android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gujarat Latest News Live : કચ્છના દરિયાકાંઠે ATSનું મોટું ઓપરેશન, મુંદ્રા બંદરેથી અંદાજીત 500 કરોડના કોકેઇનનો મુદ્દામાલ કબ્જે કરાયો
calendar_today May 27, 2026

Gujarat Latest News Live : કચ્છના દરિયાકાંઠે ATSનું મોટું ઓપરેશન, મુંદ્રા બંદરેથી અંદાજીત 500 કરોડના કોકેઇનનો મુદ્દામાલ કબ્જે કરાયો

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 27 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Ahmedabad CNG Price Hike: અદાણીએ CNGના ભાવમાં ઝીંક્યો રૂ. 2નો વધારો, નાગરિકોને મોંઘવારીનો ડામ
calendar_today May 27, 2026

Ahmedabad CNG Price Hike: અદાણીએ CNGના ભાવમાં ઝીંક્યો રૂ. 2નો વધારો, નાગરિકોને મોંઘવારીનો ડામ

અમદાવાદના વાહનચાલકો માટે વધુ એક માઠા સમાચાર સામે આવ્યા છે. અમદાવાદમાં CNG વાહનચાલકોને વધુ એક ભાવવધારાનો ઝટકો લાગ્યો છે. અદાણી એનર્જીએ CNGના ભાવમાં પ્રતિ કિલો રૂ.2નો વધારો જાહેર કર્યો છે. આ વધારા બાદ CNGનો નવો ભાવ રૂ.88.02 પ્રતિ કિલો થયો છે, જ્યારે અગાઉ ભાવ રૂ.86.02 પ્રતિ કિલો હતો. સતત વધી રહેલા ઈંધણના ભાવ વચ્ચે હવે CNG આધારિત વાહનચાલકોના ખિસ્સા પર વધુ બોજ વધવાની શક્યતા જોવા મળી રહી છે.  મોંઘવારીના આ યુગમાં સામાન્ય જનતાના ખિસ્સા પર વધુ એક આર્થિક બોજ નાખવામાં આવ્યો છે. CNGમાં ફરી ભાવ વધતા  રીક્ષાચાલકો, ટેક્સી ચાલકો અને ખાનગી સીએનજી વાહનો ધરાવતા મધ્યમ વર્ગના પરિવારોનું બજેટ ખોરવાઈ ગયું છે.જાણો શું છે CNGનો નવો અને જૂનો ભાવ?આ નવા ભાવ વધારા બાદ અમદાવાદમાં સીએનજીનો નવો ભાવ વધીને રૂ. 88.02 પ્રતિ કિલો થઈ ગયો છે. આ અગાઉ સીએનજીનો જૂનો ભાવ રૂ. 86.02 પ્રતિ કિલો હતો. કંપની દ્વારા વધારવામાં આવેલા આ નવા ભાવો તાત્કાલિક અસરથી લાગુ કરી દેવામાં આવ્યા છે, જેના કારણે ગેસ સ્ટેશનો પર વહેલી સવારથી જ વાહનચાલકોના ખિસ્સા વધુ હળવા થવા લાગ્યા છે. અમદાવાદ ઉપરાંત જાણો અન્ય મુખ્ય શહેરોમાં આટલો ભાવ વધ્યો છે.નોઇડા: રૂ.91.70 પ્રતિ કિલો ગુરુગ્રામ: રૂ.84.12 પ્રતિ કિલો ગાઝિયાબાદ: રૂ.102.90 પ્રતિ કિલો ફરીદાબાદ: રૂ.90.30 પ્રતિ કિલો મુંબઈ: રૂ.81.00 પ્રતિ કિલો કોલકાતા: રૂ.93.50 પ્રતિ કિલો ચેન્નાઈ: રૂ.91.50 પ્રતિ કિલો બેંગલુરુ: રૂ.90.00 પ્રતિ કિલો હૈદરાબાદ: રૂ.97.00 પ્રતિ કિલોઅમદાવાદઃ રૂ.88.02 પ્રતિ કિલોવર્ષ 2026માં જનતા પર વધુ મોંઘવારીનો ડામચિંતાજનક બાબત એ છે કે ચાલુ વર્ષ 2026માં સીએનજી વાપરતા ગ્રાહકોને સતત ઝટકા મળી રહ્યા છે. વર્ષ 2026માં અત્યાર સુધીમાં સીએનજીના ભાવમાં કુલ રૂ. 8.6નો મોટો વધારો ઝીંકાઈ ચૂક્યો છે. આ પૂર્વે હજુ ગત 16 મેના રોજ જ કંપની દ્વારા સીએનજીના ભાવમાં રૂ. 2.25નો વધારો કરવામાં આવ્યો હતો. આ વાતને હજુ માંડ થોડા દિવસો વિત્યા છે ત્યાં ફરી એકવાર ૨ રૂપિયા ઠોકી બેસાડવામાં આવ્યા છે. સતત વધી રહેલા આ ભાવોને કારણે ટ્રાન્સપોર્ટેશન ખર્ચ વધશે, જેના લીધે આગામી દિવસોમાં શાકભાજી અને અન્ય જીવનજરૂરી ચીજવસ્તુઓના ભાવ વધવાની પણ ભીતિ સેવાઈ રહી છે. વાહનચાલકો હવે સરકાર અને કંપનીઓ સામે આક્રોશ ઠાલવી રહ્યા છે અને ભાવમાં રાહત આપવામાં આવે તેવી માંગ કરી રહ્યા છે.

Read Full Story arrow_forward
Morbi News: હળવદમાં ચાર દિવસ ચાલે તેટલો જ પીવાના પાણીનો જથ્થો, ધારાસભ્યનો લેટર બોમ્બ
calendar_today May 27, 2026

Morbi News: હળવદમાં ચાર દિવસ ચાલે તેટલો જ પીવાના પાણીનો જથ્થો, ધારાસભ્યનો લેટર બોમ્બ

મોરબી જિલ્લાના હળવદ તાલુકામાં ઉનાળાની આકરા તાપ વચ્ચે પીવાના પાણીનું ગંભીર સંકટ ઊભું થયું છે.હળવદ શહેરમાં હાલ માત્ર 3થી 4 દિવસ ચાલે તેટલો જ પાણીનો જથ્થો ઉપલબ્ધ હોવાના કારણે વહીવટી તંત્રમાં દોડધામ મચી ગઈ છે.આ વિકટ પરિસ્થિતિ વચ્ચે હળવદના ધારાસભ્ય પ્રકાશ વરમોરાએ પાણી પુરવઠા વિભાગ અને નર્મદા નિગમના અધિકારીઓની કામગીરી સામે ગંભીર સવાલો ઉઠાવ્યા છે. ધારાસભ્યએ સરકારના મંત્રીને પત્ર લખ્યો ધારાસભ્ય પ્રકાશ વરમોરાએ આ મામલે પાણી પુરવઠા મંત્રી ઈશ્વર પટેલને એક સણસણતો પત્ર લખીને રજૂઆત કરી છે.પત્રમાં તેમણે તંત્ર વચ્ચે સંકલનનો સ્પષ્ટ અભાવ હોવાના આક્ષેપો કર્યા છે.સાથે જ અધિકારીઓ કોઈની રજૂઆતને ગણકારતા નહીં હોવાનો પણ લેટર બોમ્બ ફોડ્યો છે.જેના કારણે સ્થાનિક રાજકારણમાં ગરમાવો આવી ગયો છે. હળવદમાં પાણીનું સંકટ ઘેરાયુ હળવદના બ્રાહ્મણી ડેમ-2 માંથી હળવદ શહેર ઉપરાંત જામનગર અને દ્વારકા જિલ્લાના તાલુકાઓમાં પીવાનું પાણી સપ્લાય કરવામાં આવે છે.આ ડેમને ધાંગધ્રા બ્રાન્ચ કેનાલ મારફતે ભરવામાં આવે છે.પરંતુ હાલમાં આ કેનાલને સફાઈ કામકાજ માટે બંધ કરી દેવામાં આવતા પાણીની આવક અટકી ગઈ છે અને સંકટ વધુ ઘેરાયું છે. ધારાસભ્યની આ આક્રમક રજૂઆત બાદ હવે મંત્રી કક્ષાએથી કેવા પગલાં લેવાય છે તેના પર સૌની નજર છે. આ પણ વાંચોઃ Gujarat Weather : સૌરાષ્ટ્ર અને દક્ષિણ ગુજરાતમાં વરસાદની આગાહી, 40 KMની ગતિએ પવન ફૂંકાઈ શકે છે

Read Full Story arrow_forward