Vadodara: મોઢામાં દાગીના છુપાવી ચોરી કરતી મહિલા પકડાઈ, બદનામીના ડરે કરગરી પડતાં આખરે મામલો થાળે પડ્યો
વડોદરાના રેસકોર્સ રોડ પર આવેલા એક પ્રખ્યાત અને આલીશાન જ્વેલરી શોરૂમમાં ગઈકાલે બપોરે એક એવી ઘટના બની જેણે શોરૂમના માલિકો અને સ્ટાફને ચોંકાવી દીધા હતા. સારા ઘરની અને સુખી સંપન્ન દેખાતી એક મહિલા જ્વેલરી ખરીદવાના બહાને શોરૂમમાં પ્રવેશી હતી. તેણે સેલ્સમેન પાસે સોના અને હીરા જડિત ઇયરરિંગ્સ (કાનની કડીઓ) તથા કિંમતી વીંટીઓ (Rings) જોવાનું શરૂ કર્યું હતું. કાઉન્ટર પર દાગીના જોતી વખતે મહિલાએ ખૂબ જ ચાલાકીપૂર્વક સ્ટાફનું ધ્યાન ભટકાવ્યું હતું અને એક કિંમતી ઇયરરિંગ્સ તથા રિંગ ઉપાડીને સીધી પોતાના મોઢાની અંદર ગાલના ભાગે છુપાવી દીધી હતી.ગણતરીની સેકન્ડોમાં ખેલ ખતમમહિલા દાગીના મોઢામાં મૂક્યા બાદ ખૂબ જ અસ્વાભાવિક રીતે વર્તી રહી હતી અને વારંવાર કેમેરા તરફ જોઈને પોતાનું મોઢું છુપાવવાનો પ્રયાસ કરતી હતી. સેલ્સમેનને મહિલાની બોલવાની શૈલી અને મોઢાના હાવભાવ પર શંકા જતાં તેણે તુરંત જ કાઉન્ટર પર મુકેલા દાગીનાના બોક્સની ગણતરી કરી હતી. ગણતરી દરમિયાન સોના-હીરાની ઇયરરિંગ અને વીંટી ગાયબ હોવાનું માલૂમ પડતાં જ શોરૂમમાં સન્નાટો વ્યાપી ગયો હતો. સ્ટાફે તુરંત જ મહિલાને અટકાવીને કડક પૂછપરછ શરૂ કરી હતી.રંગેહાથ પકડાતા જ રડવા માંડી અને પગે પડી ગઈશરૂઆતમાં મહિલાએ પોતે નિર્દોષ હોવાનો દાવો કર્યો હતો, પરંતુ સ્ટાફે જ્યારે સીસીટીવી ફૂટેજ ચેક કરવાની અને પોલીસ બોલાવવાની ચીમકી આપી ત્યારે મહિલા ભાંગી પડી હતી. કડકાઈથી પૂછપરછ કરાતા જ મહિલાએ આખરે પોતાના મોઢામાંથી છુપાવેલા સોના અને હીરાના દાગીના બહાર કાઢીને ટેબલ પર મૂકી દીધા હતા. ચોરી પકડાઈ જતાં જ આ હાઈ-પ્રોફાઈલ મહિલા શોરૂમના સ્ટાફ અને મેનેજરના પગે પડી ગઈ હતી અને રડવા લાગી હતી તથા પોલીસ કેસ ન કરવા માટે આજીજી કરવા માંડી હતી.લાખોના દાગીના હેમખેમ પરત મળી ગયાઆ દરમિયાન ઘટનાની જાણ થતાં સ્થાનિક પોલીસ પણ સ્થળ પર દોડી આવી હતી. જોકે, શોરૂમના સંચાલકોને તેમના ચોરાયેલા લાખોના દાગીના હેમખેમ પરત મળી ગયા હોવાથી અને સામાજિક પ્રતિષ્ઠા તેમજ માનવતાના ધોરણે તેમણે મહિલા વિરૂદ્ધ કોઈ સત્તાવાર પોલીસ ફરિયાદ (FIR) નોંધાવવાનો ઈનકાર કર્યો હતો. શોરૂમ માલિકો લેખિત ફરિયાદ આપવા રાજી ન થતાં પોલીસે આખરે મહિલાને કડક ઠપકો આપીને અને ભવિષ્યમાં આવું ન કરવાની ચેતવણી આપીને મુક્ત કરી દીધી હતી.આ પણ વાંચો: Valsad: માસૂમ બાળકીને લાલચ આપી ફ્લેટમાં બોલાવી, મોબાઈલમાં અશ્લીલ વીડિયો બતાવી આચરી જાતીય સતામણી
Read Full Story arrow_forward