Ahmedabad News: સરસપુરના સ્વિમિંગ પૂલ પર અધિકારીઓએ સુરક્ષાની સમીક્ષા કરી
અમદાવાદ મહાનગર પાલિકા દ્વારા શહેરના વિવિધ વિસ્તારોમાં નાગરિકો માટે સ્નાનાગાર તૈયાર કરાયા છે. લોકો અહીં ગરમીની સિઝનમાં સ્વીમીંગ શીખવા માટે આવતા હોય છે. આ સ્વીમીંગપુલમાં હવે રાતના સમયે કેટલાક અસામાજિક તત્વો આતંક મચાવી રહ્યા હોવાની ફરિયાદ ગઈકાલે સામે આવી છે. સરસપુરમાં સ્થિત સ્વીમીંગ પુલમાં રાતના સમયે કેટલાક ઘૂસણખોરોએ ગેરકાયદેસર રીતે ઘૂસીને આતંક મચાવ્યો હતો. જેનો વીડિયો સોશિયલ મીડિયામાં વાયરલ થયો છે. અમદાવાદમાં અસામાજિક તત્વોનો આતંકસરસપુર વિસ્તારના આ સ્વીમિંગપુલમાં 10થી 15 જેટલા યુવકો બળજબળી પૂર્વક ઘૂસ્યા હતાં. મોટા અવાજે સ્પીકર પર ગીતો વગાડીને પાણીમાં ધૂબાકા મારતા હોવાનો વીડિયો વાયરલ થયો છે.રાતના સમયે આ સ્વીમિંગપુલ આમતો બંધ કરી દેવામાં આવે છે.તે છતાંય કેટલાક માથાભારે તત્વોએ મોડી રાત્રે આ સ્વીમિંગપુલની પાછળની દિવાલ પરથી કૂદીને અંદર પ્રવેશી આતંક મચાવ્યો હતો.આ તત્વોએ સિક્યુરિટી ગાર્ડને પણ ધમકીઓ આપી હોવાનું જાણવા મળ્યું છે. શહેરની સુરક્ષા વ્યવસ્થા સામે સવાલો ઉભા થયાં છે. જરૂર પડશે તો દીવાલ ઊંચી કરાશેઆ સમગ્ર ઘટનાને લઈને નાયબ મ્યુનિસિપલ કમિશનર નિલેશ પટેલે કહ્યું હતું કે, આ ઘટના અંગેની ફરિયાદ મળી છે. અહીં અગાઉ સુરક્ષા માટે બાઉન્સર ગોઠવાયા હતાં. જ્યારે આ ઘટનાની માહિતી મળી ત્યારે પોલીસ પહોંચે તે પહેલા જ લોકો ભાગી ગયા હતાં. પોલીસ ફરિયાદ નોંધવાની પ્રક્રિયા શરૂ કરાઈ છે. અધિકારીઓએ સ્થળની મુલાકાત લીધી છે. સુરક્ષા વ્યવસ્થાની પણ સમિક્ષા હાથ ધરાઈ છે. જરૂર પડશે તો દીવાલ ઊંચી કરાશે. આ પણ વાંચોઃ Bharuch: જુમ્મા મસ્જિદમાં પુરાતત્વ વિભાગનું મોટું એક્શન, વિવાદાસ્પદ વજુખાનું સહિતના અનધિકૃત બાંધકામો તોડી પડાયા
Read Full Story arrow_forward