android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
તલવારબાજી અને સ્વરક્ષણ તાલીમ વર્ગનો સમાપન સમારોહ યોજાયો
calendar_today June 6, 2026

તલવારબાજી અને સ્વરક્ષણ તાલીમ વર્ગનો સમાપન સમારોહ યોજાયો

કાલોલના બોરૂ ટર્નિંગ પાસે આવેલા કોમ્યુનિટી હોલ ખાતે ક્ષત્રિય કરણી સેના અને મા ભવાની ગૃપના સંયુક્ત ઉપક્રમે આયોજિત જય ભવાની તલવારબાજી અને સ્વરક્ષણ ક્લાસીસનો સર્ટિફ્કિેટ વિતરણ સહિતનો સમાપન સમારોહ શક્તિ, શૌર્ય અને સંસ્કૃતિના માહોલ વચ્ચે ભવ્ય રીતે યોજાયો હતો.પ્રાપ્ત વિગતો અનુસાર સમસ્ત હિન્દુ સમાજની ભાવિ પેઢીમાં સ્વરક્ષણ અને પરંપરાગત શસ્ત્ર્રકળા પ્રત્યે જાગૃતિ લાવવાના હેતુથી પાછલા દોઢેક મહિનાથી આયોજિત તાલીમ વર્ગમાં સ્થાનિક મોટી સંખ્યામાં યુવક યુવતીઓએ ઉત્સાહપૂર્વક ભાગ લીધો હતો. તાલીમ વર્ગના ટ્રેનર તરીકે નિકિતાબા ગોહિલે દરેક યુવક, યુવતીઓ અને બાલિકાઓએ તલવારબાજી સહિત વિવિધ શસ્ત્રકળા અંગેના કરતબો શીખવ્યા હતા. જે તાલીમના સમાપન સાથે શુક્રવારે સમારોહના મુખ્ય આકર્ષણ તરીકે તાલીમાર્થીઓ દ્વારા રજૂ કરાયેલ તલવારબાજી અને સ્વરક્ષણના કરતબો બતાવીને પ્રશિક્ષણની નિપુણતા રજૂ કરી હતી. ખાસ કરીને કિશોર વયના બાળકોએ પોતાના આત્મવિશ્વાસપૂર્વક વિવિધ દાવપેચ અને શસ્ત્રકળાનું પ્રદર્શન કરીને ઉપસ્થિત સૌને મંત્રમુગ્ધ કરી દીધા હતા. આ પ્રસંગે મુખ્ય મહેમાન તરીકે ક્ષત્રિય કરણી સેનાના રાષ્ટ્રીય ઉપાધ્યક્ષ મનીષસિંહ પરમાર તથા ગુજરાત ક્ષત્રિય કરણી સેનાના pradesh પ્રવક્તા સંજયસિંહ રાજ સહિત અગ્રણી ક્ષત્રિય સમાજના આગેવાનોએ ઉપસ્થિત રહીને તાલીમાર્થીઓને પ્રોત્સાહિત કર્યા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
ગોધરા શહેરથી દરૂણીયા ગામ તરફ જવાનો રસ્તો તદ્દન બિસમાર
calendar_today June 6, 2026

ગોધરા શહેરથી દરૂણીયા ગામ તરફ જવાનો રસ્તો તદ્દન બિસમાર

ગોધરા શહેરથી દરૂણીયા ગામ તેમજ અન્ય ગામો તરફ્ જવાનો રસ્તો અત્યંત બિસમાર હાલતમાં છે, જેને RCC માર્ગ બનાવવા ગ્રામજનોએ માગ કરી છે.ગોધરા શહેરથી દરૂણીયા ગામ તરફ્ જવાનો માર્ગ તદન બિસમાર હાલતમાં છે. આ માર્ગ ઉપરથી દેવતલાવડી મંદિર, વિજય ઇન્ટરનેશનલ સ્કૂલ, વિજય ક્રિકેટ એકેડેમી અને વિશાળ કેમ્પસ તેમજ દરૂણીયા ગામ આવેલું છે. આ રસ્તા સાથે બીજા નાના ગામો સંકળાયેલા છે. જ્યાં મોટી સંખ્યામાં ગ્રામજનો, શ્રાદ્ધાળુઓ તેમજ સ્કૂલમાં અને કેમ્પસમાં આવતા જતા વિધાર્થીઓની સાથે રાહદારીઓ, વાહન ચાલકો આ માર્ગનો ઉપયોગ કરી રહ્યા છે. જે માર્ગ ખખડધજ સાથે બિસ્માર હોવાના કારણે અહીંથી પસાર થતા હજારો લોકોને ભારે હાલાકીનો સામનો કરવો પડી રહ્યો છે. આ માર્ગનો ગ્રામજનો કરી રહ્યા છે. ત્યારે આ માર્ગને ચોમાસા પહેલા તત્કાલિક અસરથી પાકો RCC બનાવવામાં આવે તો લોકોને ચોમાસાની સિઝનમાં ભારે રાહત મળી શકે તેમ છે અને આ માર્ગ વહેલી તકે પંચમહાલ જિલ્લાના વહીવટીતંત્ર ના સબંધિત વિભાગ દ્વારા ધ્યાન ઉપર રાખી બનાવવામાં આવે તેવી માંગ કરવામાં આવી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
શહેરા નગર અને તાલુકામાં વિશ્વ પર્યાવરણ દિવસની ઉજવણી કરાઈ
calendar_today June 6, 2026

શહેરા નગર અને તાલુકામાં વિશ્વ પર્યાવરણ દિવસની ઉજવણી કરાઈ

શહેરા : શહેરા નગર અને તાલુકામાં વિશ્વ પર્યાવરણ દિવસની ઉજવણી કરાઈ હતી. નોર્મલ રેન્જ અને સામાજિક વનીકરણ વિભાગ દ્વારા પ્રકૃતિના જતન અને પર્યાવરણને બચાવવાના સંદેશ સાથે મુખ્ય તળાવના કિનારે તેમજ સલામપુર ગામે આવેલ રાષ્ટ્રીય વન ઉદ્યાન ખાતે જિલ્લા ભાજપ મહામંત્રી જીગ્નેશ પાઠકના અધ્યક્ષ સ્થાને વૃક્ષારોપણના કાર્યક્રમો યોજાયા હતા. મહાનુભાવોના હસ્તે શાસ્ત્રોક્ત વિધિ અને પ્રકૃતિ વંદના સાથે છોડ રોપીને આ અભિયાનની શરૂઆત કરાઈ હતી. વનવિભાગ દ્વારા અલગ-અલગ ટીમો બનાવીને ગ્રામ્ય વિસ્તારોને પણ આ મોહિમમાં સાંકળી લેવાયા હતા. મરડેશ્વર, વાંટાવછોડા, દલવાડા તેમજ વાઘજીપુર સહિતના વિવિધ ગામોમાં વ્યાપક પ્રમાણમાં વૃક્ષારોપણ કરાયું હતું. વનવિભાગ દ્વારા સ્થાનિક આબોહવાને અનુકૂળ અને ઓક્સિજનનું વધુ ઉત્સર્જન કરતા જુદા-જુદા પ્રકારના પર્યાવરણ ઉપયોગી વૃક્ષો રોપાયા હતાં. જેમાં વન વિભાગ નોર્મલના આર.એફ્.ઓ.વિજય ગઢવી, વિસ્તરણ રેન્જના આર.એફ્.ઓ. જયંતિ બારીયા, નગરપાલિકા પ્રમુખ શીતલ પરમાર, નગરપાલિકા ઉપપ્રમુખ હિંમતસિંહ પગી સાથે નગરજનો ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward