android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
ધી કાલુપુર કોમર્શિયલ કો-ઓપરેટીવ બેંક લિમિટેડની 56મી વાર્ષિક સધારણ સભા યોજાઈ
calendar_today May 27, 2026

ધી કાલુપુર કોમર્શિયલ કો-ઓપરેટીવ બેંક લિમિટેડની 56મી વાર્ષિક સધારણ સભા યોજાઈ

ગુજરાતની અગ્રગણ્ય હરોળની મલ્ટી સ્ટેટ શિડયુલ્ડ કો.ઓપ. બેંક, ધી કાલુપુર કોમ. કો.ઓપ.બેંક લિ. ની વર્ષ 2025-26ની 56મી વાર્ષિક સાધારણ સભા જે.બી. ઓડિટોરિમય, અમદાવાદ મેનેડમન્ટ એસોસિએશન, પાંજરાપોળ, અમદાવાદ ખાતે મળી હતી. જેમાં બેંકના સભાસદોએ હાજરી આપી હતી. બેંકના ડિરેક્ટર નવીવભાઈ સી. પટેલ દ્વારા જણાવવામાં આવ્યું કે બેંકે વર્ષ 2025-26 દરમિયાન રૂ.23,000.00 કરોડથી વધુનો કારોબાર હાંસલ કર્યો છે. બેંકનું સ્વમાલિકીનું ભંડોળ રૂ. 2,60.00 કરોડથી વધુ રહ્યું છે. બેંકનું નેટ એન.પી.એ. વર્ષોથી શૂન્ય જળવાઈ રહ્યુ છે, જે દર્શાવે છે કે બેંક ઉચ્ચ ગુણવત્તાયુક્ત ધિરાણ કરે છે. બેંકનો નફો કરવાની ક્ષમતા એજોડ રહેતા રૂ.215.00 કરોડનો ચોખ્ખો નફો કર્યો છે. આમ, ધી કાલુપુર કોમર્શિયલ કો-ઓપરેટીવ બેંક લિમિટેડએ સહકારી બેંકોમાં ભારતમાં પાંચમું સ્થાન અને ગુજરાતમાં પ્રથમ સ્થાન જાળવી રાખ્યુ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
ખોખરામાં પાણીની સમસ્યાથી કંટાળીને રોષે ભરાયેલા લોકોએ રસ્તા પર પથ્થરો મૂકીને વિરોધ પ્રદર્શીત કર્યો
calendar_today May 27, 2026

ખોખરામાં પાણીની સમસ્યાથી કંટાળીને રોષે ભરાયેલા લોકોએ રસ્તા પર પથ્થરો મૂકીને વિરોધ પ્રદર્શીત કર્યો

અમદાવાદને સ્માર્ટ સિટી બનાવવાના મોટા-મોટા દાવાઓ વચ્ચે પૂર્વ વિસ્તારમાં પાણીની વિકટ સમસ્યા સામે આવી છે. શહેરના ખોખરા વિસ્તારમાં આવેલી પુંજાવાલાની ચાલીના રહીશો છેલ્લા ચાર મહિનાથી પીવાના પાણીની અછતનો સામનો કરી રહ્યા છે. તંત્રની ઘોર ઉપેક્ષાથી કંટાળીને આજે સ્થાનિક લોકોનો પિત્તો ગયો હતો અને તેમણે રસ્તા પર સિમેન્ટના બ્લોક તેમજ પથ્થરો મૂકીને અનોખો વિરોધ પ્રદર્શન કર્યો હતો, જેના કારણે કલાકો સુધી ટ્રાફ્કિ જામના દ્રશ્યો સર્જાયા હતા.સ્થાનિકોનું કહેવું છે કે પુંજાવાલાની ચાલીમાં છેલ્લા ચાર મહિનાથી પીવાનું પાણી પૂરતા પ્રમાણમાં કે યોગ્ય પ્રેશરથી આવતું નથી. આ અંગે રહીશો દ્વારા અમદાવાદ મ્યુનિસિપલ કોર્પોરેશનને લેખિતમાં તેમજ કોર્પોરેશનની સ્માર્ટ એપ્લિકેશનો અને ટેકનોલોજીના માધ્યમથી અસંખ્ય ફરિયાદો કરવામાં આવી છે. છતાં પણ AMCના સત્તાધીશો કે સ્થાનિક અધિકારીઓના પેટનું પાણી હલ્યું નથી. તંત્રના આ નકારાત્મક વલણને કારણે આખરે જનતાનો આક્રોશ રસ્તા પર આવી ગયો હતો. રસ્તો બ્લોક થતા ઘટનાની જાણ થતાં જ સ્થાનીક પોલીસ કાફ્લો તાત્કાલિક ઘટનાસ્થળે દોડી આવ્યો હતો. પોલીસે મામલો થાળે પાડવા માટે સ્થાનિક લોકો સાથે વાટાઘાટો શરૂ કરી હતી.પોલીસની સમજાવટ બાદ રસ્તો ખુલ્લો કરાયો. મહત્વનું છે કે પોલીસ અધિકારીઓએ સ્થાનિકોની સમસ્યા વાજબી હોવાનું સ્વીકારીને AMCના ઉચ્ચ અધિકારીઓ સાથે વાતચીત કરી આ પ્રશ્નનો વહેલી તકે ઉકેલ લાવવાની ખાતરી આપી હતી. પોલીસની લાંબી સમજાવટ અને આશ્વાસન બાદ સ્થાનિકો શાંત પડયા હતા અને રસ્તા પરથી પથ્થરો તેમજ સિમેન્ટના બ્લોક હટાવ્યા હતા, જેના પછી વાહનવ્યવહાર પૂર્વવત થયો હતો. જોકે, રહીશોએ ચીમકી આપી છે કે જો આગામી દિવસોમાં પાણીની સમસ્યા હલ નહીં થાય, તો તેઓ આનાથી પણ ઉગ્ર આંદોલન કરશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
જગન્નાથ મંદિરે ભગવાનના દર્શાન બાદ ગજરાજોના આશિર્વાદ
calendar_today May 27, 2026

જગન્નાથ મંદિરે ભગવાનના દર્શાન બાદ ગજરાજોના આશિર્વાદ

અષાઢી બીજના પાવન અવસરે નીકળનારી ભગવાન જગન્નાથજીની રથયાત્રાને હવે ગણતરીના દિવસો જ બાકી રહ્યા છે, ત્યારે સમગ્ર મંદિર પરિસરમાં ઉત્સાહ અને ભક્તિનો માહોલ ચરમસીમાએ પહોંચ્યો છે. રથયાત્રાના અગ્રેસર એવા ગજરાજો હાલ મંદિર પરિસરમાં આકર્ષણનું કેન્દ્ર બન્યા છે. ભગવાન જગન્નાથના દર્શને આવતા શ્રાદ્ધાળુઓ મંદિરમાં દર્શન કરવાની સાથે-સાથે ગજરાજોના દર્શન કરીને ધન્યતા અનુભવી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward