Mahisagar: કર્મચારીઓની અનિયમિતતાથી જનતા અને અરજદારો પરેશાન
લુણાવાડા ખાતેની કલેક્ટર અને જિલ્લા પંચાયત કચેરીના કેટલાક કર્મચારીઓની અનિયમિતતા અને વર્તનને કારણે સામાન્ય જનતાને ભારે હાલાકી ભોગવવી પડી રહી છે. આવા લેટ લતીફે માટે નિયમિત કર્મચારીઓમાં પણ છુપો રોષ જોવા મળી રહ્યો છે. અંતરિયાળ ગામડાઓમાંથી ભાડાના પૈસા ખર્ચીને આવતા ગરીબ અને મધ્યમ વર્ગના અરજદારોને કર્મચારીઓની ગેરહાજરીના લીધે કામ વગર જ ખાલી હાથે પરત ફરવું પડે છે.કચેરીના સત્તાવાર સમય દરમિયાન પણ અનેક કર્મચારીઓ પોતાની શાખામાં હાજર હોતા નથી, જેના કારણે સરકારી કામકાજ ખોરવાય છે. કેટલીક કચેરીઓમાં અધિકારીઓ જ અવારનવાર પોતાના ગેરહાજર રહે છે. કર્મચારીઓ જનતાને વારંવાર ધક્કા ખવડાવે છે અને પૂછપરછ કરવા પર ઉદ્ધત તેમજ અવિવેકી વર્તન કરતાં હોવાની ફરિયાદો પણ ઊઠી છે. જેથી તમામ કર્મચારીઓ નિયમિત હાજર રહે, મોડા આવતાં કર્મચારીઓ સામે બાયોમેટ્રિક હાજરી અથવા સરપ્રાઈઝ ચેકિંગ કરીને દંડાત્મક પગલાં લેવાય તેમજ નવનિયુક્ત જિલ્લા પંચાયત પ્રમુખ, જિલ્લા કલેક્ટર અને જિલ્લા વિકાસ અધિકારી કચેરીઓની સરપ્રાઈઝ વિઝીટ કરી બેદરકાર કર્મચારીઓ સામે શિક્ષાત્મક કાર્યવાહી કરે તેવી પ્રજાજનોમાં માંગ ઉઠી રહી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward