંગ પંડયા ગેરહાજર રહ્યા હતાં.દેવગઢબારીઆ નગર પાલિકાની નવી બોડીને 15 મહિના પૂર્ણ થયા બાદ આજે પ્રથમ સામાન્ય સભા પ્રમુખ ધર્મેશ કલાલના અધ્યક્ષસ્થાને શાંતિપૂર્ણ માહોલમાં યોજાઈ હતી. જેમાં શહેરના વિવિધ વિકાસના કાર્યો કારોબારી સમિતિના ઠરાવોને બહાલ કરવા, વિવિધ ટેન્ડરોના ભાવ મંજુર કરવા, રાજમાતા ઉર્વશીદેવીની અરજી બાબત તથા ભૂતપુર્વ કારોબારી ચેરમેન નિધિબેન જૈન સભ્ય તરીકે સસ્પેન્ડ થયેલા હોવાથી કારોબારી સમિતિ અંગેના નિર્ણયો લેવા બાબતની સત્તા પ્રમુખને આપવા જેવા વિવિધ મુદ્દાઓ સર્વ સંમતિથી મંજુર કરાયા હતાં. વોર્ડ-6ના મહિલા સભ્ય પદ્મિનીબેન સોનીએ તેમના વોર્ડના ગટર, પાણી, રસ્તા તથા સફઈના મુદ્દે ઉગ્ર રજુઆત કરી હતી. સામાન્ય સભા શરૂ થતા પહેલા છેલ્લા 22 વર્ષથી ફરજ બજાવતાં 13 મહિલા સફઈ કાર્યકરોને નવા કોન્ટ્રાકટરે છૂટા કરી દેતા, છુટા કરાયેલા કર્મચારીઓએ ઉગ્ર રજુઆતો કરી વિરોધ દર્શાવ્યો હતો. ત્યારબાદ તમામ કર્મચારીઓને કેટલીક શરતોને આધિન ફરીથી કામે લેવામાં આવ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Panchmahal: ભાભીના પ્રેમમાં પાગલ પિતરાઈ ભાઈએ મોટાભાઈનું ઢીમ ઢાળ્યું
calendar_today June 12, 2026

Panchmahal: ભાભીના પ્રેમમાં પાગલ પિતરાઈ ભાઈએ મોટાભાઈનું ઢીમ ઢાળ્યું

કાલોલ તાલુકાના ભાદરોલી બુઝર્ગ ગામે પતિ, પત્ની ઔર વો જેવા પારિવારિક આડાસંબંધના મામલાનો રક્તરંજિત અંજામ આવ્યો હતો. કૌટુંબિક મોટાભાઈની પત્ની સાથે આડાસંબંધ ધરાવતાં પિતરાઈ ભાઈએ મોટાભાઈનું ઢીમ ઢાળીને બીજા દિવસે લાશના હાથ પગ કાપી, ચાર ટુકડા કરી તળાવ પાસેના તુટેલા ચેકડેમ નજીક ખાડો ખોદી જમીનમાં મીઠું નાંખી લાશને દાટી દઈ, હત્યારા ભાઈ - ભાભી બન્ને ફરવા જતાં રહ્યાં હતાં. પાંચ દિવસ સુધી મરનાર ભાઈ લાપતા જણાતા પરિવારજનોએ શંકા દર્શાવી પોલીસ ફરિયાદ નોંધાવતાં પોલીસની તપાસમાં છ દિવસ બાદ સનસનાટીભર્યા ખુની ખેલનો પર્દાફાશ થયો હતો.કાલોલ પોલીસ મથકમાંથી પ્રાપ્ત વિગતો અનુસાર કાલોલ તાલુકાના ભાદરોલી બુઝર્ગ ગામે રહેતાં રાજેશભાઈ નરવતસિંહ સોલંકી (ઉ.વ.35) પત્ની શિલ્પાબેન સાથેના અગિયાર વર્ષના સંસારમાં પાંચ વર્ષના પુત્ર સાથે ગુજરાન ચલાવતા હતા. તેઓ જે કંપનીમાં નોકરી કરતાં હતાં, ત્યાં પાંચ દિવસથી તેઓ ગેરહાજર જણાતા કંપનીના કોન્ટ્રાકટરે રાજેશભાઈના ઘરે માણસ મોકલીને તેમના ગેરહાજર હોવા બાબતે તપાસ કરી હતી. જે બાદ તેમના નાનાભાઈએ રાજેશભાઈ જ્યાં રહેતાં હતાં, તે ખેતરવાળા ઘરે તપાસ કરતાં તેઓ ગુમ હોવાનું જણાતા, સગા સંબંધીઓને ત્યાં તપાસ કરી પરંતુ ક્યાંય પત્તો લાગ્યો નહતો. જોકે ખેતરમાં મોટાભાઈ સાથે તેમની પત્ની શિલ્પા અને તેમની સાથે રહેતો પિતરાઈ ભાઈ ધર્મેન્દ્ર સોલંકી પણ ત્રણ દિવસથી જોવા નહી મળતાં, નાનાભાઈએ રાજેશ સોલંકી ગૂમ થયા હોવાની કાલોલ પોલીસ મથકે ફરિયાદ નોંધાવી હતી.જે ફરિયાદમાં તેણે પોતાની ભાભી શિલ્પાબેન અને પિતરાઈ ધર્મેન્દ્ર સોલંકી વચ્ચે આડાસંબંધો હોવાની શંકા વ્યક્ત કરી હતી. તા.9મીએ પરત ઘરે આવેલા ધર્મેન્દ્રને પોલીસે પોલીસ મથકે બોલાવી ઘનિષ્ઠ પુછપરછ કરતાં તે અંતે ભાંગી પડયો હતો. તેણે પોતાને ભાભી શિલ્પાબેન સાથે પ્રેમ સંબંધ હોવાની અને રાજેશભાઈ અવાર નવાર ભાભી શિલ્પા સાથે ઝઘડો કરતો હોવાથી શિલ્પા ધર્મેન્દ્રને પતિને મારી નાખવા માટે અવારનવાર દબાણ કરતી હોવાનું જણાવ્યું હતું. જે બાદ ગત તા.04ના રોજ રાત્રે ધર્મેન્દ્ર રાજેશભાઈને ગામના મોટા તળાવ પાસેના ખેતરમાં લઈ જઈ માથામાં ઈંટ મારીને બેભાન કરી દીધા બાદ તેમને ઢસડીને નજીકના તૂટેલા ચેકડેમ પાસે લઈ જઈ તેના પથ્થર પર ઉપરાછાપરી માથુ પછાડીને હત્યા કરી હોવાની કબૂલાત કરી હતી. પોલીસે આરોપી ધર્મેન્દ્ર અર્જુન સોલંકી અને શિલ્પા રાજેશભાઈ સોલંકીની ધરપકડ કરી કાયદેસરની કાર્યવાહી હાથ ધરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward