android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
અમરાઈવાડીના બાલિયાવાસ પાસે જુનો રસ્તો દીવાલ બનાવી રસ્તો બ્લોક કરાયો
calendar_today May 27, 2026

અમરાઈવાડીના બાલિયાવાસ પાસે જુનો રસ્તો દીવાલ બનાવી રસ્તો બ્લોક કરાયો

શહેરના પૂર્વ વિસ્તારમાં આવેલા અમરાઈવાડી અને ખોખરાને જોડતા એક મહત્વના કોમન રાહદારી રસ્તાને બંધ કરી દેવાતા સ્થાનિક રહીશોમાં ભારે રોષ જોવા મળી રહ્યો છે. અમરાઈવાડી બાલિયાવાસ અને ગુજરાત હાઉસિંગ બોર્ડ - સર્વોદયનગર (ખોખરા) વચ્ચે આવેલા આ સામાન્ય રસ્તા પરથી વર્ષોથી હજારો લોકો પસાર થતા હતા, જે હવે અચાનક બંધ થઈ જતાં સ્થાનિકોએ ભારે હાલાકીનો સામનો કરવો પડી રહ્યો છે. મહત્વનું છે કે અમરાઈવાડી બાલિયાવાસ પાસે રહેતા લોકો માટે સર્વોદયનગર ખોખરા તરફ્ જતો આ કોમન રસ્તો રોજિંદી અવરજવર માટેની મુખ્ય જીવાદોરી સમાન હતો. નોકરીયાત વર્ગ, શાકભાજી લેવા જતી મહિલાઓ અને સ્કૂલે જતા બાળકો આ ટૂંકા રસ્તાનો જ ઉપયોગ કરતા હતા. પરંતુ તાજેતરમાં બાલિયાવાસ પાસેના આ રસ્તાને કોઈ કારણોસર તદ્દન બંધ કરી દેવામાં આવ્યો છે. આ બાબતે સ્થાનિક રહીશો દ્વારા ઉચ્ચ કક્ષાએ અને સ્થાનિક કોર્પોરેટરોને રજૂઆત કરવાની તૈયારીઓ ચાલી રહી છે. જો આ કોમન રાહદારી રસ્તો વહેલી તકે ખુલ્લો કરવામાં નહીં આવે, તો આગામી દિવસોમાં સ્થાનિકો દ્વારા ઉગ્ર આંદોલન કે વિરોધ પ્રદર્શન કરવામાં આવી શકે છે. હજારો લોકોના હિતમાં મ્યુનિસિપલ કોર્પોરેશન ના સત્તાધીશો આ બાબતમાં વહેલી તકે દરમિયાનગીરી કરે તેવી લોકમાંગ ઉઠી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
અસારવામાં વંદે માતરમ સર્કલ પાસે ગેરકાયદે પાર્કિંગથી થતાં ટ્રાફિકથી સ્થાનિકો ત્રાહિમામ
calendar_today May 27, 2026

અસારવામાં વંદે માતરમ સર્કલ પાસે ગેરકાયદે પાર્કિંગથી થતાં ટ્રાફિકથી સ્થાનિકો ત્રાહિમામ

શહેરના અસારવા વિસ્તારમાં આવેલું ઐતિહાસિક અને મહત્વપૂર્ણ વંદે માતરમ સર્કલ હાલમાં ટ્રાફ્કિ અને ગેરકાયદેસર પાર્કિંગનો મોટો અડ્ડો બની ગયું છે. જે સર્કલ વાહનોની સરળ અવરજવર માટે બનાવવામાં આવ્યું હતું, તે હવે ખાનગી વાહનો, કમર્શિયલ ગાડીઓ અને લારી-ગલ્લાના દબાણોથી ઘેરાઈ ગયું છે. આ પરિસ્થિતિને કારણે સ્થાનિક રહીશો અને વાહનચાલકો ભારે હાલાકીનો સામનો કરી રહ્યા છે.સ્થાનિકોનું કહેવું છે કે વંદે માતરમ સર્કલની આસપાસ દિવસ-રાત આડેધડ વાહનો પાર્ક કરી દેવામાં આવે છે. ટ્રક, રીક્ષાઓ અને ખાનગી લક્ઝરી બસો પણ અહીં લાંબો સમય સુધી પડી રહે છે. આ ઉપરાંત, આસપાસના ખાણી-પીણીના લારી-ગલ્લાવાળાઓએ પણ સર્કલના ભાગ પર કબ્જો જમાવી લીધો છે. પરિણામે, પીક અવર્સ (સવાર અને સાંજના સમયે) દરમિયાન અહીંથી પસાર થવું એ કોઈ યુદ્ધ જીતવા સમાન બની જાય છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
ગિરનારના જળાશયમાં મગર V/S જળસાપ
calendar_today May 27, 2026

ગિરનારના જળાશયમાં મગર V/S જળસાપ

જૂનાગઢ । ગિરનારના જળાશય વિસ્તારમાં કુદરતી શિકારનું અનોખું દૃશ્ય જોવા મળ્યું, જેમાં એક મગર દ્વારા 'ચેકર્ડ કીલબેક' જળસાપનો શિકાર કરવામાં આવ્યો હતો. ચેકર્ડ કીલબેક (Fowlea piscator) એક બિનવિષારી જળસાપ છે, જે સામાન્ય રીતે તળાવો, નદીકિનારા અને ભેજવાળા વિસ્તારોમાં જોવા મળે છે. મગર એક શક્તિશાળી અને અવસરવાદી શિકારી તરીકે ઓળખાય છે. તે પાણીમાં છુપાઈને શિકાર પર અચાનક હુમલો કરે છે. તસવીરમાં મગર સાપને પોતાના મજબૂત જડબામાં પકડીને ગળવા માટે યોગ્ય સ્થિતિમાં લાવતો જોવા મળે છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward