android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Vadodara: શિનોરના ભૂતેશ્વર મંદિરમાં મૂર્તિઓ ખંડિત કરનાર ઝડપાયો
calendar_today June 3, 2026

Vadodara: શિનોરના ભૂતેશ્વર મંદિરમાં મૂર્તિઓ ખંડિત કરનાર ઝડપાયો

શિનોરમાં તા. 25 મેના રોજ નર્મદા કિનારે આવેલ ભૂતેશ્વર મહાદેવના મંદિરે અજાણ્યા શખ્સે નંદીને ઉખાડી કાચબાની તોડફોડ કરી હતી. જે આરોપીને પોલીસે ઝડપી પાડયો હતો.શિનોરના નર્મદા નદીએ જવાના માર્ગ પર મર્દાબાળીના ઓવરા પાસે ભૂતેશ્વર મહાદેવનું મંદિરે હાલ રીપેરીંગ કામ ચાલુ છે. તા. 25 બપોર બાદ મંદિરની કામગીરી બંધ હતી. ત્યારે કોઈ અસામાજિક તત્વો દ્વારા મંદિરમાં બિરાજમાન નંદીને ઉખાડી નાખી અને આગળ સ્થાપિત કરેલ કાચબાનું મોં તોડી નાખી મંદિરની બહાર પટાંગણમાં ફેંકી દીધું હતું. જેની જાણ થતાં પોલીસે સ્થળ પર દોડી જઈ ગુનો નોંધ્યો હતો . આ સમગ્ર ઘટના અંગે તા. 26મીએ શિનોરના સમસ્ત હિન્દુ સમાજ, બજરંગદળ, દુર્ગા વાહીની મંડળ અને વિશ્વ હિન્દુ પરિષદે મામલતદારને આવેદનપત્ર આપ્યુ હતુ. પોલીસે ઘટનામાં 60થી 70 લોકોને પોલીસ સ્ટેશનને બોલાવી પૂછપરછ કરી હતી, તેમજ ટાવરડમ ચેક કર્યો, કેમેરાથી તપાસ કરી, ટીમ બનાવીને તપાસ કરતાં અજય નટવરસિંહ સોઢા (ઉં.27)ને ઝડપી પાડયો હતો. જાણવા મળ્યા મુજબ અજય દેવામાં ડૂબ્યો હતો. મોટરસાઇકલ ના હપ્તા બાકી હતા. એકલવાયુ જીવન જીવતો હતો, આ મંદિરમાં તેણે માનતા માની હતી. છતાં ગરીબી દૂર ના થતાં ગુસ્સામાં આ કૃત્ય કરી નાખ્યું હોવાનું તેણે કબૂલ્યું હતું. હાલ તે શિનોર ખાતે જોરભાઈના ફ્ળિયામાં પરેશ વ્રજલાલ શાહના મકાનમાં રહે છે. પોલીસે તેની ગઈકાલે ધરપકડ કરી હતી. બહુ ચર્ચિત આ કિસ્સામાં આરોપી ઝડપાઈ ગયેલ છે. પી.આઈ.આર. આર. વસાવાની સાથે ટીમે છેલ્લા પાંચ દિવસથી આ ગુનાના કામે કાર્યરત રહી આરોપીને ઝડપી પાડવામાં સફળતા મેળવી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Limbdi: નાની કઠેચી ગામે બનતા CC રોડમાં ગુણવત્તા વગરનું કામ થતા આક્રોશ
calendar_today June 3, 2026

Limbdi: નાની કઠેચી ગામે બનતા CC રોડમાં ગુણવત્તા વગરનું કામ થતા આક્રોશ

લીંબડી તાલુકાના નાની કઠેચી ગામે મુખ્યમંત્રી આદીમ જૂથમાં સી.સી. રોડ મંજૂર કરાયો હતો. આ રોડનું કામ શરૂ થતાની સાથે જ કોન્ટ્રાકટર દ્વારા સરકારી એસ્ટીમેટ અને ટેન્ડર મુજબ કામ થતુનહોતુ અને રોડ બનાવવા માટેનું મટીરીયલ પણ યોગ્ય વપરાતુ નથી. આવી ગંભીરતાના કારણે રોડ જલ્દી તુટી જવાની શકયતા સેવાતા નાના ટીંબલાના પુર્વ ગુજરાત પ્રદેશ ભાજપના સભ્ય વિક્રમભાઇ કુબેરભાઇ પરમારે નાયબ કાર્યપાલક ઇજનેરને લેખીત ફરીયાદ કરી છે. આમ આવી રીતે ગુણવતા વગરના કામ થાય તો સરકારી ગ્રાન્ટનો દુરઉપયોગ થવાની ભીંતી સેવાતા તાત્કાલીક કામ બંધ કરવા અને ગુણવતા વગરનું કામ કરવાની પણ લોકોએ માંગ કરી છે. હવે નાયબ કાર્યપાલક ઇજનેર શું કાર્યવાહી કરે છે એની સામે સૌની નજર મંડાયેલી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Vadodara: કરજણ સહિત પંથકમાં વાવાઝોડા સાથે વરસાદની ધમાકેદાર એન્ટ્રી
calendar_today June 3, 2026

Vadodara: કરજણ સહિત પંથકમાં વાવાઝોડા સાથે વરસાદની ધમાકેદાર એન્ટ્રી

કરજણ પંથકમાં ગત રવિવારની મોડી રાત્રે પડેલા સામાન્ય વરસાદી ઝાપટાં બાદ સોમવારે રાતે પુનઃ વરસાદે ધમાકેદાર એન્ટ્રી કરતાં ભારે પવન અને સુસવાટાને પગલે જનજીવન પ્રભાવિત થયું હતું.હવામાન વિભાગની અગાઉ થયેલી આગાહી પ્રમાણે સોમવારે મોડી રાત્રે કરજણ તાલુકામાં વાતાવરણમાં અચાનક જ મોટો પલટો આવ્યો હતો. અંદાજે રાત્રે આશરે 11 વાગ્યાથી વીજળીના કડાકા-ભડાકા અને તોફની પવન સાથે ધોધમાર વરસાદ વરસતા સમગ્ર પંથકમાં ચોમાસા જેવો માહોલ સર્જાયો હતો. ભારે પવનના સુસવાટા વચ્ચે થોડા સમય માટે વરસાદે જોરદાર બેટિંગ શરૂ કરતાં રસ્તા પાણીથી છલકાઈ ઉઠયા હતા. બદલાયેલા વાતાવરણને પગલે અનેક વિસ્તારોમાં વીજ પુરવઠો ખોરવાતા અંધારપટ છવાઈ ગયો હતો. દિવસભરની અસહ્ય ગરમી અને બફરાથી અકળામણ અનુભવતી જાહેર જનતા માટે વરસાદ વરસતા વાતાવરણમાં ઠંડક પ્રસરતાં રાહત અનુભવી હતી. પરંતુ વીજળીના કડાકા અને પવનની તીવ્રતાએ લોકોમાં ચિંતાનું વાતાવરણ પણ ઊભું કર્યું હતું. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward