android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Vadodara: કેટરિંગ વેપારી બાબુસિંઘની હત્યાનો ફરાર આરોપી હિરેન ઠક્કર રાવપુરા પોલીસે ઝડપ્યો
calendar_today May 29, 2026

Vadodara: કેટરિંગ વેપારી બાબુસિંઘની હત્યાનો ફરાર આરોપી હિરેન ઠક્કર રાવપુરા પોલીસે ઝડપ્યો

વડોદરાના રાવપુરા પોલીસ મથકની હદમાં કેટરિંગના જાણીતા વેપારી બાબુ ચૌહાણ ઉર્ફે બાબુસિંઘની ઘાતકી હત્યાના મામલે પોલીસે ગંભીરતા દાખવીને મુખ્ય ફરાર આરોપી હિરેન ઠક્કરને ઝડપી પાડ્યો છે. આ હત્યા કેસમાં વીઆઈપી (VIP) અને રમતજગતના કનેક્શનની ચર્ચાઓ સામે આવતા સમગ્ર વડોદરાના હાઇપ્રોફાઇલ વર્તુળોમાં સન્નાટો વ્યાપી ગયો છે.પૈસાની અદાવત અને દારૂની મહેફિલપોલીસની પ્રાથમિક પૂછપરછ અને સૂત્રો પાસેથી મળતી વિગતો અનુસાર, મૃતક બાબુ ચૌહાણ અને આરોપી હિરેન ઠક્કર બંને લાંબા સમયથી કેટરિંગના વ્યવસાય સાથે જોડાયેલા હતા અને એકબીજાના પરિચિત હતા. બંને વચ્ચે લાંબા સમયથી મોટા પાયે પૈસાની લેતી-દેતીનો વિવાદ ચાલી રહ્યો હતો. ઘટનાની રાત્રે વડોદરામાં એક સ્થળે દારૂની મહેફિલ જામી હતી, જેમાં હિરેન અને બાબુસિંઘ બંને હાજર હતા. આ મહેફિલ દરમિયાન જૂના હિસાબોને લઈને બંને વચ્ચે ઉગ્ર બોલાચાલી અને ઝઘડો થયો હતો. નશાની હાલતમાં ઉશ્કેરાયેલા હિરેન ઠક્કરે બાબુ ચૌહાણ પર જીવલેણ હુમલો કરી તેમની નિર્મમ હત્યા નીપજાવી દીધી હતી અને ઘટનાસ્થળેથી નાસી છૂટ્યો હતો.પૂર્વ ક્રિકેટરની હાજરી અંગે રહસ્યઆ ચકચારી હત્યા કેસમાં સૌથી ચોંકાવનારો વળાંક ત્યારે આવ્યો જ્યારે એવી વિગતો બહાર આવી કે જે રાત્રે હત્યા થઈ તે મહેફિલમાં ભારતીય ટીમના પૂર્વ ક્રિકેટર જેકોબ માર્ટિન પણ ઉપસ્થિત હતા. આ ચર્ચાને પગલે વડોદરા ક્રાઇમ બ્રાન્ચ અને સ્થાનિક પોલીસે તપાસનો વ્યાપ વધાર્યો છે. રાવપુરા પોલીસે ટેક્નિકલ લોકેશન અને બાતમીદારો નેટવર્ક સક્રિય કરીને ફરાર હિરેન ઠક્કરને દબોચી લીધો છે. પોલીસ હવે આરોપીના રિમાન્ડ મેળવવાની તજવીજ હાથ ધરી રહી છે, જેથી એ સ્પષ્ટ થઈ શકે કે મહેફિલમાં કોણ-કોણ હાજર હતું અને હત્યા પાછળ અન્ય કોઈ સ્લીપર સેલ કે સાગરીતોની ભૂમિકા છે કે નહીં.આ પણ વાંચો: Surat: લંડનના વર્ક પરમિટ વિઝાના નામે 8 લાખ પડાવ્યા, પોલીસે આરોપીને વડોદરાથી ઝડપી લીધો

Read Full Story arrow_forward
વાઇસ એડમિરલ અજય કોચરને ગાર્ડ ઓફ ઑનર અપાયુ
calendar_today May 29, 2026

વાઇસ એડમિરલ અજય કોચરને ગાર્ડ ઓફ ઑનર અપાયુ

દિલ્હીના સાઉથ બ્લોક લૉન્સ ખાતે તેમને ગાર્ડ ઓફ ઑનર આપવામાં આવ્યો હતો

Read Full Story arrow_forward
RBI: હવે ખિસ્સામાં કાગળની નહીં પણ પ્લાસ્ટિકની નોટો ફરશે!RBI પાયલોટ પ્રોજેક્ટ શરૂ કરવાની તૈયારીમાં
calendar_today May 29, 2026

RBI: હવે ખિસ્સામાં કાગળની નહીં પણ પ્લાસ્ટિકની નોટો ફરશે!RBI પાયલોટ પ્રોજેક્ટ શરૂ કરવાની તૈયારીમાં

ભારતીય રિઝર્વ બેંક (RBI) દેશમાં કાગળની નોટો છાપવાના સતત વધતા જતા ખર્ચને ઘટાડવા અને ચલણમાંથી ફાટેલી કે ગંદી નોટોની સમસ્યાને કાયમ માટે દૂર કરવા માટે એક ઐતિહાસિક ફેરફાર કરવા જઈ રહી છે. ટૂંક સમયમાં જ તમારા ખિસ્સામાં રહેલી કાગળની નોટોનું સ્થાન પ્લાસ્ટિક (પોલિમર) નોટો લઈ શકે છે. વધતો જતો છાપકામ ખર્ચ અને નુકસાનીનું ભારણ તાજેતરમાં પટના અને મુંબઈ ખાતે યોજાયેલી સેન્ટ્રલ બેંકની બોર્ડ મીટિંગમાં આ પ્રસ્તાવ પર ખૂબ જ ગંભીરતાથી ચર્ચા કરવામાં આવી છે. આ યોજનાને ટૂંક સમયમાં જ મંજૂરી મળી શકે છે અને સામાન્ય લોકો માટે તેનો એક પાયલોટ પ્રોજેક્ટ પણ બહુ વહેલા શરૂ થવાની સંભાવના છે. આરબીઆઈના નાણાકીય વર્ષ 25 ના વાર્ષિક અહેવાલના સત્તાવાર ડેટા અનુસાર, દેશમાં કાગળની નોટો છાપવા પાછળ ₹6,372.8 કરોડનો જંગી ખર્ચ થયો છે, જે અગાઉના નાણાકીય વર્ષના ₹5,101.4 કરોડ કરતાં ઘણો વધારે છે. આ સાથે જ ક્ષતિગ્રસ્ત (ફાટેલી-ગંદી) નોટોને ચલણમાંથી બહાર કાઢીને તેનો નાશ કરવો એ પણ સેન્ટ્રલ બેંક માટે મોટો પડકાર છે. વર્ષ 25 માં અંદાજે 23.8 અબજ ખરાબ નોટો ચલણમાંથી બહાર કરાઈ નાણાકીય વર્ષ 25 માં અંદાજે 23.8 અબજ ખરાબ નોટો ચલણમાંથી બહાર કરાઈ હતી, જેમાં સૌથી વધુ સંખ્યા 500 અને 100 રૂપિયાની નોટોની હતી. દેશમાં યુપીઆઈ અને ડિજિટલ પેમેન્ટનો વ્યાપ વધ્યો હોવા છતાં, રોકડની માંગ સતત વધી રહી છે. 15 મે સુધીમાં ચલણમાં રહેલું કુલ નાણું (CiC) 11.5 ટકાના વધારા સાથે 42.86 લાખ કરોડ રૂપિયાના રેકોર્ડ સ્તરે પહોંચી ગયું છે. કાગળની સરખામણીએ પ્લાસ્ટિક નોટોનું આયુષ્ય લાંબુ હોવાને કારણે નવી નોટો છાપવાનું દબાણ નોંધપાત્ર રીતે ઘટી જશે. નાની નોટોની માંગ અને અદ્યતન ટેકનોલોજીનો સાથ બજારમાં હંમેશા 10 અને 20 રૂપિયા જેવી નાની નોટોની ખૂબ માંગ રહે છે, પરંતુ કુલ ચલણમાં તેમનો હિસ્સો ઘણો ઓછો છે. વર્ષ 2012 માં તત્કાલીન સરકારે પાંચ શહેરોમાં 10 રૂપિયાની પ્લાસ્ટિક નોટોનું ફિલ્ડ ટેસ્ટિંગ શરૂ કર્યું હતું, પરંતુ તે સમયે ટેકનિકલ અવરોધોના કારણે પ્રોજેક્ટ અટકી ગયો હતો. જો કે, હવે એક દાયકા પછી પરિસ્થિતિ બદલાઈ ગઈ છે અને ટેકનોલોજી ઘણી અદ્યતન થઈ ચૂકી છે. આજના આધુનિક એટીએમ (ATM) પણ આ પોલિમર નોટોને સરળતાથી ઓળખી અને ગણી શકે તેમ છે, જેથી આ વખતે પ્રોજેક્ટ સફળ થવાની પૂરી આશા છે. 60 થી વધુ દેશોમાં સફળ વ્યવસ્થા વૈશ્વિક સ્તરે પ્લાસ્ટિક નોટોનો ઉપયોગ નવો નથી. હાલમાં વિશ્વના લગભગ 60 દેશો પોલિમર બેંકનોટ વાપરે છે. ઓસ્ટ્રેલિયાએ સૌપ્રથમ 1988 માં આની શરૂઆત કરી હતી, ત્યારબાદ સિંગાપોર, થાઈલેન્ડ, ઈન્ડોનેશિયા અને મલેશિયા જેવા એશિયન દેશોએ તેને અપનાવ્યું. યુરોપમાં રોમાનિયા અને ઉત્તર અમેરિકામાં કેનેડા પણ આ સિસ્ટમ લાગુ કરી ચૂક્યા છે. જો કે, અમેરિકન ડૉલર સંપૂર્ણ પ્લાસ્ટિકનો નથી હોતો, તેને ખાસ કપાસ-લિનનના મિશ્રણમાંથી બનાવવામાં આવે છે. ભારતમાં જો આ પ્રયોગ સફળ રહેશે, તો તે દેશની અર્થવ્યવસ્થા માટે લાંબા ગાળે ફાયદાકારક સાબિત થશે. આ પણ વાંચોઃ West Bengal: મમતાના નજીકના મિત્રએ જ કર્યો વિશ્વાસઘાત, થોડા દિવસોમાં જ TMC ખતમ થવાનો કર્યો દાવો

Read Full Story arrow_forward