Rajkot : જસદણના વડોદ ગામે ડિમોલેશનની કામગીરી શરૂ થતાં જ યુવકે પીધું ફીનાઇલ, મચી ચકચાર
રાજકોટ જિલ્લાના જસદણ તાલુકાના વડોદ ગામે આજે ડિમોલેશનની કામગીરી દરમિયાન એક ભારે હંગામાની અને હૃદયદ્રાવક ઘટના સામે આવી છે. વડોદ ગામે સરકારી તંત્ર દ્વારા દબાણ હટાવવાની કામગીરી શરૂ કરવામાં આવે તે પહેલા જ એક સ્થાનિક યુવકે ફીનાઇલ પીને આપઘાત કરવાનો પ્રયાસ કરતા સમગ્ર પંથકમાં ચકચાર મચી ગઈ છે. ઘટનાને પગલે વહીવટી તંત્ર દ્વારા ડિમોલેશનની કામગીરી તાત્કાલિક ધોરણે અટકાવી દેવામાં આવી છે.ગેરકાયદેસર દબાણો દૂર કરવા કાર્યવાહી મળતી વિગતો મુજબ, જસદણના વડોદ ગામે થયેલા ગેરકાયદેસર દબાણો દૂર કરવા માટે મામલતદાર, ટીડીઓ અને પોલીસ કાફલા સહિતની સંયુક્ત ટીમ પૂરતા બંદોબસ્ત સાથે ઘટનાસ્થળે પહોંચી હતી. ચુસ્ત પોલીસ બંદોબસ્ત વચ્ચે તંત્ર દ્વારા ડિમોલેશનની પ્રક્રિયા હાથ ધરવામાં આવી રહી હતી. કાયદો અને વ્યવસ્થા જળવાઈ રહે તે માટે પોલીસ પણ તૈનાત હતી. જોકે, દબાણ હટાવવાની આ કાર્યવાહી સામે સ્થાનિકોમાં ભારે આક્રોશ જોવા મળ્યો હતો. યુવકે ફીનાઇલ પીને આત્મહત્યાનો પ્રયાસ કર્યો તંત્ર દ્વારા કોઈ સમજૂતી થાય કે કોઈ વચગાળાનો રસ્તો નીકળે તે પહેલા જ એક સ્થાનિક યુવકે ઉશ્કેરાઈને અથવા આઘાતમાં આવીને તંત્રની સામે જ ફીનાઇલ ગટગટાવી લીધું હતું. યુવકે ફીનાઇલ પીને આત્મહત્યાનો પ્રયાસ કરતા જ સ્થળ પર હાજર અધિકારીઓ અને ગ્રામજનોમાં અફરાતફરી મચી ગઈ હતી અને હોબાળો થઈ ગયો હતો. ડિમોલેશનની કામગીરી સ્થગિત આ ઘટના બનતા જ પોલીસ અને વહીવટી ટીમે તાત્કાલિક ધોરણે ડિમોલેશનની કામગીરી સ્થગિત કરી દીધી હતી. ફીનાઇલ પી જનાર યુવકની તબિયત લથડતા તેને તાત્કાલિક 108 એમ્બ્યુલન્સ મારફતે જસદણની સિવિલ હોસ્પિટલ ખાતે સારવાર અર્થે ખસેડવામાં આવ્યો હતો, જ્યાં હાલ તેની સારવાર ચાલી રહી છે. આ ઘટનાને પગલે વડોદ ગામમાં ભારે તંગદિલીનો માહોલ સર્જાયો છે અને પોલીસનો ચુસ્ત બંદોબસ્ત ગોઠવી દેવામાં આવ્યો છે.આ પણ વાંચો---- Iscon Bridge Accident : તથ્યને 90 વર્ષની સજા થવી જોઈએ, છલકાયું પીડિતનું દર્દ, વાંચો સંદેશ ડીજીટલ Exclusive
Read Full Story arrow_forward