Ahmedabad: વિરમગામ હોસ્પિટલના મહિલા તબીબે ટ્રેનમાં શ્રમિક મહિલાની પ્રસુતિ કરાવી
વિરમગામ : જબલપુર સોમનાથ ટ્રેનમાં S- ટુ બોગીમાં આરતીબેન ઉ.વ.25 અને તેમનો પતિ ભરતભાઈ દેવીપૂજક મંગળવારે સવારે અમદાવાદથી સુરેન્દ્રનગર તરફ્ જઈ રહ્યા હતા.આરતીબેન પ્રગનેન્ટ હતા.ટ્રેન સાણંદ પછીથી આગળ વધી રહી હતી. ત્યારે જ આરતીબેનને પ્રસુતિ પીડા શરૂ થઈ હતી. જેથી તેઓ ટ્રેનના બાથરૂમમાં જતા રહ્યા હતા અને દર્દથી કણસી રહ્યા હતા. આ દરમ્યાનમાં આ બોગીમાં જ વિરમગામ સરકારી હોસ્પિટલનાં ગાયનેક વિભાગમાં ફરજ નિભાવતા ડૉ. અદિતિબેન પાઠક અમદાવાદ ખાતેથી વિરમગામ આવી રહ્યા હતા. જેમને જાણ થતાં વિલંબ કર્યા વગર શ્રામજીવી પરિવારની મહિલા પાસે પહોંચીને ટેનની બોગીમાં જ સફ્ળ પ્રસુતિ કરાવી હતી. બાદમાં વિરમગામ આવતા માતા અને જન્મ લેનાર શિશુને સરકારી હોસ્પિટલમાં ખસેડી જરૂરી સારવાર આપવામાં આવી હતી. ડૉ.અદિતિબેન પાઠકની સેવા અને માનવતાભર્યા કાર્યને અન્ય મુસાફરો તેમજ શહેરીજનોએ પણ બિરદાવી શુભેચ્છાઓ પાઠવી હતી.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward