android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Botad: શ્રી પુરુષોત્તમ માસ નિમિત્તે શ્રી કષ્ટભંજનદેવ હનુમાનજી દાદાને કલાત્મક શણગાર અને છપ્પન ભોગ અન્નકૂટ ધરાવાયો
calendar_today June 4, 2026

Botad: શ્રી પુરુષોત્તમ માસ નિમિત્તે શ્રી કષ્ટભંજનદેવ હનુમાનજી દાદાને કલાત્મક શણગાર અને છપ્પન ભોગ અન્નકૂટ ધરાવાયો

સાળંગપુર : બોટાદ જિલ્લાના વિશ્વપ્રસિદ્ધ યાત્રાધામ સાળંગપુરમાં શ્રીકષ્ટભંજનદેવ હનુમાનજી મંદિર ખાતે પવિત્ર અધિક જેઠ માસ એટલે કે શ્રીપુરુષોત્તમ માસ અંતર્ગત તા. 3જીને બુધવારે દાદાને મોતી-ગુલાબની પાંખડીના દિવ્ય વાઘાનો સિંહાસને ઓર્કિડ-મોગરો-ગુલાબના મિક્સ ફૂલોનો નયનરમ્ય અને કલાત્મક શણગાર કરવામાં આવ્યા હતા. શ્રી કષ્ટભંજનદેવનના આ સ્વરૂપના દર્શન કરી હજારો ભક્તો ધન્યતા અનુભવી હતી. આ ઉપરાંત મંદિરના ગર્ભગૃહમાં દાદાની આસપાસ આકર્ષક પુષ્પો ગુલાબી, વાદળી, સફેદ અને જાંબલી રંગના તાજા ફૂલો વડે તેમજ કલાત્મક રીતે કેળના પાનનો ઉપયોગ કરી શણગાર કરાયો હતો. તેમાંય મોર, કમળની પ્રતિકૃતિ ભક્તો માટે આકર્ષણનું કેન્દ્ર બન્યું છે. અથાણાંનો અન્નકૂટ તેમજ મીઠાઈનો છપ્પન ભોગ અન્નકૂટ ધરવાયો હતો. બુધવારે શણગાર આરતી સવારે 05:45 કલાકે પૂજારી સ્વામી દ્વારા કરવામાં આવી હતી. આ ઉપરાંત દાદાના રાજોપચાર પૂજનનુ સાંજે 5થી 7 કલાક દરમિયાન આયોજન કરાયું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dabhoi: વાવાઝોડાનો કહેર : 100 એકર જમીનમાં કેળાનો પાક જમીનદોસ્ત
calendar_today June 4, 2026

Dabhoi: વાવાઝોડાનો કહેર : 100 એકર જમીનમાં કેળાનો પાક જમીનદોસ્ત

ડભોઇ પંથકમાં વહેલી સવારે વરસાદની સાથે આવેલા ભયાનક વાવાઝોડાએ ભારે તારાજી સર્જી છે. ડભોઈ તાલુકાના ઓરડી ગામ અને તેની આસપાસના વિસ્તારોમાં કુદરતે એવો કહેર વર્તાવ્યો છે કે ખેડૂતોના મોંએ આવેલો કોળિયો છીનવાઈ ગયો છે. અંદાજે 100 એકર જમીનમાં વાવેલો કેળાનો પાક સંપૂર્ણપણે નષ્ટ થઈ જતાં ખેડૂતોને રૂા.50 લાખથી વધુનું મોટું નુકસાન વેઠવાનો વારો આવ્યો હોવાનો અંદાજ છે.ઓરડી ગામના વિસ્તારમાં ખેડૂતો મોટા પાયે કેળાની ખેતી કરે છે ચાલુ વર્ષે કેળાનો પાક ઉત્તમ હતો, ખેડૂત પાક ઉતારીને તેને બજારમાં વેચવાની આખરી તૈયારીઓમાં જ હતો. બરાબર એ જ સમયે વરસાદ વરસ્યો હતો. ભારે પવનના ઝાપટાંને કારણે તૈયાર થઈ ગયેલી કેળાની લૂમો ભારે વજનને લીધે ઝાડ સહિત તૂટીને જમીનદોસ્ત થઈ ગઈ હતી. ખેતરોમાં માત્ર તૂટી પડેલા કેળના ઝાડ અને વેરવિખેર થયેલી કેળાની લૂમો જ જોવા મળી રહી છે. રાત-દિવસ એક કરીને લોહીનું પાણી કરીને આ પાક ઉછેર્યો હતો. હવે જ્યારે કમાણીનો સમય આવ્યો ત્યારે બધું જ ઝૂંટવાઈ ગયુ. આ પંથકના મોટાભાગના ખેડૂતોએ બેંકોમાંથી અથવા ઊંચા વ્યાજે રૂપિયા લાવીને, મોંઘા ખાતર અને બિયારણ ખરીદીને મહા મહેનતે આ કેળાનો પાક તૈયાર કર્યો હતો આશા હતી કે સારો પાક થતાં દેવું ચૂકવાઈ જશે અને પરિવારનું ગુજરાન ચાલશે પરંતુ કુદરતી આફ્તે ખેડૂતોની તમામ આશાઓ પર પાણી ફેરવી દીધું છે. આવા કપરા અને સંકટના સમયમાં હવે ઓરડી ગામના પીડિત ખેડૂતોની સરકાર પાસે એક જ આશા અને માંગણી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Patan: નર્મદા કચ્છ બ્રાન્ચ કેનાલ બની બેદરકારીનું પ્રતિક! ગાબડાં યથાવત
calendar_today June 4, 2026

Patan: નર્મદા કચ્છ બ્રાન્ચ કેનાલ બની બેદરકારીનું પ્રતિક! ગાબડાં યથાવત

સાંતલપુર તાલુકામાંથી પસાર થતી નર્મદા કચ્છ બ્રાન્ચ કેનાલમાં અનેક સ્થળોએ ગાબડાં પડયા હોવા છતાં તેના સમારકામની કામગીરી હજુ સુધી શરૂ કરવામાં નહિ આવતા ખેડુતોમાં ભારે રોષ ભભૂકી ઉઠયો છે.કચ્છ કેનાલમાં 30 એપ્રિલના રીપેરીંગ ને લઈને કેનાલનું પાણી બંધ કર્યાને એક મહિના કરતાં વધુ સમય વીતી ગયો હોવા છતાં નર્મદા નિગમ દ્વારા રીપેરીંગની કોઈ અસરકારક કામગીરી હાથ ધરવામાં ન આવતા ખેડુતોને કેનાલમાં મળતું સિંચાઈનું પાણી બંધ થઈ જવા પામ્યું હતું.કેનાલમાં પડેલા ગાબડાં અને સફાઈને લઈને સમસ્યાના નિરાકરણ માટે કેનાલ બંધ કરવામાં આવી હતી, પરંતુ પાણી બંધ કર્યા બાદ પણ સમારકામની કામગીરી શરૂ ન થતાં ખેડૂતોમાં અસંતોષ વ્યાપ્યો છે. હાલમાં ઉનાળાની ઋતુમાં એક તરફ્ સરહદી વિસ્તારની પ્રજા પીવાના પાણી માટે વલખાં મારી રહી છે, જ્યારે બીજી તરફ્ ખેડૂતોને સિંચાઈ માટે પાણીની તાતી જરૂરિયાત હોવા છતાં કેનાલ બંધ રહેતા ખેતીકારોને મુશ્કેલીનો સામનો કરવો પડી રહ્યો છે. ઉલ્લેખનીય છે કેનાલ જો રીપેરીંગ માટે બંધ કરવામાં આવી હોય તો એક મહિના બાદ પણ કામગીરી કેમ શરૂ કરવામાં આવી નથી? કેનાલમાં ગાબડાં યથાવત રહેતાં નર્મદા નિગમની કામગીરી સામે અનેક સવાલો ઉભા થયા છે. ખેડૂતો દ્વારા તાત્કાલિક ધોરણે ગાબડાંનું સમારકામ પૂર્ણ કરી કેનાલમાં પાણી છોડવાની માંગ ઉઠી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward