android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
ટ્રકની ટક્કરે બુલેટ ચાલક સૂરેલી સરપંચનું સ્થળ પર મોત
calendar_today May 30, 2026

ટ્રકની ટક્કરે બુલેટ ચાલક સૂરેલી સરપંચનું સ્થળ પર મોત

કાલોલ બસ સ્ટેન્ડ સામે આજે બપોરે એક ટ્રક ચાલકે બુલેટને અડફેટે લેતાં સર્જાયેલા અકસ્માતમાં બુલેટ ચાલક સુરેલીના સરપંચનું કરુણ મોત નિપજ્યું હતું.કાલોલ તાલુકાના સુરેલી ગ્રામ પંચાયતના સરપંચ ભારતસિંહ પર્વતસિંહ ચૌહાણ (ઉ.વ 59 ) સાવલી તાલુકાના મંજુસર જીઆઇડીસી સ્થિત ખાનગી કંપનીમાં નોકરી કરતા હોઈ, શનિવારે કંપનીમાં જતાં પહેલાં ઘેરથી પોતાની બુલેટ પર નીકળીને કાલોલ શહેરમાં અંગત કામ પતાવીને કંપનીમાં જવા માટે નીકળ્યા હતા. ત્યારે બપોરના દોઢેક વાગ્યાના અરસામાં કાલોલ બસ સ્ટેશન પાસેના હાઈવે પરથી પસાર થતા સમયે ગોધરા તરફ્થી આવતી ટ્રક ચાલકે આગળ ચાલતી સરપંચની બુલેટને ટક્કર મારતાં બુલેટ સહિત સરપંચ રોડ પર પટકાતા શરીર અને માથાના ભાગે ગંભીર ઈજાઓ પહોંચતા ઘટના સ્થળે જ ભારતસિંહ ચૌહાણનું મોત નિપજ્યું હતું. અકસ્માતની જાણ તેમના પરિવારજનો અને સામાજિક તેમજ રાજકીય મિત્રોએ રેફ્રલ હોસ્પિટલ ખાતે દોડી આવીને ભારે શોક વ્યક્ત કર્યો હતો. મૃતકની લાશને પોસ્ટમોર્ટમ માટે રેફ્રલ હોસ્પિટલમાં મોકલી આપીને પરિવારજનોએ કાલોલ પોલીસ સ્ટેશનમાં અકસ્માત સર્જનાર તેમજ ટ્રક છોડીને ફ્રાર થઈ ગયેલા અજાણ્યા ટ્રક ચાલક વિરૂધ્ધ ફરિયાદ નોંધાવતા પોલીસે ટ્રક ચાલક વિરૂધ્ધ ગુનો નોંધ્યો હતો. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
માંડવા-માલસર નર્મદામાં નહાવા પર પ્રતિબંધ મૂકવા ગ્રા. પં.ની માગ
calendar_today May 30, 2026

માંડવા-માલસર નર્મદામાં નહાવા પર પ્રતિબંધ મૂકવા ગ્રા. પં.ની માગ

શિનોર તાલુકાના માંડવા અને માલસર મુકામે નર્મદા નદી પટમાં નશાકારક દ્રવ્યોનું સેવન થતું હોય કોઈ જાનહાની કે ધમાલ ન થાય તે માટે નાહવા પર પ્રતિબંધ મૂકવાની પંચાયત દ્વારા માંગ કરાઇ છે.માંડવા મુકામે બાબા પ્યારે દરગાહની બાજુમાં નર્મદા નદી ભાઠામાં નહાવા માટે દૂર દૂરથી લોકો નશાકારક દ્રવ્યોનું સેવન કરીને અને ભારતીય સંસ્કૃતિને ન છાજે તેવા કૃત્યો કરતાં હોવાથી માંડવા ગ્રામ પંચાયત દ્વારા મામલતદાર શિનોરને જાહેરનામું પ્રસિદ્ધ કરી નાહવા પર પ્રતિબંધ મૂકવાની માંગ કરાઇ છે. માંડવા ગામે આ અગાઉ નાહવા બાબતે નશો કરીને છેડતીની, કેરીઓની ચોરીની તથા ધક્કા મૂક્કીના પ્રસંગો બન્યા હોવાની ફરિયાદ શિનોર પોલીસ સ્ટેશને પહોંચી હતી. પણ પોલીસે તેનું સમાધાન કરાવ્યુ હતું. જેથી માંડવા ગામનું વાતાવરણ બગડયું હતું. તે જ રીતે માલસર ગ્રામ પંચાયત દ્વારા પણ શિનોર મામલતદારને 15 દિવસ પહેલા લેખિત અરજ આપીને માલસર નર્મદા નદીમાં નાહવા પર પ્રતિબંધ મૂકવા જાણ કરી હતી. જેના કારણે આજરોજ શિનોર મામલતદાર દ્વારા સબ ડિવિઝનલ મેજિસ્ટ્રેટ કરજણને આ બાબતે બે પંચાયતોની રજૂઆત તથા અગાઉ તણાઈ જવાથી, ડૂબવાથી મોત થયા હતા. તથા મગરનો કાયમી વસવાટ હોવાથી કોઈ અનિચ્છનીય બનાવ ના બને તે માટે નાહવા માટે જાહેરનામું પ્રસિદ્ધ કરી પ્રતિબંધ મૂકવા માટે જાણ કરાયેલ છે. જેની નકલ જિલ્લા મેજિસ્ટ્રેટ વડોદરા ,પોલીસ ઇન્સ્પેક્ટર શિનોરને ઉપરોક્ત બાબતે જરૂરી તકેદારી રાખવા માટે આપી હોવાનું જાણવા મળેલ છે. પ્રતિબંધ હોવા છતાં પણ કરજણ તાલુકાના રણાપુર ગામે નર્મદા નદીમાં,નારેશ્વર મુકામે નર્મદા નદીમાં અને ઓઝ મુકામે નર્મદા નદીમાં નહાવા માટે અધિક માસમાં લોકો ઉમટી રહ્યા છે. જ્યારે તાલુકાના દિવેર મુકામે અગાઉથી પ્રતિબંધ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
પલાસવાડા પાસે ઇજનેરની બેદરકારીને કારણે કાર પલટી
calendar_today May 30, 2026

પલાસવાડા પાસે ઇજનેરની બેદરકારીને કારણે કાર પલટી

ડભોઇ તાલુકાના પલાસવાડા ગામે હાલ રેલવે ઓવરબ્રિજનું કામ ચાલે છે. આ કામના રેલવે કોન્ટ્રાક્ટર દ્વારા સાઇટ પર કોઈ પણ પ્રકારના રેડિયમવાળા લાલ કે, પીળા સિગ્નલ અથવા તો સાઇન બોર્ડ મૂકાયા નથી. આ ઘોર બેદરકારીને કારણે શુક્રવારે રાત્રે એક ગમખ્વાર અકસ્માત સર્જાયો હતો. એક કારચાલકને અંધારામાં અચાનક ડાયવર્ઝન કે, બાંધકામ ન દેખાતા કાર પલટી ગઈ હતી. સદ્નસીબે આ અકસ્માતમાં કારમાં સવાર બે લોકોનો આબાદ બચાવ થયો હતો.અને કોઈ જાનહાનિ નોંધાઈ નથી.ડાયવર્ઝન કે જોખમી જગ્યા પર કોઈ લાલ લીલી પટ્ટી, રેડિયમ કે લાલ લાઇટ લગાડાઇ નથી, રાત્રિના સમયે વાહનચાલકોને રસ્તો દેખાતો નથી. જેના કારણે અકસ્માતનો ભય સતત રહે છે. અતિ વ્યસ્ત માર્ગ આ સ્ટેચ્યુ ઓફ્ યુનિટીનો મુખ્ય માર્ગ હોવાથી અહીંથી રોજ ચાણોદ, કરનાળી, રાજપીપળા અને પોઇચા તરફ્ જતા હજારો વાહનો પસાર થાય છે. હજારો લોકોની અવરજવરવાળા આ હાઇવે પર તંત્ર હજુ પણ કેટલી મોટી દુર્ઘટનાની રાહ જોઈ રહ્યું છે ? શું રેલવે તંત્રના અધિકારીઓ અને કોન્ટ્રાક્ટર હવે જાગશે. વાહનચાલકોની ઉગ્ર માંગ છે કે અહીં તાત્કાલિક ધોરણે રેડિયમ પટ્ટી અને લાલ સિગ્નલ લાઇટો લગાવવામાં આવે, જેથી નિર્દોષ લોકોના જીવ બચાવીને ભવિષ્યમાં અકસ્માતો અટકાવી શકાય. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward