android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
ખાડિયામાં ભર ઉનાળે મસમોટો ભૂવો પડયોઃ સ્થાનિકોમાં તંત્ર સામે ભારે આક્રોશ
calendar_today May 28, 2026

ખાડિયામાં ભર ઉનાળે મસમોટો ભૂવો પડયોઃ સ્થાનિકોમાં તંત્ર સામે ભારે આક્રોશ

અમદાવાદ શહેરમાં સત્તાવાર રીતે ચોમાસાનું આગમન થાય તે પહેલાં જ મ્યુનિસિપલ કોર્પોરેશનના પ્રી-મોન્સૂન એક્શન પ્લાનના દાવાઓ ધોવાઈ ગયા છે. શહેરના વ્યસ્ત અને કોટ વિસ્તાર ગણાતા ખાડિયામાં પ્રથમ વરસાદ પહેલાં જ એક મોટો અને ઊંડો ભૂવો પડતાં સ્થાનિક રહીશો અને વાહનચાલકોમાં ભારે ભય અને રોષનો માહોલ જોવા મળી રહ્યો છે.મહત્વનું છે કે ખાડિયા વિસ્તારમાં આવેલી ઝકરિયા મસ્જિદની ગલીમાંથી લાલશાહ રોડ તરફ્ જતા મુખ્ય રસ્તા પર અચાનક જ જમીન ધસી પડી હતી અને એક ઊંડો ભૂવો પડી ગયો હતો. આ રોડ પરથી રોજ હજારો વાહનો અને રાહદારીઓ પસાર થાય છે. સદનસીબે જ્યારે આ ભૂવો પડયો ત્યારે કોઈ વાહન ત્યાંથી પસાર થઈ રહ્યું ન હતું, નહીં તો મોટી જાનહાનિ કે અકસ્માત સર્જાઈ શકત. મહત્વનું છે કે ભૂવો એટલો ઊંડો અને જોખમી છે કે રાત્રિના અંધારામાં કોઈ વાહનચાલક તેમાં ખાબકી શકે છે. આ ગંભીર બાબતને ધ્યાનમાં રાખીને સ્થાનિક રહીશોએ અકસ્માત નિવારવા માટે ભૂવાની આસપાસ તાત્કાલિક ધોરણે પથ્થરો અને લાકડાની આડશ ગોઠવી દીધી છે. સ્થાનિક લોકોનો આક્ષેપ છે કે કોર્પોરેશન દર વર્ષે કરોડો રૂપિયાના ખર્ચે પ્રી-મોન્સૂન કામગીરીના દાવા કરે છે, પણ વાસ્તવિકતા અલગ છે. હજુ તો વરસાદ પડયો પણ નથી, ત્યાં જ જો રસ્તાઓ ધસી પડતા હોય તો ધોધમાર વરસાદમાં આ વિસ્તારની સ્થિતિ શું થશે? ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
હાટકેશ્વરમાં AMTS દ્વારા મુસાફ્રોની માટે બસ સ્ટેશને અનોખી પહેલ
calendar_today May 28, 2026

હાટકેશ્વરમાં AMTS દ્વારા મુસાફ્રોની માટે બસ સ્ટેશને અનોખી પહેલ

ઉનાળાની શરૂઆત થતાં જ અમદાવાદ શહેરમાં ગરમીનો પારો આસમાને પહોંચી રહ્યો છે. બપોરના સમયે કાળઝાળ ગરમી અને લૂના કારણે રસ્તાઓ સૂમસામ ભાસી રહ્યા છે, ત્યારે જાહેર પરિવહન સેવાનો ઉપયોગ કરતા હજારો મુસાફ્રોને ગરમીથી રાહત આપવા માટે પ્રશંસનીય પગલું ભરવામાં આવ્યું છે.AMTS દ્વારા પૂર્વ વિસ્તારના વ્યસ્ત એવા હાટકેશ્વર AMTS બસ સ્ટેશન ખાતે મુસાફ્રો માટે ખાસ હીટ એક્શન પ્લાન અંતર્ગત સુવિધાઓ શરૂ કરવામાં આવી છે.જેમાં મુસાફ્રોને બસની રાહ જોતી વખતે ગરમીનો સામેનો ન કરવો પડે તે માટે બસ સ્ટેશન પરિસરમાં બસ સ્ટેન્ડના શેડની આસપાસ પાણીની ઝીણી આછરી છોડતી સિસ્ટમ લગાવવામાં આવી છે, જે આસપાસના તાપમાનમાં ઘટાડો કરે છે. સાથે જ મુસાફ્રોને ગરમ પવનના બદલે ઠંડી હવા મળી રહે તે માટે મોટા એર કુલર્સ ગોઠવવામાં આવ્યા છે. અને શરીરમાં ડીહાઈડ્રેશનની સમસ્યા ન થાય તે માટે મુસાફ્રોને વિનામૂલ્યે ઓઆરએસના પેકેટ્સ અને પીવાનું ઠંડુ પાણી પૂરું પાડવામાં આવી રહ્યું છે. મુસાફરોનું કહેવું છે કે AMTS તંત્ર દ્વારા લેવાયેલા આ ત્વરિતઅને જનહિતના નિર્ણયનેકારણે મુસાફ્રોએ ભારે રાહત અનુભવી છે.આવી આકરા ઉનાળાની ગરમીમાં ઓઆરએસ અને વોટર સ્પ્રિંકલરની સુવિધા મળવાથી મુસાફ્રી સરળ બનશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
વસ્ત્ર્રાલમાં AMCના ડમ્પરની ટક્કરથી શેડ ધરાશાયીઃ મોટી દુર્ઘટના ટળી
calendar_today May 28, 2026

વસ્ત્ર્રાલમાં AMCના ડમ્પરની ટક્કરથી શેડ ધરાશાયીઃ મોટી દુર્ઘટના ટળી

શહેરના પૂર્વ વિસ્તારમાં આવેલા વસ્ત્ર્રાલના વ્યસ્ત એવા નિરાંત ક્રોસ રોડ પર આજે એક મોટી દુર્ઘટના થતાં-થતાં રહી ગઈ હતી. અમદાવાદ મ્યુનિસિપલ કોર્પોરેશનના એક કચરાના ડમ્પરની બેદરકારીને કારણે રસ્તા કિનારે ઊભો કરાયેલો એક મોટો શેડ પત્તાના મહેલની જેમ નીચે તૂટી પડયો હતો. સદનસીબે આ ઘટનામાં કોઈ જાન હાની થઈ નથી. મહત્વનું છે કે નિરાંત ચાર રસ્તા પાસેથી AMCનું એક ભારેભરખમ ડમ્પર પસાર થઈ રહ્યું હતું. આ દરમિયાન ડમ્પર ચાલકે કાબૂગુમાવતા અથવા ઊંચાઈનો અંદાજ ન રહેતા ડમ્પર રસ્તા કિનારે બાંધેલા ગ્રીન કલરના શેડના લોખંડના સ્ટ્રક્ચર સાથે ધડાકાભેર અથડાયું હતું. ટક્કર એટલી જોરદાર હતી કે આખેઆખો લોખંડનો શેડ વચમાંથી નમી પડયો હતો અને નીચે તૂટી પડયો હતો. જે સમયે આ ઘટના બની, ત્યારે ક્રોસ રોડ પર વાહનો અને લોકોની સામાન્ય અવરજવર ચાલુ હતી. આ શેડ અચાનક નીચે પડતાં જ રોડ પર જતા વાહનચાલકોમાં દોડધામ મચી ગઈ હતી. આ અકસ્માતમાં રસ્તા પરથી પસાર થઈ રહેલા એક વાહનને નુકસાન પણ થયુ હતું. સ્થાનિકોએ કોર્પોરેશનના વાહનોની ગતિ અને ચાલકોની બેદરકારી સામે પણ નારાજગી વ્યક્ત કરી છે. મહત્વનું છે કે તૂટી પડેલા શેડના સ્ટ્રક્ચરને રસ્તા પરથી હટાવીને વાહનવ્યવહાર પૂર્વવત કરવાની કામગીરી હાથ ધરવામાં આવી હતી. સ્થાનિકોની માંગ છે કે શહેરમાં ધોળા દાડે બેફામ દોડતા ટ્રકોની સ્પિડ પર લગામ લગાવવામાં આવે અને દંડની કાર્યવાહી પણ કરવામાં આવે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward