Cockroach Janata Party: X અકાઉન્ટ બ્લોકને લઇને HCના શરણે અભિજિત દિપકે, 27મેએ સુનાવણી
સોશિયલ મીડિયા પર તીખા કટાક્ષ અને વ્યંગ્ય (Satire) માટે જાણીતા ગ્રુપ 'કોકરોચ જનતા પાર્ટી'ના 'X' (અગાઉનું ટ્વિટર) હેન્ડલને બ્લોક કરવાનો મામલો હવે અદાલતના ઉંબરે પહોંચ્યો છે. આ ગ્રુપના સ્થાપક અભિજીત દીપકેએ કેન્દ્ર સરકારના એ આદેશને દિલ્હી હાઈકોર્ટમાં પડકાર્યો છે, જે અંતર્ગત રાષ્ટ્રીય સુરક્ષાનો હવાલો આપીને તેમના સોશિયલ મીડિયા એકાઉન્ટ પર પ્રતિબંધ મૂકવામાં આવ્યો હતો.27મેએ સુનાવણીની શક્યતા અભિજીત દીપકે વતી આ અરજી 'એનજી લો ચેમ્બર્સ'ના એડવોકેટ નકુલ ગાંધી મારફત દાખલ કરવામાં આવી છે. દિલ્હી હાઈકોર્ટ આ ગંભીર મુદ્દા પર 27 મેના રોજ સુનાવણી કરે તેવી પ્રબળ શક્યતા છે. આઈટી એક્ટની કલમ 69(A) હેઠળ થઈ કાર્યવાહી મળતી વિગતો મુજબ, કેન્દ્રીય ઇલેક્ટ્રોનિક્સ અને ઇન્ફોર્મેશન ટેક્નોલોજી મંત્રાલયે ઇન્ફોર્મેશન ટેક્નોલોજી એક્ટ (IT Act)-2000ની કલમ 69 (A) હેઠળ મળેલી સત્તાનો ઉપયોગ કરીને 'X' ને આ વ્યંગ્યાત્મક એકાઉન્ટ બ્લોક કરવાનો નિર્દેશ આપ્યો હતો. સરકારે આ કાર્યવાહી પાછળ દેશની સુરક્ષાનું કારણ દર્શાવ્યું હતું, જેને હવે અરજીકર્તાએ કોર્ટમાં પડકાર્યું છે. CJI સૂર્યકાંતની ટિપ્પણીથી શરૂ થયો હતો સમગ્ર વિવાદ આ સમગ્ર ઘટનાક્રમની શરૂઆત 15 મેના રોજ સુપ્રીમ કોર્ટમાં થયેલી એક સુનાવણી સાથે જોડાયેલી છે. સુપ્રીમ કોર્ટના મુખ્ય ન્યાયાધીશ (CJI) સૂર્યકાંતની અધ્યક્ષતાવાળી બેન્ચે વકીલો અને આરટીઆઈ કાર્યકર્તાઓને લઈને એક કડક ટિપ્પણી કરી હતી.બેન્ચે જણાવ્યું હતું કે, આજકાલના બેરોજગાર યુવા વકીલો પ્રેક્ટિસ છોડીને સોશિયલ મીડિયા અને આરટીઆઈ (RTI) એક્ટિવિઝમ તરફ વળી રહ્યા છે. કોર્ટે આકરા શબ્દોમાં કહ્યું હતું કે, આવા યુવાનો 'કોકરોચની જેમ સમાજ પર બોજ' બની રહ્યા છે. સોશિયલ મીડિયા પર ડિજિટલ આંદોલન: ટૂંક સમયમાં જ કરોડો ફોલોઅર્સ જોડાયા CJIની આ તીખી ટિપ્પણી બાદ સોશિયલ મીડિયા પર એક નવી ચર્ચા અને વિરોધ શરૂ થયો. આના જવાબમાં અને વ્યંગ્ય (સટાયર) તરીકે અભિજીત દીપકેએ ઓનલાઈન પ્લેટફોર્મ્સ પર 'કોકરોચ જનતા પાર્ટી' નામે એક અનોખું ડિજિટલ આંદોલન શરૂ કરી દીધું. યુવા યુઝર્સ વચ્ચે આ આઈડિયા જોતજોતામાં જબરદસ્ત રીતે વાયરલ થઈ ગયો. આ ડિજિટલ કેમ્પેનને એટલી અભૂતપૂર્વ સફળતા મળી કે 'X' પર તેના ફોલોઅર્સની સંખ્યા લાખોમાં પહોંચી ગઈ, જ્યારે ઇન્સ્ટાગ્રામ (Instagram) પર આ ગ્રુપે 2.2 કરોડ (22 Million)થી વધુ ફોલોઅર્સનો આંકડો વટાવીને એક નવો રેકોર્ડ બનાવી દીધો છે. હવે અભિવ્યક્તિની આઝાદી અને સરકારી પ્રતિબંધ વચ્ચેની આ લડાઈ કાનૂની સ્વરૂપ ધારણ કરી ચૂકી છે. Gold Silver Price Today: ચાંદીમાં 4000થી વધુ વધ્યા, સોનામાં પણ તેજી, જાણો 25મેનો લેટેસ્ટ ભાવ
Read Full Story arrow_forward