Panchmahal: ગોગડિયા ગામે સુખી સિંચાઇ બ્રાન્ચ કેનાલ બાળકો માટે બન્યો હોજ
બોડેલી તાલુકાના ગોગડિયા ગામ નજીકથી પસાર થતી સુખી સિંચાઈ વિભાગની માઇનોર કેનાલ ગરીબ પરિવારોના બાળકો માટે સ્વિમિંગ પુલ બની છે. ગ્રામ્ય વિસ્તારના બાળકો કાળઝાળ ગરમીમાં કેનાલના પાણીમાં ધબૂકા લગાવી રહ્યીં છે. ગોગડિયા ગામ પાસે બાળકો કેનાલમાંથી પસાર થતા પાણીમાં સ્વિમિંગ કરી ઉનાળાની ગરમીમાં આનંદ માણતા જોવા મળ્યા હતા. કોઈ મોંઘા રિસોર્ટ નહીં, કોઈ વોટરપાર્ક નહીં છતાં બાળકોના ચહેરા પર ખુશી અને ઉત્સાહ સ્પષ્ટ દેખાઈ રહ્યો હતો. ગોગડિયા ગામ નજીક પસાર થતી કેનાલમાં પાણી આવતા આસપાસના બાળકો ત્યાં પહોંચી ગયા હતા. નાના નાના બાળકો પાણીમાં કૂદાકૂદી કરતા, તરતા અને એકબીજા સાથે મસ્તી કરતા જોવા મળ્યા હતા. ઉનાળાની કાળઝાળ ગરમી વચ્ચે બાળકો માટે આ કેનાલ જ સ્વિમિંગ પૂલ બની ગઈ હોય તેવું દ્રશ્ય સર્જાયું હતું. આ બાળકો પાસે મોંઘા સ્વિમિંગ કિટ કે સુરક્ષા સાધનો નહોતા, છતાં પાણીમાં તેઓ નિર્ભય રીતે આનંદ માણી રહ્યા હતા. એક તરફ્ શહેરોમાં લોકો વેકેશન માણવા માટે હજારો રૂપિયાનો ખર્ચ કરતા હોય છે, જ્યારે બીજી તરફ્ આ ગરીબ બાળકો માટે કેનાલનું વહેતું પાણી જ સૌથી મોટું વોટરપાર્ક સાબિત થઈ રહ્યું છે. બાળકોના ચહેરા પર દેખાતી ખુશી એ વાતનો અહેસાસ કરાવી રહી હતી કે સાચો આનંદ મોંઘી સુવિધામાં નહીં પરંતુ નાની-નાની ક્ષણોમાં છુપાયેલો હોય છે. સ્થાનિક લોકોનું કહેવું છે કે, ઉનાળામાં ગામડાંના બાળકો માટે આવી કેનાલો જ મનોરંજનનું સાધન બને છે. રોજિંદા જીવનની મુશ્કેલી વચ્ચે પણ બાળકો કુદરત સાથે ખુશી શોધી લે છે. જે દ્રશ્ય દરેકને ભાવુક બનાવી દે તેવું છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward