android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Junagadh News: વંથલીમાં ખનીજ માફિયાઓ પર ખાણ વિભાગની તવાઈ, ખનીજ માફિયાઓમાં ફેલાયો ફફડાટ
calendar_today June 4, 2026

Junagadh News: વંથલીમાં ખનીજ માફિયાઓ પર ખાણ વિભાગની તવાઈ, ખનીજ માફિયાઓમાં ફેલાયો ફફડાટ

જુનાગઢના વંથલી પંથકમાંથી ગેરકાયદેસર ખનન પ્રવૃત્તિ વિરૂદ્ધ એક મોટા સમાચાર સામે આવ્યા છે. ખાણ અને ખનીજ વિભાગે વંથલી વિસ્તારમાં વ્યાપક દરોડા પાડીને ખનીજ માફિયાઓ વિરૂદ્ધ અત્યાર સુધીની સૌથી મોટી કાર્યવાહી હાથ ધરી છે. આ સઘન તપાસ દરમિયાન તંત્ર દ્વારા ઘટનાસ્થળેથી કરોડો રૂપિયાના વાહનો અને મશીનરી સહિતનો મુદ્દામાલ જપ્ત કરવામાં આવતા ગેરકાયદે ખનન કરતા તત્વોમાં ભારે ફફડાટ વ્યાપી ગયો છે.બાતમીના આધારે સઘન તપાસ વંથલી પંથકમાં લાંબા સમયથી મોટા પાયે ગેરકાયદેસર રીતે ખનીજ ચોરી થતી હોવાની ફરિયાદો અને બાતમી ખાણ-ખનીજ વિભાગને મળી રહી હતી. આ અહેવાલોને પગલે ખાણ ખનીજ વિભાગના ઉચ્ચ અધિકારીઓની ટીમ દ્વારા વંથલીના શંકાસ્પદ વિસ્તારોમાં અચાનક સઘન સર્ચ ઓપરેશન હાથ ધરવામાં આવ્યું હતું. તપાસ દરમિયાન અધિકારીઓએ ગેરકાયદે ખનન થતા સ્થળો પર રેડ પાડીહતી અને સ્થળ પરથી જ ખનન કાર્યમાં વપરાતા મસમોટા વાહનો અને અન્ય સાધનો રંગેહાથ પકડી પાડ્યા હતા. રૂ.3 કરોડથી વધુનો મુદ્દામાલ સીઝ ખાણ વિભાગની આ આકસ્મિક અને કડક કાર્યવાહીમાં ઘટનાસ્થળેથી જે વાહનો અને હિટાચી કે જેસીબી જેવા કિંમતી મશીનો કબ્જે કરવામાં આવ્યા છે, તેની અંદાજિત કિંમત રૂપિયા 3 કરોડથી વધુ હોવાનું સામે આવ્યું છે. તંત્ર દ્વારા આ તમામ વાહનો અને ગેરકાયદેસર રીતે ખોદાયેલું ખનીજ જપ્ત કરીને સીઝ કરવાની કાયદેસરની કાર્યવાહી હાથ ધરવામાં આવી છે. સરકારની તિજોરીને નુકસાન પહોંચાડીને કુદરતી સંપત્તિનું નિકંદન કાઢતા ભૂમાફિયાઓ પર આકરી તવાઈ આવતા સમગ્ર જુનાગઢ જિલ્લાના ખનીજ ચોરોમાં ફફડાટ મચી ગયો છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Jamnagar News: ખસીકરણના નામે ક્રૂરતા? આડેધડ સર્જરીથી શ્વાનોના મોત થતા પશુપ્રેમીઓમાં ભારે રોષ
calendar_today June 4, 2026

Jamnagar News: ખસીકરણના નામે ક્રૂરતા? આડેધડ સર્જરીથી શ્વાનોના મોત થતા પશુપ્રેમીઓમાં ભારે રોષ

જામનગરમાં મહાનગરપાલિકાના તંત્ર દ્વારા હાથ ધરવામાં આવતી રખડતા શ્વાનોના ખસીકરણ (Sterilization)ની કામગીરી વિવાદોના વંટોળે ચડી છે. તંત્ર દ્વારા આડેધડ અને બેદરકારીપૂર્વક કરવામાં આવતી સર્જરીના કારણે નિર્દોષ શ્વાનો લોહીલુહાણ હાલતમાં તરફડીને મોતને ભેટી રહ્યા હોવાના ગંભીર આક્ષેપો ઉઠ્યા છે. આ અમાનવીય પરિસ્થિતિને પગલે જામનગરના શ્વાન પ્રેમીઓ અને પશુ કલ્યાણ સંસ્થાઓમાં વહીવટી તંત્ર સામે ભારે આક્રોશ ફાટી નીકળ્યો છે.ભૂખ-તરસ અને ઇન્ફેક્શનના કારણે શ્વાનોના મોતપશુ પ્રેમીઓ દ્વારા મીડિયા સમક્ષ ખસીકરણ કેન્દ્રના ચોંકાવનારા સીસીટીવી (CCTV) અને વીડિયો ફૂટેજ રજૂ કરવામાં આવ્યા છે. આક્ષેપ છે કે સર્જરી કર્યા બાદ આ અબોલ જીવોને કોઈ પણ પ્રકારની પોસ્ટ-ઓપરેટિવ કેર (ઓપરેશન પછીની સંભાળ) આપવામાં આવતી નથી. એનિમલ લવર્સના જણાવ્યા મુજબ, કેન્દ્રમાં રાખવામાં આવેલા ઓપરેટેડ શ્વાનોને પૂરતા પ્રમાણમાં ભોજન કે પીવાનું પાણી પણ નસીબ થતું નથી, જેના કારણે તેઓ ભૂખ, તરસ અને સર્જરીના ઘાના ઇન્ફેક્શનથી પીડાઈને દમ તોડી રહ્યા છે. પશુપ્રેમીઓએ આપી આંદોલનની ચીમકી તંત્રની આ અણઘડ અને ક્રૂર કાર્યપદ્ધતિ સામે સવાલો ઉઠાવતા શ્વાન પ્રેમીઓએ જણાવ્યું છે કે, જો કોર્પોરેશન યોગ્ય અને વૈજ્ઞાનિક ઢબે ખસીકરણની પ્રક્રિયા હાથ ધરવામાં સક્ષમ ન હોય, તો આ જવાબદારી સ્થાનિક પશુ પ્રેમી સંસ્થાઓ ઉપાડવા તૈયાર છે. પશુઓ પ્રત્યેની આવી ઘોર બેદરકારી તાત્કાલિક બંધ કરવામાં આવે અને કસૂરવારો સામે કડક પગલાં લેવામાં આવે તેવી ઉગ્ર માંગ કરવામાં આવી છે. આ મામલે જો આગામી દિવસોમાં તંત્ર દ્વારા સુધારો કરવામાં નહીં આવે, તો પશુપ્રેમીઓએ ઉગ્ર આંદોલન કરવાની ચીમકી પણ ઉચ્ચારી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Junagadh News: મધુરમમાં સામાન્ય મુદ્દે યુવક પર હુમલો, પોલીસ ફરિયાદ ન થતાં આપઘાતનો પ્રયાસ
calendar_today June 4, 2026

Junagadh News: મધુરમમાં સામાન્ય મુદ્દે યુવક પર હુમલો, પોલીસ ફરિયાદ ન થતાં આપઘાતનો પ્રયાસ

જુનાગઢ શહેરના મધુરમ વિસ્તારમાંથી એક ચોંકાવનારી અને કાયદો-વ્યવસ્થાની સ્થિતિ સામે સવાલો ઊભા કરતી ઘટના સામે આવી છે. અહીં માત્ર લાઈટ રિપેરિંગ જેવી સામાન્ય બાબતમાં થયેલી બોલાચાલી બાદ એક યુવક પર ઘાતકી હુમલો કરવામાં આવ્યો હતો. આ મારામારીની સમગ્ર ઘટના નજીકના સીસીટીવી (CCTV) કેમેરામાં કેદ થઈ ગઈ છે. હુમલા બાદ પોલીસ દ્વારા કાયદેસરની કાર્યવાહી કે ફરિયાદ ન નોંધાતા, આઘાતમાં સરેલા ભોગ બનનાર યુવકે ઝેરી દવા ગટગટાવી આત્મહત્યા કરવાનો પ્રયાસ કર્યો હોવાનો ગંભીર આક્ષેપ ઉઠ્યો છે.સામાન્ય બોલાચાલી બાદ માર્યો ઢોર માર મધુરમ વિસ્તારમાં લાઈટ રિપેરિંગ કરવા જેવી નજીવી બાબતે સ્થાનિક સ્તરે બોલાચાલી થઈ હતી. ઉશ્કેરાયેલા શખ્સોએ યુવક તેમજ તેના માતા-પિતા સાથે અત્યંત અભદ્ર ગાળાગાળી શરૂ કરી દીધી હતી. ત્યારબાદ દબંગાઈ પર ઉતરી આવેલા શખ્સોએ યુવકને ઘેરી લીધો હતો અને તેની પર બેરહેમીપૂર્વક હુમલો કરી દીધો હતો. સીસીટીવી ફૂટેજમાં સ્પષ્ટ દેખાય છે કે હુમલાખોરોએ કઈ રીતે કાયદાના ડર વિના આતંક મચાવી યુવકને માર માર્યો હતો. પોલીસની નિષ્ક્રિયતાથી યુવકે અંતિમ પગલું ભર્યું આ ભયાનક હુમલાનો ભોગ બન્યા બાદ પીડિત પરિવાર ન્યાયની આશા સાથે સ્થાનિક પોલીસ સ્ટેશને પહોંચ્યો હતો. પરિવારનો આક્ષેપ છે કે ઘટનાના સીસીટીવી પુરાવા હોવા છતાં પણ પોલીસે હુમલાખોરો વિરૂદ્ધ કોઈ ફરિયાદ નોંધી ન હતી અને તેમને આંખ આડા કાન કર્યા હતા. ત્યારબાદ એક તરફ દબંગોનો માર અને બીજી તરફ પોલીસ તંત્રની ઘોર ઉપેક્ષાના કારણે યુવક સખત માનસિક આઘાતમાં સરી પડ્યો હતો. આ આઘાત અને ન્યાય ન મળવાના અજંપામાં યુવકે આત્મહત્યાનો પ્રયાસ કર્યો છે, જેને પગલે સમગ્ર વિસ્તારમાં ભારે ચકચાર મચી ગઈ છે અને પોલીસની ભૂમિકા સામે રોષ ફેલાયો છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward