android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Narmada: ચિકદા તા.ના 3 ગામોમાં ક્લસ્ટર આધારિત તાલીમનું આયોજન
calendar_today June 4, 2026

Narmada: ચિકદા તા.ના 3 ગામોમાં ક્લસ્ટર આધારિત તાલીમનું આયોજન

ચિકદા તાલુકાના ઉમરાણ, ભરાડા અને ઝાંખ ગ્રામ પંચાયતને આવરી લેતા ક્લસ્ટર વિસ્તારમાં પ્રાકૃતિક કૃષિ તાલીમ કાર્યક્રમ ઉમરાણ ગામે ખેડૂત કાંતિભાઈના નિવાસસ્થાને તેમજ ગ્રામ પંચાયત કચેરી ખાતે કરાયું હતું.તાલીમ દરમિયાન ખેડૂતોને ગાય આધારિત પ્રાકૃતિક ખેતી, જીવામૃત, ઘનજીવામૃત, બીજામૃત, આચ્છાદન, વાપસા સહિતની વિવિધ પ્રાકૃતિક ખેતી પદ્ધતિઓ અંગે વિસ્તૃત માહિતી આપવામાં આવી હતી. સાથે જ જમીનની ફ્ળદ્રુપતા જાળવી રાખવા, ઉત્પાદન ખર્ચમાં ઘટાડો કરવા તેમજ સ્વાસ્થ્યપ્રદ અને ગુણવત્તાયુક્ત પાક ઉત્પાદન માટે પ્રાકૃતિક ખેતીનું મહત્વ સમજાવાયું હતું. રાસાયણિક ખાતર અને જંતુનાશક દવાઓના અતિરેક ઉપયોગથી જમીન, પાણી અને માનવ સ્વાસ્થ્ય પર પડતી અસરો અંગે ખેડૂતોને માહિતગાર કરાયા હતા. ખાતરનો સંતુલિત અને જરૂરિયાત આધારિત ઉપયોગ કરવા, જમીન પરીક્ષણના આધારે ખાતર વ્યવસ્થાપન અપનાવવા તથા ટકાઉ કૃષિ પદ્ધતિઓ તરફ્ આગળ વધવા અપીલ કરાઈ હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Himatnagar: ખેડબ્રહ્મામાં કારમાં લઈ જવાતો રૂ.46 હજારનો દારૂ પકડાયો
calendar_today June 4, 2026

Himatnagar: ખેડબ્રહ્મામાં કારમાં લઈ જવાતો રૂ.46 હજારનો દારૂ પકડાયો

હિંમતનગર : સાબરકાંઠા જિલ્લામાં ખેડબ્રહ્મામાંથી મંગળવારે સ્થાનિક પોલીસે બાતમીને આધારે શહેરમાંથી પસાર થતી એક કારના ગુપ્ત ખાતામાંથી અંદાજે રૂ.46 હજારની કિંમતના દારૂ સાથે બે જણાની અટકાત કરી અંદાજે રૂ.3.46 લાખનો મુદ્દામાલ કબ્જે લીધો હતો. આ અંગે ખેડબ્રહ્માના પીઆઈ ડી.વી.હડાત તથા સ્ટાફના જણાવાયા મુજબ, મંગળવારે ખેરોજથી ખેડબ્રહ્મા આવી રહેલ કાર નં.જીજે.01એચટી.2526નો ચાલક તથા તેની બાજુની સીટમાં બેઠેલ એક ઈસમ પાસ પરમીટ વિના દારૂનો જથ્થો લઈ આવી રહ્યા છે જે આધારે ખેડબ્રહ્મા પોલીસે ખેડબ્રહ્માની ગ્રેવીટી સ્કૂલ આગળ વોચ ગોઠવી હતી. દરમિયાન બાતમી મુજબ, આવી રહેલ કારને પોલીસે અટકાવી કારની પાછળની સીટના નીચેના ભાગે બનાવેલ ગુપ્ત ખાનામાંથી રૂ.46 હજારની કિંમતની 24 બોટલ કબ્જે લીધી હતી. ત્યારબાદ પુછપરછ કરતાં રાજસ્થાનના કોવીયા ગામનો દેવીસિંહ રામસિંહ ચદાના અને ખેડબ્રહ્મા તાલુકાના બોરડી ગામના રાહુલ ફીરોજભાઈ ખાંટની પોલીસે અટક કરી દારૂ અને કાર મળી અંદાજે રૂ.46 લાખનો મુદ્દામાલ કબ્જે લઈ દેવીસિંહ અને રાહુલ ખાંટ વિરૂધ્ધ ખેડબ્રહ્મા પોલીસ સ્ટેશનમાં ફરિયાદ દાખલ કરાઈ હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dahod: દાહોદ સ્માર્ટ સિટીમાં સાઇન બોર્ડ પ્રોજેક્ટ નિષ્ફળ, જીવલેણ નીવડયો
calendar_today June 4, 2026

Dahod: દાહોદ સ્માર્ટ સિટીમાં સાઇન બોર્ડ પ્રોજેક્ટ નિષ્ફળ, જીવલેણ નીવડયો

દાહોદમાં સ્માર્ટ સીટીનુ સાઈન બોર્ડ પડતાં ત્રણ હતભાગીઓના મોત નીપજયા છે. આ ભારેખમ બોર્ડ તકલાદી રીતે લગાવાયુ હોવાનુ જણાય છે, ત્યારે હવે તપાસના ઘોડા દોડાવાશે પરંતુ શહેરમાં આ સાઇન બોર્ડ પ્રોજેક્ટમાં રૂા.6 કરોડથી વધુનું આંધણ કરવામાં આવ્યુ હોવાનુ કહેવાય છે. દાહોદમાં બે દિવસ પહેલા આવેલા વાવાઝોડામાં શહેરના ગરબાડા રોડ પર લગાવેલા સમીર સીટીનું મહાકાય બોર્ડ ધરાશાયી થતાં ઘટના સ્થળે જ એક વ્યક્તિનું મોત નીપજયુ હતુ જ્યારે અન્ય બે ઈજાગ્રસ્તના સારવાર દરમિયાન મોત નીપજતા સ્માર્ટ સીટીના સાઇન બોર્ડ પ્રોજેક્ટની પોલ ખુલી ગઈ હતી.આ બોર્ડ લગાવેલુ હતુ તેના પાયામાં કેવા અને કેટલા મજબૂત બોલ્ટ લગાવાયા હતા તે સ્પષ્ટ દેખાય છે અને જે તે એજનસી બોર્ડ લગાવીને છુટી થઈ હતી અને મેન્ટેનન્સના નામે મીંડુ હોવાની માહિતી પ્રાપ્ત થઈ છે.ત્યારે કલેક્ટર અને સ્માર્ટ સીટી ડેવલપમેન્ટ કંપનીના ચેરમેન થર્ડ પાર્ટી તપાસ કરાવવાનુ જણાવી રહ્યા છે.ત્યારે સવાલ એ ઉભો થાય છે કે જે તે સમયે સ્માર્ટ સીટીમાં સાઇન બોર્ડ લગાવવાનો પ્રોજેક્ટ શરૂ કરાયો ત્યારે સ્માર્ટ સીટી કંપનીના જવાબદાર સદસ્યોએ આ મામલે કશું જોયુ જ નહી હોય કે આટલા બોર્ડ લગાવ્યા પછી તેના મેન્ટેનન્સ નું શુ કરવાનુ ઉપરાંત કેટલા અંતરે કેટલા વજન ધરાવતા બોર્ડ લગાવ્યા છે. કારણ કે સ્માર્ટ સીટી દાહોદમાં સાઇન બોર્ડ પ્રોજેક્ટ હવે તો નિષ્ફ્ળની સાથે જીવલેણ પણ સાબિત થઈ ચુક્યો છે.કારણ કે જે તે સમયે 6 કરોડના ખર્ચે આડેધડ સાઇન બોર્ડ લગાવી દેવાયા હતા અને ત્યારે સ્માર્ટ રોડ બન્યા પણ ન હતા.માત્ર પ્રોજેક્ટ પૂર્ણ કરવાના હેતુથી લગાવાયેલા બોર્ડ દબાણ હટાવ ઝુંબેશ અને સ્માર્ટ રોડના કામ વખતે નેસ્ત નાબુદ કરી દેવાતાં કરોડો રૂ પાણીમાં ગયા છે અને સ્માર્ટ સીટીના શિલ્પીઓ આ તમાશો ચુપચાપ જોયા કર્યા તે પુરવાર થાય છે.જો સ્માર્ટ સીટીના સાઇન બોર્ડ પ્રોજેક્ટની તલસ્પર્શી તપાસ હાથ ધરવામાંઆવે તો ઘણાંના ચહેરા પરથી સાઇન ઉડી જાય તેવો પર્દાફશ થઈ શકે છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward