android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
તાલાલાનાં સ્ટર્લિં ગ રુદ્ર રિસોર્ટ, લોટસ લક્ઝરી રિસોર્ટ અને ક્વિસ ગીર લાયન રિસોર્ટમાં ચેકિંગ
calendar_today May 27, 2026

તાલાલાનાં સ્ટર્લિં ગ રુદ્ર રિસોર્ટ, લોટસ લક્ઝરી રિસોર્ટ અને ક્વિસ ગીર લાયન રિસોર્ટમાં ચેકિંગ

તાલાલા તાલુકામાં ઉનાળુ વેકેશન દરમિયાન ગીરના જંગલની મજા માણવા પ્રવાસીઓનો પ્રવાહ ઉમટયો હોય રીસોર્ટ, ફર્મ હાઉસ,હોટલો ફુલ થઇ ગયા છે. આ દરમ્યાન તાલાલા પંથકમાં કાયદો અને વ્યવસ્થા ની જાળવણી માટે ફર્મ હાઉસ,રીસોર્ટમાં તપાસ કરવી જરૂરી હોય ગીર સોમનાથ જિલ્લા એસ.ઓ.જી બ્રાંચ દ્વારા ફર્મ હાઉસોમાં સઘન ચેકીંગ શરૂ થયું છે.ચેકિંગ દરમિયાન તાલાલા તાલુકાના ચિત્રોડ ગીર ગામના સ્ટર્લીંગ રુદ્ર રિસોર્ટ તથા લોટસ લક્ઝરી રિસોર્ટ તથા સાંગોદ્રા ગીર ગામના કવીસ ગીર લાયન રિસોર્ટમાં આવતા પ્રવાસીઓની પથિક સોફ્ટવેરમાં એન્ટ્રી કર્યા વિના રૂમો રહેવા માટે આપેલ હોવાનું બહાર આવતા પોલીસે ચિત્રોડ ગીરના રિસોર્ટના મેનેજર પ્રકાશ રામલાલ ખત્રી ઉ.વ.44 તથા જીગર મધુ શિરોયા ઉ.વ.25 રે.બંને ચિત્રોડ ગીરવાળા વિરુદ્ધ જરૂરી ડોક્યુમેન્ટ વગર પ્રવાસીઓને એન્ટ્રી આપી જાહેરનામાનો ભંગ કરવા સબબ ગુનો દાખલ કર્યો છે.આ ઉપરાંત સાંગોદ્રા ગીર ગામના કવીસ ગીર લાયન રિસોર્ટમાં પણ પ્રવાસીઓને એન્ટ્રી કર્યા વિના રૂમો રહેવા આપવા તથા રિસોર્ટમાં સ્થાનિક પોલીસ સ્ટેશનને જાણ કર્યા વિના પરપ્રાંતિય મજૂરોને કામે રાખવા સબબ રિસોર્ટનાં મેનેજર રાજદિપસિંહ જીતેન્દ્રસિંહ ઝાલા ઉ.વ.36 રે.સાંગોદ્રા ગીર વાળા વિરુદ્ધ પણ જાહેરનામા ભંગનો ગુનો દાખલ કરી એસ.ઓ.જી.એ.એસ.આઈ. એ કાયદાકીય કાર્યવાહી હાથ ધરી છે. તાલાલા પંથકમાં પ્રવાસીઓનો ભારે ટ્રાફ્કિ ધ્યાને લઈ કાયદો અને વ્યવસ્થા જળવાય રહે, ગેરકાયદેસર પ્રવૃત્તિ અટકાવવા ગીર સોમનાથ જિલ્લા એસ.ઓ.જી.બ્રાંચની સઘન ચેકિંગ કામગીરી શરૂ કરતાં નિયમ અને કાયદા વિરુદ્ધ ચાલતા રિસોર્ટ, ફર્મ હાઉસ સંચાલકોમાં ફ્ફ્ડાટ ફેલાયો છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
જૂનાગઢવાસીઓને શહેરમાંથી પસાર થતાં 7 રેલવે ફાટકમાંથી મળશે મુક્તિ
calendar_today May 27, 2026

જૂનાગઢવાસીઓને શહેરમાંથી પસાર થતાં 7 રેલવે ફાટકમાંથી મળશે મુક્તિ

જૂનાગઢવાસીઓના માથાના દુઃખાવા સમાન શહેરમાંથી પસાર થતા સાત રેલ્વે ફટકમાંથી મુક્તિ મળશે તેવા સમાચાર આવ્યા છે. કારણ કે, આજે રેલ્વે બોર્ડ દ્વારા જૂનાગઢ નજીક ગ્રોફેડ ખાતે નવા મીટર ગેજ સ્ટેશનને મંજૂરી આપી દીધી છે. જેનાથી शहरની ટ્રાફ્કિ સમસ્યા હળવી બનશે અને નવાબીકાળની મીટર ગેજ લાઈન શહેરમાંથી નાબુદ કરવામાં આવશે.ભાવનગર રેલવે મંડલના વરિષ્ઠ પ્રબંધકે જણાવ્યું કે, જૂનાગઢ શહેરને મોટી રાહત રાહત, રેલવે બોર્ડ દ્વારા ગ્રોફેડ ખાતે નવા મીટર ગેજ સ્ટેશનને મંજૂરી આપી છે. જેનાથી શહેરમાંથી પસાર થતા સાત રેલ્વે ફટકો પરના દૈનિક ટ્રાફ્કિ જામમાંથી મુક્તિ મળશે. જૂનાગઢ શહેરના નાગરિકોને લાંબા સમયથી ચાલી આવતી ટ્રાફ્કિ સમસ્યામાંથી મોટી રાહત મળવાની છે. રેલવે બોર્ડ દ્વારા પશ્ચિમ રેલવેના ભાવનગર મંડળ હેઠળના વિસાવદર-જૂનાગઢ મીટર ગેજ સેક્શનમાં ગ્રોફેડ વિસ્તારમાં નવા મીટર ગેજ સ્ટેશનના નિર્માણને મંજૂરી આપવામાં આવી છે. આ અંગે અવાર નવાર કેન્દ્ર લેવલે શહેરના રેલવે ફટક અંગે રજૂઆત કરવામાં આવી હતી, જેને સફ્ળતા મળી છે, અને આજે કેન્દ્ર લેવલથી રેલ્વે વિભાગ દ્વારા આ નિર્ણય લેવામાં આવ્યો છે. જેનાથી શહેરમાંથીથી પસાર થતા સાત રેલ્વે ફટક દુર કરવામાં આવશે, અને શહેર નજીક ગ્રોફેડ ખાતે નવું મીટર ગેજ સ્ટેશન બનાવવામાં આવશે. આ સમાચાર વહેતા થયાની સાથે જ જૂનાગઢવાસીઓમાં ખુશીની લ્હેર દોડી ગયેલ છે, અને રાતે ઝાંસીના સર્કલ ખાતે ફ્ટાકડા ફેડીને ઉજવણી કરવામાં આવી હતી. જૂનાગઢ મહાનગરપાલિકા દ્વારા નવાગ્રોફેડ સ્ટેશન અને હાલના જૂનાગઢ સ્ટેશન વચ્ચે ઈ-બસ સેવા શરૂ કરવાનો પ્રસ્તાવ આપવામાં આવ્યો છે, જેથી મીટર ગેજ મુસાફ્રોને બ્રોડ ગેજ ટ્રેનો અને શહેરના અન્ય વિસ્તારો સાથે સરળ જોડાણ મળી રહેશે. હાલના જૂનાગઢ સ્ટેશન પર મીટર ગેજ કામગીરી બંધ થયા બાદ ઉપલબ્ધ થતી જમીનનો ઉપયોગ બ્રોડ ગેજ યાર્ડ અને અન્ય કામગીરી સંબંધિત સુવિધાઓના વિસ્તરણ માટે કરવામાં આવશે. આથી માત્ર શહેરની ટ્રાફ્કિ વ્યવસ્થામાં સુધારો નહીં થાય, પરંતુ જૂનાગઢના શહેરી વિકાસને પણ નવી દિશા મળશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
ઇસ્કોન બ્રિજ નરસંહાર કેસઃ 9 નિર્દોષના મોતના જવાબદાર તથ્ય પટેલને સુપ્રીમ કોર્ટે જામીન આપ્યા
calendar_today May 27, 2026

ઇસ્કોન બ્રિજ નરસંહાર કેસઃ 9 નિર્દોષના મોતના જવાબદાર તથ્ય પટેલને સુપ્રીમ કોર્ટે જામીન આપ્યા

ગુજરાતભરમાં ભારે ખળભળાટ મચાવનાર તથ્ય પટેલના ઇસ્કોન બ્રિજ પર 141.27 કિલોમીટરની સ્પીડે ગાડી હંકારી નવ લોકોને કચડી નાખી મોતને ઘાટ ઉતારવાના ચકચારભર્યા કેસમાં સુપ્રીમ કોર્ટેના જસ્ટિસ એમ.એમ. સુંદરેશ અને જસ્ટિસ સતીષ ચંદ્ર શર્માની ખંડપીઠે આખરે તથ્ય પટેલને જામીન પર મુક્ત કર્યો છે. 20મી જુલાઈ 2023ના રોજ તથ્ય પટેલની ધરપકડ કરી ત્યારથી તે જેલમાં હતો. આશરે 1,032 દિવસ જેલમાં રહ્યા બાદ સુપ્રીમ કોર્ટે તેને જામીન પર મુક્ત કર્યો છે. ઉલ્લેખનીય છે કે, તથ્ય પટેલ સામે ચાર્જફ્રેમ કરવા માટે 853 દિવસ લાગ્યાં હતા. સુપ્રીમ કોર્ટના નિર્દેશ બાદ અને ચાર્જફ્રેમ કર્યા બાદ જામીન અરજી કરી હતી, જેમાં સુપ્રીમ કોર્ટે મહત્વના સાક્ષીઓની જુબાની ત્રણ માસમાં પૂરી કરવા માટે નિર્દેશ આપ્યો હતો. જેના પગલે અમદાવાદ ગ્રામ્ય કોર્ટે ત્રણ માસમાં કુલ 28 સાક્ષીઓની જુબાની અને ઉલટ તપાસ પૂરી કરી હતી. સુપ્રીમ કોર્ટમાં તપાસનીશ અધિકારી દ્વારા કેસનો પ્રગતિ અહેવાલ એફ્ડિેવિટમાં રજૂ કર્યો હતો. આજે સુપ્રીમ કોર્ટમાં સુનાવણી હાથ ધરવામાં આવી હતી. કેદી નંબર-8683 તથ્ય પટેલ હવે ટૂંક સમયમાં જેલમાંથી બહાર આવશે.ઇસ્કોન બ્રિજ પર ગત 20મી જુલાઈ 2023ના રાત્રે 141.27 કિલોમીટરથી વધુની સ્પીડે બેફમ રીતે જેગુઆર ગાડી તથ્ય પ્રજ્ઞેશ પટેલે હંકારીને નવ નિર્દોષોને કચડી નાખીને મોતના ઘાટ ઉતાર્યા હતા. આ અકસ્માતમાં 13થી વધુ લોકો ઇજાગ્રસ્ત થયા હતા. ટ્રાફ્કિ પોલીસે આરોપી તથ્ય પટેલ અને પ્રજ્ઞેશ પટેલ વિરુદ્ધ આઈપીસીની વિવિધ કલમો અને મોટર વ્હીકલ એક્ટની કલમો હેઠળ 1,684 પાનાનું ચાર્જશીટ દાખલ કરી દીધું હતું. જેમાં કુલ 191 સાક્ષીઓ દર્શાવવામાં આવ્યા હતા. સુપ્રીમ કોર્ટના નિર્દેશ બાદ તથ્ય પટેલ અને તેના પિતા પ્રજ્ઞેશ પટેલ સામે 18મી નવેમ્બરના રોજ તહોમતનામું ઘડવામાં આવ્યું હતું. ત્યારબાદ અત્યાર સુધી કુલ 28 સાક્ષીઓની જુબાની અને ઉલટ તપાસ પૂર્ણ થઈ છે. સુપ્રીમ કોર્ટે 20મી ફેબ્રુઆરીના રોજ મહત્વના સાક્ષીઓની જુબાની ત્રણ માસમાં પૂરી કરવા નિર્દેશ આપીને 27મી મેના રોજ સુનાવણી રાખી હતી. આજે સુપ્રીમ કોર્ટમાં તથ્ય પટેલની જામીન અરજીની સુનાવણી હાથ ધરવામાં આવી હતી. આ સુનાવણી દરમિયાન રાજ્ય સરકાર વતી તથ્ય પટેલના જામીનનો ઉગ્ર વિરોધ કરવામાં આવ્યો હતો. સરકારે દલીલ કરી હતી કે આરોપીને હજુ છ મહિના પછી મુક્ત કરવામાં આવે અને પીડિતોને વળતર ચૂકવવાનો આદેશ આપવામાં આવે. જોકે, સુપ્રીમ કોર્ટે રાજ્ય સરકારની આ દરખાસ્ત અને વાંધાને સ્પષ્ટપણે ફ્ગાવી દીધા હતા. સર્વોચ્ચ અદાલતે આ અંગે મહત્ત્વનું અવલોકન કરતાં જણાવ્યું હતું કે, આ તબક્કે વળતર આપવાનો કોઈ પ્રશ્ન ઊભો થતો નથી કારણ કે કોર્ટ અત્યારે આરોપીને દોષિત જાહેર કરી રહી નથી પરંતુ માત્ર જામીન પર મુક્ત કરવાનો નિર્ણય લઈ રહી છે. પરિણામે, અકસ્માત બાદ લાંબા સમય સુધી જેલવાસ ભોગવ્યા પછી હવે તથ્ય પટેલ જામીન પર બહાર આવશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward