android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
પાદરાના ડબગર સમાજના તેજસ્વી તારલાઓનું સન્માન
calendar_today June 6, 2026

પાદરાના ડબગર સમાજના તેજસ્વી તારલાઓનું સન્માન

પાદરા : પાદરા ડબગર જ્ઞાતિપંચ અને પાદરા ડબગર જ્ઞાતિ કેળવણી મંડળના સંયુક્ત ઉપક્રમે સમાજના તેજસ્વી અને ઉચ્ચ ગુણાંક સાથે સફ્ળતા મેળવનાર વિદ્યાર્થીઓના સન્માન માટે 23મો ઇનામ વિતરણ સમારોહ પાદરા સ્થિત બીએપીએસ સ્વામિનારાયણ મંદિરના પટાંગણમાં યોજાયો હતો. જેમાં જુનિયર કે.જી.થી લઈને કોલેજ કક્ષાના તમામ વિદ્યાર્થીઓને પ્રોત્સાહિત કરવા માટે મેડલ, મફ્ત ચોપડા, પેન, પેન્સિલ તેમજ અભ્યાસને ઉપયોગી વિવિધ શૈક્ષણિક સામગ્રીનું વિતરણ કરાયું હતું. સાથે જ શૈક્ષણિક ક્ષેત્રે ઉત્કૃષ્ટ પ્રદર્શન કરનાર વિદ્યાર્થીઓને વિશેષ સન્માનિત કરાયા હતા. જે પ્રસંગે પાદરા નગરપાલિકાના ઉપપ્રમુખ ઇલાબેન જોશી, દંડક નરેશ અગ્રવાલ, સમાજ સેવક કિશન મહારાજ, સહિત સમાજના આગેવાનો અને જ્ઞાતિપંચના સભ્યો ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
દાહોદની પ્રથમ સરકારી માધ્યમિક હાઈસ્કૂલમાં પ્રવેશ પ્રક્રિયા શરૂ
calendar_today June 6, 2026

દાહોદની પ્રથમ સરકારી માધ્યમિક હાઈસ્કૂલમાં પ્રવેશ પ્રક્રિયા શરૂ

દાહોદ શહેર વિસ્તારમાં દાહોદ શહેરના મધ્યમાં ગુજરાતી માધ્યમની પહેલી સરકારી હાઇસ્કુલ દાહોદ સ્માર્ટ સીટી પ્રોજેક્ટ અંતર્ગત બનાવવામાં આવી છે. જ્યાં વિદ્યાર્થીઓધોરણ 1 થી ધોરણ 12 સુધીનું ક્રમશઃ વિના મુલ્યે શિક્ષણ મેળવી શકશે. આ તાલુકા શાળા તાલુકા પંચાયત સામે, સીટી ગ્રાઉન્ડ પાસે બનાવવામાં આવી છે.અદ્યતન બિલ્ડીંગમાં વિદ્યાર્થીઓ માટે અધ્યતન સુવિધાઓ પણ ઉપલબ્ધ કરવામાં આવી છે. જેથી કરીને વિદ્યાર્થીઓને અભ્યાસકાળ દરમ્યાન કોઇપણ પ્રકારની મુશ્કેલીઓનો સામનો કરવો પડે નહી. સુવિધાઓની વાત કરીએ તો, સીસીટીવી કેમેરા, યોગ્ય લાયકાત ધરાવતા શિક્ષકોના માર્ગદર્શન હેઠળ ગુણવત્તા યુક્ત શિક્ષણ, વિના મુલ્યે પાઠય પુસ્તકો, સમાવેશી શિક્ષણ તેમજ એ સાથે સરકારની વિવિધ યોજનાઓનો સીધો અને ત્વરિત લાભ મળવાપાત્ર થશે. આ તાલુકા શાળામાં વર્ષ 2026-27 માટે પ્રવેશ પ્રક્રિયા પણ શરુ કરી દેવામાં આવી છે. દાહોદ શહેરી વિસ્તારની પ્રથમ સરકારી હાઈસ્કૂલ સ્માર્ટ સિટી દ્વારા બનાવવામાં આવેલ અદ્યતન બિલ્ડિંગમાં તાલુકા કુમાર - કન્યા શાળાના કેમ્પસમાં બેસશે. હવે દાહોદ તાલુકાની જનતાને એ જ કેમ્પસમાં ધોરણ 12 વિજ્ઞાન પ્રવાહ સુધીનું શિક્ષણ તદ્દન મફ્તમાં ઘર આંગણે જ આવનાર સમયમાં મળી રહેશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
સળંગ ત્રીજા દિવસે પાણીની કટોકટીને પગલે અન્નક્ષેત્ર બંધ
calendar_today June 6, 2026

સળંગ ત્રીજા દિવસે પાણીની કટોકટીને પગલે અન્નક્ષેત્ર બંધ

પાવાગઢ ડુંગર ઉપર પાણીના અભાવના પગલે શ્રી કાલિકા માતાજી મંદિર ટ્રસ્ટ પાવાગઢ દ્વારા સંચાલિત અન્નપૂર્ણા ભવન એટલે કે અન્નક્ષેત્ર આજે સળંગ ત્રીજા દિવસે પણ બંધ રાખવાની ફરજ પડી હતી. જેના પગલે માતાજીના દર્શને આવેલા માઇ ભક્તોને ચા - નાસ્તો, તેમજ ભોજન વગર પરત ફ્રવું પડયું હતું.પાવાગઢ ડુંગર પર રહેતા સ્થાનિકોના જણાવ્યા અનુસાર છેલ્લા બે માસ ઉપરાંતના સમયથી ડુંગર પર પાણીની ગંભીર કટોકટીને લઈને સ્થાનિકો પાણી ને લઈને ભારે હાડમારીનો સામનો કરી રહ્યા છે. ઉનાળાની કાળઝાળ ગરમીમાં ડુંગર પર પાણીના સ્ત્રોત એવા કુવાઓમાં પણ પાણી જોવા મળતું નથી. જેના કારણે સ્થાનિકો તેમજ ડુંગર પર આવતા યાત્રાળુઓ પાણી વિના ટળવળતા જોવા મળી રહ્યા છે. જોકે ડુંગર પર પાણીની અછતની ફરિયાદો વારંવાર ઊઠવા છતાં તંત્ર દ્વારા આગોતરું આ અંગે કોઈ ચોક્કસ કાર્યવાહી કરવામાં ન આવી હોવાના કારણે આ પરિસ્થિતિ ઉભી થઇ છે. તેવા આક્ષેપો ડુંગર પરના સ્થાનિકો કરી રહ્યા છે.ગુરૂવાર ના રોજ થી આજે સતત ત્રીજા દિવસે ડુંગર પર સહેજ પણ પાણી ના પહોંચતા ડુંગરના સ્થાનિકો પાણી વિના વલખા મારે છે. ડુંગર પર પાણી પહોંચાડવાની જવાબદારી ગ્રામ પંચાયતની છે. જોકે ગ્રામ પંચાયત નર્મદા જૂથ પાણી પુરવઠા યોજનામાંથી પાણી મેળવી ડુંગર પર પહોંચાડે છે. પરંતુ નર્મદા જૂથ પાણી પુરવઠા યોજના માં રીપેરીંગ નું કામ ચાલુ હોવાના કારણે ડુંગર પર પાણી પહોંચી શક્યું ન હોવાથી જેને કારણે હાલ પાણીની તકલીફ્ છે તેમ ગ્રામ પંચાયતના તલાટી દ્વારા જાણવામાં આવી રહ્યું છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward