android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabad News: આશ્રમ રોડ પર દેવનંદન મેગા મોલની હોટલમાં આગ લાગી
calendar_today June 6, 2026

Ahmedabad News: આશ્રમ રોડ પર દેવનંદન મેગા મોલની હોટલમાં આગ લાગી

અમદાવાદના હાર્દ સમાન અને હંમેશા ટ્રાફિકથી ધમધમતા આશ્રમ રોડ પરથી એક આગની મોટી દુર્ઘટનાના સમાચાર સામે આવ્યા છે. અમદાવાદના આશ્રમ રોડ પર સ્થિત જાણીતા દેવનંદન મેગા મોલમાં આવેલી એક હોટલમાં અચાનક આગ ફાટી નીકળતાં સમગ્ર વિસ્તારમાં ભારે અફરાતફરી અને દોડધામ મચી ગઈ હતી. જોકે, ઘટનાની જાણ થતાં જ ફાયર બ્રિગેડનો મોટો કાફલો ઘટના સ્થળે દોડી ગયો હતો.મોલની હોટલ ટ્રેઝર ડાઇનમાં સર્જાયો અકસ્માતઘટનાની મળતી વિગતો અનુસાર, આશ્રમ રોડ પર આવેલા દેવનંદન મેગા મોલની અંદર કાર્યરત 'હોટલ ટ્રેઝર ડાઇન'માં આ આગનો અકસ્માત સર્જાયો હતો. હોટલમાંથી અચાનક ધુમાડાના ગોટેગોટા નીકળતા જોઈને મોલમાં હાજર લોકો અને સ્ટાફ જીવ બચાવવા માટે બહાર દોડી આવ્યા હતા. આગના કારણે થોડીવાર માટે આશ્રમ રોડ પર ટ્રાફિક જામ અને હોબાળા જેવી સ્થિતિ સર્જાઈ ગઈ હતી.ફાયર બ્રિગેડની 8 ગાડીઓ ઘટના સ્થળે, મોટી જાનહાનિ ટળીઆગની ગંભીરતાને ધ્યાનમાં રાખીને તાત્કાલિક ફાયર કંટ્રોલ રૂમને જાણ કરવામાં આવી હતી. બાતમી મળતા જ ફાયર વિભાગના ઉચ્ચ અધિકારીઓ સહિત 8 ફાયર ટેન્ડરોનો કાફલો તાબડતોબ ઘટના સ્થળે પહોંચી ગયો હતો. ફાયર ફાયટરોએ ભારે જહેમત બાદ હોટલમાં લાગેલી આગ પર સંપૂર્ણ કાબૂ મેળવી લીધો હતો. સદનસીબે આ સમગ્ર ઘટનામાં કોઈ જાનહાનિના સમાચાર નથી, જેના કારણે તંત્રએ રાહતનો શ્વાસ લીધો છે.આગનું કારણ હજુ અકબંધહોટલ ટ્રેઝર ડાઇનમાં આ આગ કયા કારણોસર લાગી તેનું ચોક્કસ કારણ હજુ સુધી સત્તાવાર રીતે બહાર આવ્યું નથી. પ્રાથમિક દ્રષ્ટિએ શોર્ટ સર્કિટ અથવા કિચન ગેસના કારણે આગ લાગી હોવાની આશંકા સેવાઈ રહી છે. હાલમાં ફાયર વિભાગ અને સ્થાનિક પોલીસ દ્વારા આગ લાગવાના ચોક્કસ કારણો જાણવા માટે તપાસ હાથ ધરવામાં આવી છે.આ પણ વાંચો - વાંચો 7 જૂનના રોજ બનનારી મહત્વની ઘટનાઓ વિશે

Read Full Story arrow_forward
Mehsana News: પોલીસનો મોટો સપાટો, DySP સહિતનો કાફલો સઘન ફૂટ પેટ્રોલિંગ માટે રસ્તા પર ઉતર્યો
calendar_today June 6, 2026

Mehsana News: પોલીસનો મોટો સપાટો, DySP સહિતનો કાફલો સઘન ફૂટ પેટ્રોલિંગ માટે રસ્તા પર ઉતર્યો

મહેસાણા શહેરમાં કાયદો અને વ્યવસ્થાની સ્થિતિ વધુ મજબૂત કરવા તેમજ ગુનેગારો પર લગામ કસવા માટે પોલીસ એક્શન મોડમાં આવી છે. ડીવાયએસપી (DySP) સહિત સિટી બ્રાંચના પીઆઈ અને મોટી સંખ્યામાં પોલીસ જવાનો એકસાથે રસ્તા પર ઉતરી આવ્યા છે. પોલીસની અલગ-અલગ ટીમો દ્વારા શહેરના વિવિધ સંવેદનશીલ વિસ્તારોમાં સઘન ફૂટ પેટ્રોલિંગ અને વાહન ચેકિંગની મેગા ડ્રાઈવ શરૂ કરવામાં આવી છે.જ્વેલરી માર્કેટમાં એલર્ટ અને સંવાદ આ વિશેષ ઝુંબેશ અંતર્ગત પોલીસ કાફલાએ ખાસ કરીને શહેરના મુખ્ય જ્વેલરી માર્કેટ સહિતના વેપારી વિસ્તારોની મુલાકાત લીધી હતી. કિંમતી જણસોનો વેપાર કરતા વેપારીઓની સુરક્ષા માટે પોલીસ અહીં હાઈ એલર્ટ પર જોવા મળી હતી. અધિકારીઓએ સ્થાનિક વેપારીઓ સાથે સીધો સંવાદ કર્યો હતો અને દુકાનોમાં ફરજિયાત સીસીટીવી (CCTV) કેમેરા લગાવવા માટે ખાસ અપીલ કરી હતી. ટ્રાફિક અને શંકાસ્પદો સામે કડક ચેકિંગ પોલીસે નંબર પ્લેટ વગરના અને કાચ પર કાળા ફિલ્મ લગાવીને ફરતા વાહનો સામે કડક ચેકિંગ હાથ ધરી દંડનીય કાર્યવાહી શરૂ કરી છે. આ ઉપરાંત, રાત્રિના સમયે નશાની હાલતમાં વાહન ચલાવનારા તેમજ ગેરકાયદેસર હથિયારો રાખતા શંકાસ્પદ ઈસમો વિરૂદ્ધ કાયદાના કડક હાથે પગલાં લેવા માટે ચક્રો ગતિમાન કર્યા છે. આ કામગીરીથી અસામાજિક તત્વોમાં ભારે ફફડાટ વ્યાપી ગયો છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Ahmedabadમાં પર્યાવરણ પ્રેમીઓને આંચકો: રાજપથ ક્લબ પાસે મંજૂરી વગર 3 લીલાછમ વૃક્ષો કાપી નંખાયા
calendar_today June 6, 2026

Ahmedabadમાં પર્યાવરણ પ્રેમીઓને આંચકો: રાજપથ ક્લબ પાસે મંજૂરી વગર 3 લીલાછમ વૃક્ષો કાપી નંખાયા

અમદાવાદ શહેરમાં ગ્રીન કવર વધારવાના દાવાઓ વચ્ચે વનસ્પતિ અને પર્યાવરણ પ્રેમીઓને આંચકો આપતી એક ઘટના સામે આવી છે. એસ.જી. હાઈવે પર આવેલી જાણીતી રાજપથ ક્લબના ગેટ પાસે ફૂટપાથ પર આવેલા લીમડા સહિત ત્રણ કિંમતી વૃક્ષોને કોઈપણ મંજૂરી વગર જડમૂળથી કાપી નાખવામાં આવ્યા છે. આશ્ચર્યની વાત એ છે કે આ કૃત્ય 'વિશ્વ પર્યાવરણ દિવસ'ની ઉજવણીના બીજા જ દિવસે આચરવામાં આવતાં સ્થાનિકોમાં ભારે રોષ જોવા મળી રહ્યો છે.મંજૂરી વગર ફૂટપાથ પરના લીમડાને આખો કાપી નાખવામાં આવ્યો મળતી વિગતો મુજબ, રાજપથ ક્લબના મુખ્ય ગેટ નજીક ફૂટપાથ પર વર્ષો જૂના અને ઘટાદાર વૃક્ષો આવેલા હતા, જે રાહદારીઓને છાંયડો આપતા હતા. જોકે, કેટલાક અજ્ઞાત તત્વો દ્વારા મ્યુનિસિપલ કોર્પોરેશનની કોઈ પણ જાતની પૂર્વ મંજૂરી લીધા વિના જ અહીં કુહાડી ફેરવી દેવામાં આવી હતી. લીમડાના એક મોટા વૃક્ષ સહિત અન્ય બે ઝાડને પણ નિર્મમતાપૂર્વક કાપીને રસ્તો સાફ કરી દેવાયો હતો. પર્યાવરણ દિવસના બીજા જ દિવસે ઘટના; AMC દ્વારા તપાસ શરૂ ગઈકાલે જ આખા દેશ અને રાજ્યમાં પર્યાવરણ બચાવવાના મોટા-મોટા શપથ લેવામાં આવ્યા હતા, ત્યારે તેના બીજા જ દિવસે બનેલી આ ઘટનાએ તંત્રની ઊંઘ ઉડાડી દીધી છે. આ મારે સોશિયલ મીડિયા અને સ્થાનિક સ્તરે વિરોધ ઉઠતા જ અમદાવાદ મ્યુનિસિપલ કોર્પોરેશન (AMC)ની ટીમ હરકતમાં આવી છે. એએમસીના ઉચ્ચ અધિકારીઓ દ્વારા આ મામલે તાત્કાલિક તપાસના આદેશ આપવામાં આવ્યા છે. આસપાસના સીસીટીવી ફૂટેજના આધારે કોર્પોરેશનની મંજૂરી વગર લીલાછમ વૃક્ષોનું નિકંદન કાઢનારા જવાબદારો સામે કડક કાયદેસરની કાર્યવાહી કરવાની તંત્ર દ્વારા તૈયારી દર્શાવવામાં આવી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward