android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
ટંકશાળ વિસ્તારમાં રાહદારીઓ માટે ઠેર-ઠેર ગ્રીન નેટ બાંધી છાંયડાની વ્યવસ્થા કરવામાં આવી
calendar_today June 7, 2026

ટંકશાળ વિસ્તારમાં રાહદારીઓ માટે ઠેર-ઠેર ગ્રીન નેટ બાંધી છાંયડાની વ્યવસ્થા કરવામાં આવી

રાજ્યભરમાં સૂર્યદેવ આગ ઓકી રહ્યા છે અને તાપમાનનો પારો સતત ઊંચે જઈ રહ્યો છે, ત્યારે સામાન્ય જનતાને ગરમીના પ્રકોપથી બચાવવા માટે વહીવટી તંત્ર અને સ્થાનિક સેવાભાવી સંસ્થાઓ એક્શન મોડમાં આવી છે. શહેરના વ્યસ્ત ગણાતા ટંકશાળ વિસ્તારમાં અસહ્ય ગરમીથી નાગરિકોને બચાવવા માટે રોડ પર ઠેર-ઠેર ગ્રીન નેટ બાંધીને આર્ટિફિશિયલ છાયડો ઊભો કરવામાં આવ્યો છે. ચાર રસ્તા અને ટ્રાફ્કિ સિગ્નલ પર વિશેષ વ્યવસ્થા ટંકશાળ વિસ્તારના મુખ્ય માર્ગો પર વાહનચાલકો અને ખરીદી કરવા આવતા લોકોને લૂ અને કાળઝાળ તડકાનો સામનો કરવો પડતો હતો. સાથે જ રોડ પર ઉભા રહેતી વખતે ખરીદી કરવા આવનાર લોકો ગરમીથી તોબા પોકારી ઉઠતા હતા. આ સમસ્યાના નિવારણ માટે રોડની બંને બાજુએથી મોટા વાંસ અને દોરડાના સપોર્ટથી ગ્રીન નેટ બાંધવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
ખોખરામાં ગટરો ઉભરાતા મશીનો અને મોટા વાહનો રસ્તા વચ્ચે મૂકીને તંત્ર ગાયબ થઈ ગયું
calendar_today June 7, 2026

ખોખરામાં ગટરો ઉભરાતા મશીનો અને મોટા વાહનો રસ્તા વચ્ચે મૂકીને તંત્ર ગાયબ થઈ ગયું

શહેરમાં ચોમાસાની હજુ તો ઔપચારિક શરૂઆત જ થઈ છે, ત્યાં જ મ્યુનિસિપલ કોર્પોરેશનના કરોડોરૂપિયાના પ્રી-મોન્સૂન પ્લાનની પોલ ખુલી ગઈ છે. શહેરના પૂર્વ વિસ્તારમાં આવેલા ખોખરામાં પ્રથમ વરસાદે જ તંત્રની કામગીરીના ધજાગરા ઉડાવી દીધા છે. પહેલા જ વરસાદમાં ગટરોના પાણી બેક મારતા અને રોડ પર ઉભરાતા તંત્ર દોડતું થયું હતું. પરિસ્થિતિ એટલી હદે વણસી ગઈ હતી કે ગટર સાફ્ કરવાના મોટા મશીનો (સુપર સકર મશીનો) રસ્તાની વચ્ચે ગોઠવીને આખો રોડ વાહનવ્યવહાર માટે બ્લોક કરી દેવાની ફરજ પડી છે. ખોખરાના મુખ્ય માર્ગ પર ગટર સફઈના ભારેખમ મશીનો ખડકી દેવાતા આખો રસ્તો બંધ થઈ ગયો હતો. સવારના સમયે જ્યારે લોકો ઓફ્સિ, ધંધા કે બાળકોને સ્કૂલે જવા નીકળ્યા ત્યારે રસ્તો બ્લોક હોવાના કારણે ભારે અરાજકતા ફેલાઈ હતી. વૈકલ્પિક રસ્તાઓ પર ટ્રાફ્કિનું ભારણ વધી જતાં વાહનચાલકો કલાકો સુધી ટ્રાફ્કિ જામમાંઅટવાયા હતા. મહત્વનું છે કે રોડ બ્લોક કરી દેવાતા રસ્તાની બંને બાજુએ આવેલી દુકાનો અને વ્યાપારિક પ્રતિષ્ઠાનો સુમસામ બની ગયા હતા. વેપારીઓએ આક્ષેપ કર્યો છે કે ગટરના ગંદા પાણીની દુર્ગંધ અને રસ્તો બંધ હોવાને કારણે ગ્રાહકો આવી શકતા નથી, જેના લીધે પહેલા જ દિવસે મોટું નુકસાન વેઠવાનો વારો આવ્યો છે. તંત્ર દ્વારા યુદ્ધના ધોરણે કામગીરી કરવાનો દાવો તો કરાયો છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
સવારથી સાંજ સુધી પરસેવો પાડી ધંધો કરતા લારીવાળાઓનો લંચ બ્રેક
calendar_today June 7, 2026

સવારથી સાંજ સુધી પરસેવો પાડી ધંધો કરતા લારીવાળાઓનો લંચ બ્રેક

સવારથી સાંજ સુધી પરસેવો પાડીને મજૂરીકરતા લારીવાળાઓએ પણ આકરી ગરમી સામે હથિયાર હેઠા મૂકી દીધા હોય એમ રસ્તાની એક બાજુએ આવેલા સુશોભનના ફૂલછોડના છાંયડામાં તમામ લારીવાળાઓએ પોતાની લારીઓ એક સરખી લાઈનમાં ગોઠવી દીધી. શાકભાજી, ફ્રુટ્સ કે અન્ય ચીજવસ્તુઓની આ લારીઓ અત્યારે ખાલી કે ઢાંકેલી જોવા મળી. પેટનો ખાડો પૂરવા આખો દિવસ રાડારાડ કરીને ગ્રાહકોને બોલાવતા આ શ્રમિકો પોતે જમવા અને થોડો આરામ કરવા પોતાના ઘરે ચાલ્યા ગયા હતા. આ દૃશ્ય શ્રમજીવી લોકોની રોજિંદી જિંદગીનો મહત્વનો હિસ્સો દર્શાવે છે, જ્યાં બપોરનો આરામ તેમને સાંજની નવી દોડ માટે સજ્જ કરે છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward