android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Rajkot News: કૌટુંબિક ઝઘડાએ લીધો માસુમનો ભોગ, સગા મામાએ કરી 13 વર્ષના ભાણેજની હત્યા
calendar_today June 10, 2026

Rajkot News: કૌટુંબિક ઝઘડાએ લીધો માસુમનો ભોગ, સગા મામાએ કરી 13 વર્ષના ભાણેજની હત્યા

રાજકોટ જિલ્લાના જસદણ તાલુકાના આટકોટ પોલીસ સ્ટેશનની હદમાં ગોંડલના કેશવાળા-વાસાવડ રોડ પર સગા સબંધોને લાંછન લગાડતી એક હૃદયદ્રાવક ઘટના સામે આવી છે. કૌટુંબિક વિવાદમાં સગા મામાએ પોતાના જ 13 વર્ષના માસૂમ ભાણેજની પથ્થર મારીને ક્રૂરતાપૂર્વક હત્યા કરી નાખતા સમગ્ર પંથકમાં ભારે અરેરાટી વ્યાપી ગઈ છે.પતિ-પત્નીના ઝઘડામાં માસૂમનો ભોગઘટનાની મળતી માહિતી મુજબ, પરિવારમાં પતિ-પત્ની વચ્ચે ચાલી રહેલા ઝઘડા અને તેના સમાધાન મુદ્દે છેલ્લા કેટલાક સમયથી મોટો વિવાદ ચાલી રહ્યો હતો. આ કૌટુંબિક અદાવતમાં કોઈ વાંક વગર 13 વર્ષનો નિર્દોષ બાળક નરેન્દ્ર ભોગ બન્યો હતો. હુમલાખોર મામા અરવિંદભાઈએ ક્રોધમાં ભાન ભૂલીને ભાણેજ નરેન્દ્રનો બાઈક પર પીછો કર્યો હતો.રસ્તા પર આંતરી પથ્થરમારો કર્યોકેશવાળા-વાસાવડ રોડ પર બાઈક પાછળ દોડીને મામાએ ભાણેજને આંતરી લીધો હતો અને તેને નીચે પાડી દીધો હતો. ત્યારબાદ ઉશ્કેરાયેલા મામા અરવિંદભાઈએ માસૂમ નરેન્દ્ર પર એક મોટો અને વજનદાર પથ્થર ફેંક્યો હતો. આ પથ્થર સીધો નરેન્દ્રના માથાના ભાગે વાગતા તે ગંભીર રીતે લોહીલુહાણ થઈને ઢળી પડ્યો હતો.સારવાર મળે તે પહેલા જ કરૂણ મોતઘટનાને પગલે આસપાસના સ્થાનિક લોકો તાત્કાલિક એકઠા થઈ ગયા હતા. ગંભીર હાલતમાં લોહીલુહાણ થયેલા નરેન્દ્રને તુરંત જ નજીકની હોસ્પિટલ ખસેડવામાં આવ્યો હતો. જોકે, કમનસીબે તેને યોગ્ય સારવાર મળે તે પહેલા જ ડોક્ટરોએ તેને મૃત જાહેર કર્યો હતો. આ કરૂણ ઘટનાને પગલે માસૂમ બાળકના પરિવારમાં ભારે આક્રંદ છવાયો છે.આટકોટ પોલીસે હત્યારાને ઝડપી લીધોબનાવની જાણ થતાં જ આટકોટ પોલીસ સ્ટેશનનો કાફલો ઘટના સ્થળે દોડી ગયો હતો. પોલીસે માસૂમ નરેન્દ્રના મૃતદેહને પોસ્ટ મોર્ટમ અર્થે ખસેડી, હત્યારા મામા અરવિંદભાઈ વિરૂદ્ધ ભારતીય ન્યાય સંહિતાની કલમો હેઠળ હત્યાનો ગુનો નોંધી તેને ઝડપી લીધો હતો. હાલ પોલીસ આ મામલે વધુ તપાસ કરી રહી છે.આ પણ વાંચો - Rajkot : 21મી સદીનું કલંક, પતિના મોત બાદ સાસુ-નણંદે બળજબરીથી વિધવાનું કરાવ્યું મુંડન, મિલકત હડપવા અત્યાચાર ગુજાર્યો

Read Full Story arrow_forward
Gandhinagar News: સરકારે મકાઈ, બાજરી અને જુવારની ટેકાના ભાવે ખરીદીની મર્યાદામાં વધારો કર્યો
calendar_today June 10, 2026

Gandhinagar News: સરકારે મકાઈ, બાજરી અને જુવારની ટેકાના ભાવે ખરીદીની મર્યાદામાં વધારો કર્યો

રાજ્ય સરકારે ખેડૂતોના વ્યાપક હિતમાં એક મહત્વપૂર્ણ નિર્ણય લીધો છે.રાજ્યના કૃષિ મંત્રી જીતુ વાઘાણી, અન્ન અને નાગરિક પુરવઠા મંત્રી રમણભાઈ સોલંકી તથા કિસાન સંઘના પ્રતિનિધિઓ વચ્ચે યોજાયેલી એક ઉચ્ચ સ્તરીય બેઠક બાદ બાજરી, મકાઈ અને જુવારની પ્રતિ ખેડૂત ખરીદી મર્યાદામાં માતબર વધારો જાહેર કરાયો છે.ખેડૂતો માટે ગુજરાત સરકારનો મોટો નિર્ણયકૃષિ મંત્રી જીતુભાઈ વાઘાણીએ આ નિર્ણયની જાહેરાત કરતા જણાવ્યું હતું કે,રાજ્યના ખેડૂતોની રજૂઆતોને હકારાત્મક વાચા આપતા રાજ્ય સરકારે આ નિર્ણય કર્યો છે.બાજરીની ખરીદી મર્યાદા અગાઉ જે 2000 કિલો (100 મણ) હતી. તેને વધારીને હવે 3500કિલો (175 મણ) પ્રતિ ખેડૂત કરવામાં આવી છે.મકાઈની ખરીદી મર્યાદા પણ 1500 કિલો (75મણ)થી વધારીને હવે 2500 કિલો (125મણ) અને જુવારની ખરીદી મર્યાદા 1000 કિલો (50 મણ)થી વધારીને ખેડૂત દીઠ 1700 કિલો (85 મણ) કરી છે. રાજ્ય સરકારે બાજરીમાં 1500 કિલો (75 મણ), મકાઈમાં 1000 કિલો (50 મણ) તેમજ જુવારમાં 700 કિલો (35 મણ)નો વધારો કર્યો છે. પોતાની વધુ ઉપજ ટેકાના ભાવે વેચાણ કરી શકશેકૃષિ મંત્રીએ ઉમેર્યું હતું કે, અન્ન અને નાગરિક પુરવઠા વિભાગ દ્વારા હવે આ નવી નિર્ધારિત મર્યાદા મુજબ ખેડૂતો પાસેથી ખરીદીની પ્રક્રિયા હાથ ધરવામાં આવશે. સરકારના આ નૂતન અભિગમથી રાજ્યના હજારો ખેડૂતોને સીધો આર્થિક લાભ થશે અને તેઓ પોતાની વધુ ઉપજ ટેકાના ભાવે વેચાણ કરી શકશે.રાજ્ય સરકારની ખેડૂત કલ્યાણ પ્રત્યેની પ્રતિબદ્ધતા દોહરાવતા મંત્રી વાઘાણીએ જણાવ્યું હતું કે, ભારત સરકાર દ્વારા ટેકાના ભાવમાં વધારો કરીને ખેડૂતોને જે આર્થિક સુરક્ષા આપવામાં આવી છે, તેને આગળ ધપાવતા રાજ્ય સરકારે ખેડૂતોની લાગણી અને માંગણીઓને માન આપીને આ સુધારો કર્યો છે.આ પણ વાંચો: Anand News: મહિલા પોલીસ કર્મીએ લાંચના પૈસા સફાઈ કામદારના ખાતામાં નંખાવ્યા,આખરે ACBની ટ્રેપમાં ફસાઈ

Read Full Story arrow_forward
Porbandar News: સમુદ્ર કિનારેથી મળ્યું બિનવારસી ચરસ, SOG પોલીસ એક્શન મોડમાં!
calendar_today June 10, 2026

Porbandar News: સમુદ્ર કિનારેથી મળ્યું બિનવારસી ચરસ, SOG પોલીસ એક્શન મોડમાં!

ગુજરાતના દરિયાકિનારેથી અવારનવાર નશીલા પદાર્થો મળી આવવાનો સિલસિલો યથાવત રહ્યો છે. પોરબંદરમાં સ્પેશિયલ ઓપરેશન ગ્રુપ (SOG) દ્વારા દરિયાઈ વિસ્તારમાં પેટ્રોલિંગ દરમિયાન એક મોટી કાર્યવાહી કરવામાં આવી છે. પોલીસને ઓડદરથી રાંબાઈ વચ્ચેના દરિયાકિનારેથી બિનવારસુ હાલતમાં નશીલા પદાર્થ ચરસનો મોટો જથ્થો મળી આવ્યો છે.લાખોની કિંમતનો જથ્થો જપ્તઘટનાની મળતી માહિતી અનુસાર, પોરબંદર SOGની ટીમને બાતમી મળી હતી કે, દરિયાકિનારે શંકાસ્પદ પેકેટો પડ્યા છે. પોલીસે તાત્કાલિક ઘટના સ્થળે પહોંચીને તપાસ કરતા ત્યાંથી બિનવારસી હાલતમાં ચરસ મળી આવ્યું હતું. પોલીસે આંતરરાષ્ટ્રીય બજારમાં આશરે રૂ. 5.57 લાખની કિંમત ધરાવતો કુલ 2.23 કિલો ચરસનો જથ્થો સ્થળ પરથી જપ્ત કરી લીધો છે.ડ્રગ્સ માફિયાઓનું આંતરરાષ્ટ્રીય કનેક્શન?દરિયાકિનારેથી આ પ્રકારે ચરસ મળી આવવાને કારણે સુરક્ષા એજન્સીઓ પણ સતર્ક થઈ ગઈ છે. અગાઉ પણ ગુજરાતના જુદા જુદા દરિયાકિનારે પાકિસ્તાન કે અન્ય દેશોમાંથી વહીને આવેલા ડ્રગ્સના પેકેટો મળી ચૂક્યા છે, ત્યારે આ જથ્થો પણ કોઈ આંતરરાષ્ટ્રીય ડ્રગ્સ માફિયાઓ દ્વારા અહીં ફેંકવામાં આવ્યો હતો કે, કેમ તે દિશામાં તપાસ શરૂ કરવામાં આવી છે.પોલીસ દ્વારા સઘન તપાસ શરૂપોરબંદર SOG દ્વારા આ સમગ્ર મામલે ગુનો નોંધીને આગળની કાયદેસરની તપાસ હાથ ધરવામાં આવી છે. આ ચરસનો જથ્થો ક્યાંથી આવ્યો અને તેને કોણ લેવાનું હતું, તે અંગે આસપાસના વિસ્તારના સ્થાનિક માછીમારો અને સીસીટીવી ફૂટેજના આધારે પણ તપાસ તેજ કરવામાં આવી છે. તેમજ દરિયાકિનારાના અન્ય વિસ્તારોમાં પણ સર્ચ ઓપરેશન શરૂ કરાયું છે.આ પણ વાંચો - Porbandar બંદરે ઈરાનથી 4000 મેટ્રિક ટન LPG ભરેલું જહાજ પહોંચ્યું, સપ્લાય લાઇન શરૂ

Read Full Story arrow_forward