android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Vadodara: પાદરામાં રાહતદરના દવાખાનાને આધુનિક તબીબી સાધનોની ભેટ
calendar_today June 5, 2026

Vadodara: પાદરામાં રાહતદરના દવાખાનાને આધુનિક તબીબી સાધનોની ભેટ

પાદરા ખાતે રાહતદરે આરોગ્ય સેવા પૂરી પાડતા સરદાર પટેલ મેડિકલ ચેરિટેબલ ટ્રસ્ટ સંચાલિત દવાખાનાને ઉમરાયા ગામ સ્થિત આક્રોમા ઇન્ટરનેશનલ ઈન્ડિયા પ્રા. લી. દ્વારા કંપનીના CSR કાર્યક્રમ અંતર્ગત લાખો રૂપિયાની કિંમતના બે અત્યાંધુનિક તબીબી મશીનો નિઃશુલ્ક ભેટ અપાયા હતા. જે પ્રસંગે કંપનીના એચ.આર. હેડ હેમંત પટેલ, ફેસિલિટી મેનેજર કૃતિકા ગાંધી તથા સીએસઆર પ્રતિનિધિ ગીતા રાઠવા દ્વારા રિબન કાપી મશીનોનું લોકાર્પણ કરાયું હતું.દવાખાનાને ભેટ સ્વરૂપે આપેલા સાધનોમાં મોતિયાના ઓપરેશન માટે ઉપયોગી અત્યાધુનિક ફેકો (Phaco) મશીન તેમજ કિયુસ્ક હેલ્થ મશીનનો સમાવેશ થાય છે. કિયુસ્ક હેલ્થ મશીન દ્વારા શરીરના વિવિધ પરિમાણોના અંદાજે 65 પ્રકારના ટેસ્ટ અને રિપોર્ટ મેળવી શકાશે. જેના કારણે દર્દીઓને પ્રાથમિક આરોગ્ય તપાસથી લઈને વિવિધ ટેસ્ટ માટે એક જ સ્થળે સુવિધા ઉપલબ્ધ બનશે. હવે ગરીબ, મધ્યમવર્ગ અને જરૂરિયાતમંદ દર્દીનું ઝડપી અને વધુ ચોકસાઈપૂર્વક નિદાન શક્ય બનશે. ખાસ કરીને આંખના દર્દીઓ માટે ફેકો મશીન આશીર્વાદરૂપ સાબિત થશે, જ્યારે કિયુસ્ક હેલ્થ મશીન દ્વારા સામાન્ય જનતાને આરોગ્ય સંબંધિત વિવિધ તપાસ રાહતદરે અને સરળતાથી મળી શકશે તેમ કંપની એચ આર હેડ હેમંત પટેલ અને ફેસીલીટી મેનેજર કૃતિકા ગાંધીએ જણાવ્યું હતું. કાર્યક્રમમાં સરદાર પટેલ ચેરિટેબલ ટ્રસ્ટના પ્રમુખ સુરેશ ઠક્કર, ઉપપ્રમુખ ગજેન્દ્ર પાઠક સહિત ટ્રસ્ટના યશવંત પટેલ ઈલીઝીયમવાળા, મુકેશ ઠક્કર, પ્રદીપ ગાંધી, સૂર્યકાંત ચોકસી, મહેન્દ્ર શાહ, સહિત દવાખાનામાં રાહતદરે સેવા આપતા તબીબો અને સ્ટાફ્ ખાસ ઉપસ્થિત રહ્યા હતા. તેમણે આક્રોમા ઇન્ટરનેશનલ ઈન્ડિયા પ્રા. લી. દ્વારા કરયેલી સેવાકીય પહેલને બિરદાવી કંપનીના અધિકારીઓનો આભાર વ્યક્ત કર્યો હતો. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Vadodara: ડભોઈમાં સરકારી દવાખાનામાં બે પોલીસ કર્મી. પર જીવલેણ હુમલો
calendar_today June 5, 2026

Vadodara: ડભોઈમાં સરકારી દવાખાનામાં બે પોલીસ કર્મી. પર જીવલેણ હુમલો

ડભોઈમાં કાયદો અને વ્યવસ્થાની સ્થિતિ સામે લાલબત્તી ધરતો વધુ એક સળગતો કિસ્સો પ્રકાશમાં આવ્યો છે. જ્યાં સામાન્ય જનતાની સુરક્ષા કરતી ખાખી પર જ માથાભારે તત્વોએ સરેઆમ જીવલેણ હુમલો કર્યો છે. ગુનેગારોમાં કાયદાનો કોઈ ભય જ ન રહ્યો હોય તેમ, ઉશ્કેરાયેલા ટોળાએ ઓન ડયુટી હેડ કૉન્સ્ટેબલ અને કૉન્સ્ટેબલ પર જાનથી મારી નાખવાના ઈરાદે ઇંટોના પથ્થર ફ્ટકારી લોહીલુહાણ કરી દીધા હતા.સરકારી દવાખાનામાં ધોળા દિવસે ફ્રજ પર 10થી વધુ શખ્સોએ જીવલેણ હુમલો કર્યો હતો.ડભોઈમાં મહુડી ભાગોળમાં ઘર પાસે મૂકેલું છોડનું પિંજરું હટાવવા મુદ્દે બે પક્ષ વચ્ચે બે દિવસ અગાઉ ઝઘડો થયો હતો. જે બાદ આ સમગ્ર પ્રકરણ ડભોઈ પોલીસ સ્ટેશન પહોંચ્યું હતું. ફરિયાદની તપાસના કામે ડભોઈ પોલીસના બે કર્મચારીઓ પરવેઝ ઉર્ફે રાજા નામના શખ્સને ગઈકાલે પોલીસ સ્ટેશન લાવ્યા હતાં. ત્યારબાદ પરવેઝને લઈ હેડ કૉન્સ્ટેબલ અને કૉન્સ્ટેબલ લગભગ બપોરે પોણા બે વાગે ડભોઈના સરકારી દવાખાને લઈ ગયા હતાં. જ્યાં પરવેઝના ઓળખીતાઓ ભેગા થયા હતાં. દરમિયાન પરવેઝ ઉર્ફે રાજા સિકંદર ગરાસિયાએ ઉશ્કેરણી કરી હતી કે, આ પોલીસવાળા આપણને જ પકડે છે અને સામાવાળાઓને પકડતા નથી, જેથી આજે તેઓને જાનથી મારી નાખો. જેના પગલે ત્યાં હાજર બીજા શખ્સ એકસંપ થઈ ગેરકાયદેસર મંડળી રચી અને આસીફ્ તથા હસનેન ઉર્ફે મુન્સીએ જાનથી મારી નાખવાના ઈરાદે ઇંટોના ટુકડા છુટા મારી હેડ કૉન્સ્ટેબલ નવીનના માથાના ભાગે તથા છાતીના ભાગે ગંભીર જીવલેણ ઈજાઓ પહોંચાડી હતી. અન્ય આરોપીઓએ પણ કૉન્સ્ટેબલ શુભમને બેરહેમીથી માર મારી તેમની સરકારી ફ્રજમાં રૂકાવટ ઊભી કરી હતી. બીજી તરફ, HC નવીનને માથામાંથી લોહી નીકળતા તાત્કાલિક સારવાર માટે દવાખાનાની અંદર લઈ જવાયા હતાં. જ્યાં તેમને માથામાં ચાર ટાંકા આવ્યાં હતાં. ધોળા દિવસે બનેલી ઘટનાથી ઈજાગ્રસ્ત નવીનભાઇએ ફરિયાદ નોંધાવી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Chhotaudepur:ઘેલવાંટ ગામે ટ્રકની ટક્કરે ટ્રેક્ટર પાછળ બેસેલ યુવાનનું મોત થયું
calendar_today June 5, 2026

Chhotaudepur:ઘેલવાંટ ગામે ટ્રકની ટક્કરે ટ્રેક્ટર પાછળ બેસેલ યુવાનનું મોત થયું

છોટાઉદેપુરના માલધી ગામના યુવાન ટ્રેક્ટરમાં ડીઝલ ભરાવવા માલધીથી છોટાઉદેપુર આવતો હતો. ત્યારે ઘેલવાંટ ગામ પાસે ટ્રક થાંભલા ભરેલી ટ્રકે ટ્રેક્ટરને ટક્કર મારતા બે ઇસમ ફ્ંગોળાઈને નીચે પડયા હતા. જેમાંટ્રકના ટાયર નીચે દબાઈ જતા માલધી ગામના યુવાન અંકિત ઈશ્વર રાઠવા (ઉ.19)નું કરુણ મોત થયું હતું. જ્યારે ઇશ્વરભાઇ રાઠવા (ઉ. 42)ને ઈજા થઈ હતી.ઉલ્લેખનિય છે કે, છોટાઉદેપુરના ઘેલવાંટ ગામ પાસે ટ્રક અને ટ્રેક્ટર વચ્ચે ધડાકાભેર અકસ્માત સર્જાયો હતો. ટ્રકચાલકે ટ્રેક્ટરને ટક્કર મારતાં ટ્રેક્ટર પાછળ બેઠેલો અંકિત રાઠવા (ઉં.19) નીચે પડી ગયો હતો. જે ટ્રકની અડફેટે આવી જતાં તેનું મોત નીપજ્યું હતું. જ્યારે ટ્રેક્ટર ચાલક ઇશ્વરભાઇ રાઠવા (ઉં.42)ને ઇજા થઈ હતી. પોતાના ઘરે માલધી ગામથી ટ્રેક્ટર લઈને છોટાઉદેપુર ખાતે ડીઝલ ભરાવવા આવતા ઘેલવાંટ પાસે છોટાઉદેપુર આવતો યુવાન મોતને ભેટયો હતો. અકસ્માતની ઘટના સર્જાતા પોલીસ ઘટના સ્થળે પહોંચી ગઈ હતી. અને કાર્યવાહી હાથ ધરી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward