android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Bharuch: ઝઘડિયા ડીસીએમ શ્રીરામ કંપની દ્વારા વૃક્ષા રોપણ કરાયું
calendar_today June 6, 2026

Bharuch: ઝઘડિયા ડીસીએમ શ્રીરામ કંપની દ્વારા વૃક્ષા રોપણ કરાયું

ઝઘડિયા : ઝઘડિયા જીઆઇડીસી ની ડીસીએમ શ્રીરામ કંપની દ્વારા વિશ્વ પર્યાવરણ દિવસની ઉત્સાહભેર ઉજવણી કરવામાં આવી હતી. કાર્યક્રમનો પ્રારંભ ગુજરાત પ્રદૂષણ નિયંત્રણ બોર્ડના પ્રતિનિધિઓ એલ. વી. બ્રહ્મભટ્ટ, ભાવેશ ગોસાઈ અને પલક પાંડે તેમજ સાઇટના વરિષ્ઠ અધિકારીઓ બી. એમ. પટેલ, યુનિટ હેડ ડૉ. આર. પી. એસ. ચૌહાણ, એચઆર હેડ જયંતિ પરમાર અને એન્વાયરમેન્ટ હેડ સંદીપન માંદ્રેની ઉપસ્થિતિમાં કરવામાં આવ્યો હતો. કર્મચારીઓ, કોન્ટ્રાક્ટ વર્કફેર્સ અને અધિકારીઓનીભાગીદારી સાથે પર્યાવરણ જાગૃતિ રેલીનું આયોજન કરાયુ હતું અને ત્યાર બાદ વૃક્ષારોપણ યોજાયું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Idar: ઇડર બસ સ્ટેન્ડમાં નવી બે બસોનું લોકાર્પણ કરાયું
calendar_today June 6, 2026

Idar: ઇડર બસ સ્ટેન્ડમાં નવી બે બસોનું લોકાર્પણ કરાયું

ગુજરાત રાજ્ય માર્ગ પરિવહન નિગમ દ્વારા મુસાફરોને વધુ સારી અને સુવિધાસભર પરિવહન સેવા ઉપલબ્ધ કરાવવા માટે સતત પ્રયાસો કરવામાં આવી રહ્યા છે. તેના ભાગરૂપે શુક્રવારે ઇડર બસ સ્ટેન્ડમાં નવી બે બસોના લોકાર્પણ કાર્યક્રમનું આયોજન કરવામાં આવ્યું હતું. જે પ્રસંગે ધારાસભ્યએ ઈડરના સામાન્ય કાર્યકર પાસે રિબીન કપાવતાં શહેરીજનોમાં ભારે આનંદની લાગણી પ્રસરી હતી.આ કાર્યક્રમ દરમિયાન ઇડર-વડોદરા અને ઇડર-ગાજીપુર રૂટ પર દોડનારી નવી બસોનું લોકાર્પણ કરાયું હતું. જે પ્રસંગે ઇડરના ધારાસભ્ય રમણ વોરા ઉપસ્થિત રહ્યા હતા. વિશેષ વાત એ હતી કે, ધારાસભ્યએ લોકાર્પણનું જશ ભાજપના કાર્યકર શૈલેષ સગરને આપ્યો હતો અને તેના હસ્તે રિબીન કપાવી નવી બસોનું ઉદ્દઘાટન કરાવ્યું હતું. કાર્યક્રમમાં ઇડર પાલિકાના પ્રમુખ અનસુયાબેન પટેલ, કોલેજના પ્રમુખ અશ્વિન પટેલ, ઇડર એસ.ટી.ડેપોના મેનેજર હાર્દિક સગર સહિત ભાજપના કાર્યકરો અને આગેવાનો હાજર રહ્યા હતા. લોકાર્પણ બાદ ધારાસભ્ય તથા ઉપસ્થિત કાર્યકરોએ નવી બસમાં બેસી પ્રતિકાત્મક મુસાફરી કરી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dahod: દેવગઢબારીઆ તાલુકાના ગામોમાં નલ સે જલ યોજના માત્ર કાગળ પર
calendar_today June 6, 2026

Dahod: દેવગઢબારીઆ તાલુકાના ગામોમાં નલ સે જલ યોજના માત્ર કાગળ પર

દેવગઢબારીઆ તાલુકાના ગ્રામ્ય વિસ્તારમાં ઘરે ઘરે પીવાનું શુદ્ધ પાણી મળી રહે તે માટે ગુજરાત સરકારની નલ સે જલ યોજના મંજુર કરાઈ હતી. જે માટે કેટલીય ખાનગી એજન્સીઓ દ્વારા કામગીરી કરાઈ હતી. પરંતુ આજદિન સુધી કોઈ ગામમાં આ નલ સે જલ યોજનાનું પાણી નહીં પહોંચતાં ગ્રામજનોમાં છૂપો આક્રોશ જોવા મળી રહ્યો છે.દેવગઢબારીઆ તાલુકાના દરેક ગામમાં પાણી સમિતિ બનાવી સરપંચ તથા તલાટીની સીધી દેખરેખ હેઠળ નલસે જલ યોજનાનું અમલીકરણ કરવાનું હતું, પરંતુ જિલ્લા પાણીપુવઠા વિભાગ દ્વારા દરેક ગ્રામ પંચાયતોના કામ અલગ અલગ વિસ્તારમાં ખાનગી એજન્સીઓને આપવામાં આવ્યું હતું. જે એજન્સીઓએ ગામોમાં દેખાવ પૂરતુ કામ કરી અધૂરી કામગીરી છોડી દીધી હતી. જેને કારણે એકપણ ગામમાં યોજના પૂર્ણ થઈ નથી છતાં, જે તે પંચાયતના તલાટી અથવા વહીવટદાર તથા સરપંચે ગામમાં તમામ ઘરોમાં પીવાનું પાણી પહોંચતું થઈ ગયું હોવાના ખોટા અભિપ્રાય આપીને ગ્રામપંચાયત કચેરીમાંથી નાણા ફાળવી દઈ સરકારને ચુનો ચોપડયો હોવાની ફરિયાદો ઉઠી છે. મોટાભાગની ગ્રામપંચાયત દ્વારા આ નલ સે જલ યોજનાની કામગીરીનું કમ્પ્લિશન સર્ટિફ્કિેટ પણ આપી દેવાયું હોવાના આક્ષેપ થઈ રહ્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward