Panchmahal: બોડેલીના હરખલી કોતર ઉપરની ચાર દુકાનો હટાવી દેવામાં આવી
બોડેલી નગર માં વર્ષોથી ચોમાસા દરમિયાન સર્જાતી પાણી ભરાવાની સમસ્યાના કાયમી ઉકેલ માટે બોડેલી નગર પાલિકા દ્વારા યુદ્ધના ધોરણે કામગીરી હાથ ધરવામાં આવી છે. હરખલી કોતરની સફઈ અને સુધારણા સાથે અલીપુરા ચાર રસ્તા નજીક ચાર દુકાનો દૂર કરી વધારાની બે મોટી પાઇપો નાખવાની કામગીરી શરૂ કરવામાં આવી છે.બોડેલીના બોડેલી અલીખેરવા, ચાચક, ઢોકલીયા સહિતના નીચાણવાળા વિસ્તારોમાં દર વર્ષે ચોમાસા દરમિયાન વરસાદી પાણી ભરાઈ જવાની સમસ્યા સર્જાતી હતી. આ સમસ્યાના કાયમી ઉકેલ માટે બોડેલી નગરપાલિકા દ્વારા હરખલી કોતરની સફઈ અને નાળાની ક્ષમતા વધારવાની કામગીરી શરૂ કરવામાં આવી છે. અલીપુરા ચાર રસ્તા નજીક જુના જકાતનાકા પાસે આવેલા હરખલી કોતરના નાળામાં અગાઉ માત્ર એક પાઇપ હતી. વરસાદી પાણીનો પ્રવાહ વધતા આ પાઇપ પૂરતી સાબિત થતી ન હતી. જેના કારણે પાણીનો નિકાલ ધીમો બનતો અને અનેક વિસ્તારોમાં પાણી ભરાઈ જતું હતું. હવે નગરપાલિકા દ્વારા વધારાની બે મોટી પાઇપો નાખી પાણીનો પ્રવાહ વધુ સરળ અને ઝડપી બનાવવાના પ્રયાસો હાથ ધરવામાં આવ્યા છે.આ કામગીરી માટે હરખલી કોતર ઉપર વર્ષોથી ઉભેલી ચાર દુકાનો દૂર કરવામાં આવી છે. બે હિટાચી મશીન, ચાર જેટલા જેસીબી, હાઇડ્રા સહિતની ભારે મશીનરીની મદદથી નાળાનું વિસ્તરણ અને પાઇપલાઇન બેસાડવાની કામગીરી ઝડપથી ચાલી રહી છે.નગર પાલિકાના નવા ચૂંટાયેલા પ્રમુખ ઉમેશભાઈ રાઠવા સહિતના નગરસેવકો અને અધિકારીઓ પણ સ્થળ પર હાજર રહી કામગીરીની દેખરેખ રાખી રહ્યા છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward